ဖုင်ဘေဲႇတအာင်း-TLAဂဲ ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနောပ္လံက်တံင်ဇူႈ ဘေဲႇတအာင်း ပရဝ်မာဝ်းယာ်ႈ
06 November 2025
ဖုင်ဘေဲႇတအာင်း-TLAဂဲ ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနောပ္လံက်တံင်ဇူႈ ဘေဲႇတအာင်း ပရဝ်မာဝ်းယာ်ႈ
လှံင်ရူကော၊ ကျံရ်ကိူရ်အူ၊ ဆငည်း(6)
ဆဒါင်ကုင်တအာင်း
ဖုင်ဘေဲႇတအာင်း-TLAဂဲ ဆာ်ႈအွံရ်ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနောပ္လံက်တံင်ဇူႈဘေဲႇတအာင်း အိူင်အိုမ်ယ်ုရ်၊ လှံင်ရူကာ၊ ပရဝ်မာဝ်းယာ်ႈ ခေဲင်ကုင်တအာင်းအောႏ။
ခည်မိုႈ ကျံရ်ကိူရ်အူ ဆငည်း(1)ဒိူန် ဖုင်ဘေဲႇတအာင်း-TLAဂဲ ဟောည်ႇရေဲန်ဟာဝ်း ပ္လေါည်ပ္လိုတ်ႎါင်ပနောဒီန်။
ႎါင်ပနောဒီန် ကောန်အီမာည်းဂေါည်(9)အီး ကာည်း ကောန်အီပ်ုန်ဂေါည်(9)အီး၊ ကစုကပိုမ် ဂေါည်(18)အီး ဟိုက်ဒေဲႈပနော။ အီဟိုက်ဟောည်ႇဟာဝ်း ႎါင်ပနောဘေဲႇတအာင်းနီန် ဖုင်ဘေဲႇတအာင်း-TLAဂဲ စီအာပ်ဒဲႈပ္လါႇဘေဲႇလှိုပ်ဂုင် (Certificates)တဂဲ။ ပ္လေါည်ပ္လိုတ်ႎါင်ပနောဒီန် တာဆြာ/ယာဆြာ၊ ကောန်ကျောင် ကာည်း ကူန်ရဝ်မာဂါင်ဂဲ ဂေါည်(120)အီး ဟိုက်ရောတ်ဒေဲႈ။
ပ်ုန်ကယေင်ဒေႎိူဝ်ႈဟာဝ်း ႎါင်ပနောဘေဲႇတအာင်းနီန် မိုႈ မောဘေဲႇတအာင်းကံပ်ဘယ်ဒေဘ္လီုက်လှူပ် ခေဲင်ကပီုန်တအာင်း၊ မောကံပ်ဘိူန်းရိူရ်ႈလေႈပံပ်ဘေဲႇတအာင်း ကနာည်ကောန်အယ်တအာင်းကံပ်ဘိူန်းဒီရ်ႈဘေဲႇတအာင်းဂီုန်းဂီုန်း၊ မောကံပ်ဘိူန်း ႎိူဝ်ႈႎါင်ပနောဘေဲႇတအာင်း ခေဲင်ကုင်ကပီုန်တအာင်း၊ မောအယ်တအာင်း ကံပ်ဘယ်ဆမား ကိက်/ဒါႈ ကြောႈက္လာင်း၊ ဒါဘေဲႇတအာင်းတောန်အီးအောႏ။
ဘံန်ဟောည်ႇဒေဲႈ ကျံရ်အူကိူရ်၊ ဆငည်း(12)ဒိူန်မာ် ဖုင်ဘေဲႇတအာင်း-TLAဂဲ ႎိူဝ်ႈပနောဟောည်ႇဟာဝ်း ႎါင်ပနောပ္လံက်တံင်ဇူႈ ဘေဲႇတအာင်း ပရဝ်ပါင်လော၊ လှံင်ကုင်ငှေါကစုကပိုမ် ကောန်ႎါင်ပနောအီဟိုက်ဂေါည် (30)အီးအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists