ခေဲင်ကုင်တအာင်း ဂေါႇဘြည်က္လာည်းဆေ စီပဲန်အိုမ်လှူပ်ဒါင်း လူလှဲဝ်ႏဟာဝ်း လိုင်းနားကူန်ရဝ်မာဂါင်ဂဲ ကပိုမ်ဧက(40)ဧကလေႈ
10 November 2025
ခေဲင်ကုင်တအာင်း ဂေါႇဘြည်က္လာည်းဆေ စီပဲန်အိုမ်လှူပ်ဒါင်း လူလှဲဝ်ႏဟာဝ်း လိုင်းနားကူန်ရဝ်မာဂါင်ဂဲ ကပိုမ်ဧက(40)ဧကလေႈ
ဆန်ုမ်2025၊ ကျံရ်ကိူရ်အူ ဆငည်း (10)
ဆဒါင်းကုင်တအာင်း
ကုင်တအာင်း၊ ဆငည်းနှာအာည်ႇဒိူန် ဂေါႇဘြည်က္လာည်းဆေ စီပဲန်အိုမ်လှူပ်ဒါင်း လူလှဲဝ်ႏဟာဝ်းဒိုႇ လိုင်းနားကူန်ရဝ်မာဂါင်ဂဲ ကပိုမ်ဧက(40)ဧကလေႈ။
ကျံရ်ကိူရ်အူနီန် ဟည်ရောတ်စာမ်းဒေဲႈအခိင်ဆိူက်ငှေါ ဂေါႇပဲန်ဘြည်က္လာည်းဒါင်း ပလှံင်အိုမ်ငျံရ်၊ ပရဝ်မဲင်ဆေင် လိုင်းနားငှေါပ်ုန်တီႇဆ်ုမ်အူန်း ကူန်ရဝ်မာဂါင်ဂဲ ကပိုမ်ဧက(21)ဧက အိုမ်လှူပ်ဟာဝ်းဒိုႇ တံင်ပ္လေပ်ုန်တီႇဆ်ုမ်မာ် လူလှဲဝ်ႏဟာဝ်း။
ဆဲႈဒီန် ကပုနံမ်ရီးကတူည်ႇနံင်ဟာဝ်း အိုမ်ငျံရ်ကာည်း မိူင်ဘော်ဒီန် ပဲန်အိုမ်လှူပ်ဟာဝ်းဒိုႇ ဒေင်ကားဒါင်း ယိူဝ်ႇအိုမ်ငျံရ် ဟာဝ်းရူကောမာ် ဂေါႇကတာည်းတက္လာ ဒေင်ကားလူလှဲဝ်ႏဟာဝ်း။
မိုႈဘိုး ပလှံင်ကိုက်ခည်း၊ ဂေါည်ပဲန်ဘြည်က္လာည်းဒါင်း တပ္လေါမ်အိုမ်ဟိုမော အီဂေါည် ပလှံင်နံမ်ဖဲက်ကာဒီန်စီဒါင်းဟာဝ်း လိုင်းနားငှေါပ်ုန်ဆိူက်ႇအူန်း ကူန်ရဝ်မာဂါင်ဂဲ ကပိုမ်ဧက(24)ဧကထာန်နီန် လူလှဲဝ်ႏချှူမ်းဟာဝ်းဒိုႇ။
ပလှံင်အေဲမ်ငူည်း ကူန်ရဝ်မာဂါင်ဂဲအီဂေါည်တပြောပ္လေါမ်အိုမ်ကဲဒီန်မာ် ဂါင်မံင်ဂါင် ဂေါႇအိုမ်လီပ်ဒိုႇခေဲင်ဂါင်ဘည်နီန် စီကထောက်ဟာဝ်းဂေါည်ဒီဟံရ်။
#PSLF/TNLA
#တီုင်ပ္လေလေဆဒါင်း
Comment Lists