25 November 2025

တံပ်အွံရ်ပ်ုန်လောတ်ကပီုန်တအာင်းPSLF/TNLA တီုင်ဘြောင်ချှာင်ဂဲ ရေဲန်ပါင်ကမိုန်ကတူႈကငျားတောပ် အီရံပ်ဇီုင်းကပ္လိူင် ကာည်း ကူန်ရဝ်မာဂါင် ပလှံင်ရူကော

အိုမ်ယ်ုရ်၊ ကျံရ်ကိူရ်အူ၊ ဆငည်း (25)

တံပ်အွံရ်ပ်ုန်လောတ်ကပီုန်တအာင်းPSLF/TNLA တီုင်ဘြောင်ချှာင်ဂဲ ရေဲန်ပါင်ကမိုန်ကတူႈကငျားတောပ် အီရံပ်ဇီုင်းကပ္လိူင် ကာည်း ကူန်ရဝ်မာဂါင် ပလှံင်ရူကောအော။

ပါင်ကမိုန်ကတူကငျားဒီန် ဘံန်ဟောည်,ဟာဝ်း  ကျံရ်ကိူရ်အူ ဆငည်း(22) ကမိုန်ဟာဝ်း ဒါႈမှာန်းကူန်ရဝ်မာဂါင်ဂဲ လီပ်က‌ဖြောမ်ရောမ်‌ရေဲန်တောပ် ဇီုင်းကာန်တီုင်ဒံန်ခြဲတြားဥပဒေ၊ ဇီုင်းကာန်တီုင်ဘြောင်ချှာင်လှံင်၊ ဇီုင်းကာန်အရာပ်အရာဟိုက်ဇာရ်၊ ကနာည်ရဝ်ဂါင် ပျော်ယာချှီႇတခိူည်း၊ ဇီုင်းကာန်ဘ္လံက်ချှာင်တြား၊ ဇီုင်းကာန်တီုက်ယာႈအရေးခံင်ယိူည်ႇကဲနီန်။

ဟောည်ႇဒီန် ကူန်ရဝ်မာဂါင်ကဲအီးဟိုက်ရောတ်ဒေဲႈမာ် ဟြာင်းဟာဝ်းပ်ုန်လို အီရံပ်ဇီုင်းကပ္လိူင်ဂဲ စီဝီရ်ကဘ္လာင်းဒဲႈပ်ုန်ဆမွံတ် လာည်ကမိုန်ကဘ္လာင်းဟာဝ်း ပ်ုန်လိုပ်ုန်ဆိင်နံပ်အောႏ။

 ပါင်ကတူႈကငျားဒီန် အီဟိုက်ရောတ် တာပလိက်အိူင်  ခူန်အွံရ် တားဂေါင်ငျံရ်၊ တာအိူင် ခူန်နာန်းဒါင်း မှီူမ်ရံက်၊ တာတီုင်တံပ်331 ခူန်နာန်းထူန်အေး၊ တာဘြောင်ချှာင်လှံင်ရူကော တာမ်ခူန်နာန်း ကမေဲႈဒါင်း၊ တီုင်ပ္လံက်ချှာင်တြာဥပဒေ လိုည်းပိုႈဆပေ၊ တားဥပဒေ မာည်းဆမ်ရုင်း၊ အီအွံရ်နှဲထိင် တာမ်ခူန်နာန်း သံလွင်၊ တာရံပ်ဇီုင်းကပ္လိူင်ဇံင်၊ တာဘြောင်ချှာင်အရာပ်၊ တာဘြောင်ချှာင်ရဝ်၊ ကူန်ရဝ်မာဂါင်ဂဲ ကာည်း ကောန်တဘိုက်အီ‌‌ဂေါည်တရဝ် ကစုကပိုမ် (60)အီးလေႈ ဟိုက်ရောတ်ဒေဲႈအောႏ။

ဘံန်ဟောည်ႇဒေဲႈ ကျံရ်ကိူရ်အူ၊ ဆငည်း( 7 ) အိူင်အိုမ်ယ်ုရ်၊ လှံင်အိုမ်ယ်ုရ်၊ တံပ်အွံရ်ပ်ုန်လောတ်ကပီုန်တအာင်း PSLF/TNLA ဖုင်ပလိက်ကုင်တအာင်း ရေဲန်ပါင်ကမိုန်ကတူႈကငျားတောပ် ကူန်ရဝ်မာဂါင် ပရဝ်ပိုႈ

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း