ဂေါႇဘြည်က္လာည်းဆေ ဒေင် ကာည်း ကပု အ်ုန်အီလူလှဲဝ်ႏ ဖုင်ဆပယ်ဆငါးဂဲ ဝီရ်ဘြဲဆာဒဲႈ
13 November 2025
ဂေါႇဘြည်က္လာည်းဆေ ဒေင် ကာည်း ကပု အ်ုန်အီလူလှဲဝ်ႏ ဖုင်ဆပယ်ဆငါးဂဲ ဝီရ်ဘြဲဆာဒဲႈ
အိုမ်ငျံရ်၊ ကျံရ်ကိူရ်အူ၊ ဆငည်း(13)
ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ လှံင်အိုမ်ငျံရ်၊ ဂေါႇဘြည်က္လာည်းဆေ ဒေင် ကာည်း ကပု အ်ုန်အီလူလှဲဝ်ႏဒီန် ဖုင်ဆပယ်ဆငါးဒါင်းဇာရ်ဂဲ ဝီရ်ဘြဲဆာဒဲႈအော။
ဘံန်ဟောည်ႇဒေဲႈ ကျံရ်ကိူရ်အူ၊ ဆငည်းအူ ရောက် ဆငည်းပူရ် ဂေါႇဘြည်က္လာည်းဆေပွံတ် ဒေင်ကစာပ် အိုမ်ငျံရ် ကာည်း ဘော်တွင်း၊ ဒေင်ကစာပ် အိုမ်ငျံရ် ကာည်း မိူင်းဘော် ကပုနံမ့်ယီ၊ အိုမ်ငျံရ် ကာည်း ခနား ရဝ်မိူင်ဇင် ကပုကစာပ်ဒီမာ် လူလှဲဝ်ႈအောႏ။
ဒေင်အ်ုန်လူလှဲဝ်ႏဒီန် ကနာည် ကူန်ရဝ်မာဂါင်ဂဲ ဘိူန်းဒေဟာဝ်းဝီရ် ဖုင်ဆပယ်ဆငါးဒါင်းဇာရ်ဂဲ ဘြဲဆာဒဲႈအ်ုန်အောႏ။
ဖုင်ဆပယ်ဆငါးဒါင်းဇာရ်ဂဲ ဟောည်ႇဘြဲဆာဒဲႈဒေင် အိုမ်ငျံရ်၊ ရူကော၊ ဒေင်လေႈမိူင်ဇင်ဂဲဒီန် ဟောည်ႇဘိူန်းဟာဝ်းဟာဝ်းဝီရ်ယာ့်အောႏ။ ဆာ်မိုႈ ကပု နောင်ဆာန်း ကာည်း ကပု မိူင်းတာက်ဒီန် ဘြဲဆာအူန်းကဇေန်းနီးအောႏ။
မိုႈဘိုး ပလှံင်ကိုက်ခည်း၊ ဂေါႇပဲန်ဘြည်က္လာည်းဒါင်း တပ္လေါမ်အိုမ်ဟိုမော အီဂေါည် လှံင်နံမ်ဖဲက်ကာဒီန်စီဒါင်းဟာဝ်း လိုင်းနားငှေါပ်ုန်ဆိူက်အူန်း ကူန်ရဝ်မာဂါင်ဂဲ ကပိုမ်ဧက(24)ဧကထာန်နီန် လူလှဲဝ်ႈချှူမ်းဟာဝ်းဒို,။ ပ်ုန်တီႇအူန်း ကူန်ရဝ်မာဂါင်ဂဲ ကအာင်းလုမ် ကာည်း ကအာင်းပိုႈ ကတူႈချှူမ်းလူလှဲဝ်ႏ ကပိုမ်ဧက (24)ဧကထာန်နီန်း။
#PSLF/TNLA
#တီုင်ပ္လေႈလေႈဆဒါင်
Comment Lists