ဖုင်ဘေဲႇတအာင်း-TLAဂဲ ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနောပ္လံက်တံင်ဇူႈ ဘေဲႇလူမ်တအာင်း ပရဝ်ပါင်လော
18 October 2025
ဖုင်ဘေဲႇတအာင်း-TLAဂဲ ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနောပ္လံက်တံင်ဇူႈ ဘေဲႇလူမ်တအာင်း ပရဝ်ပါင်လော
လှံင်ကုင်ငှေါ၊ ကျံရ်အူကိူရ်၊ ဆငည်း(18)
ဆဒါင်ကုင်တအာင်း
ခည်မိုႈ ကျံရ်အူကိူရ် ဆငည်း(12)ဒိူန် ဖုင်ဘေဲႇတအာင်း-TLAဂဲ ဆာ်ႈအွံရ်ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ပ္လံက်တံင်ဇူႈဘေဲႇလူမ်တအာင်း ပရဝ်ပါင်လော၊ လှံင်ကုင်ငှေါ၊ ခေဲင်ကုင်တအာင်းအောႏ။
ႎါင်ပနောဒီန် စဝ်ဆာင်ခါဂေါည်(6)ပါး၊ ကောန်အီမာည်းဂေါည်(4)အီး ကာည်း ကောန်အီပ်ုန်ဂေါည်(20)အီး၊ ကစုကပိုမ် ဂေါည်(30)အီး ဟိုက်ဒေဲႈပနော။ အီဟိုက်ဟောည်ႇဟာဝ်း ႎါင်ပနောဘေဲႇလူမ်တအာင်းနီန် ဖုင်ဘေဲႇတအာင်း-TLAဂဲ စီအာပ်ဒဲႈပ္လါႇဘေဲႇလှိုပ်ဂုင် (Certificates)တဂဲ။ ပ္လေါည်ပ္လိုတ်ႎါင်ပနောဒီန် တာဆြာ/ယာဆြာ၊ ကောန်ကျောင် ကာည်း ကူန်ရဝ်မာဂါင်ဂဲ ဂေါည်(80)အီး ဟိုက်ရောတ်ဒေဲႈ။
ပ်ုန်ကယေင်ဒေႎိူဝ်ႈဟာဝ်း ႎါင်ပနောဘေဲႇလူမ်တအာင်းနီန် မိုႈ မောကံပ်ဘေဲႇလူမ် တအာင်းအယ် ကတာရ်ႈဒါင်းဇာရ်၊ ဘည်မိုႈ ႎံရ်ခြိုုဝ်းတအာင်း ပိုင်းကြောႈဘ်ုပ်ကနှေရ်၊ မောတောန်တီုင်ဌာန ဘိူန်းလီပ်ပနော ကဆီုဝ်ပိင်ငျာဘေဲႇလူမ်တအာင်းနီး၊ မောကြောႈကူန်တာမာယာအယ် အာဝ်ဟြာည်ႇကမာ်ႈ ၊ နှာင်းအီးရံပ်ဇီုင်းကပ္လိူင် တီုင်ဌာနဖုင်တအာင်း ကာည်း တိုအီးလူမ်ဂဲ ဘယ်ဒေဒါဘေဲႇလူမ်တအာင်း ၊ မောကံပ်ဘယ် ဒေရိူရ်ႈလေႈ ပံပ်မဂ္ဂဇီန် ဘေဲႇလူမ်တအာင်း ၊ ခေဲင်ကျောင်ပိင်ငျာခြိူဝ်းတအာင်း ကနာည်ဘယ်ဒေပြိူဝ်ႈလေႈ တာဆြာ/ယာဆြာ အီးနံင်ပနောဒဲႈဟာဝ်း ဖာဆာဘေဲႇလူမ်တအာင်းနီန်းတောန်နဲအောႏ။
ဘံန်ဟောည်ႇဒေဲႈ ကျံရ်တီမ်၊ ဆငည်း(10)ဒိူန်မာ် ဖုင်ဘေဲႇတအာင်း-TLAဂဲ ႎိူဝ်ႈပနောဟောည်ႇဟာဝ်း ႎါင်ပနောပ္လံက်တံင်ဇူႈ ဘေဲႇလူမ်တအာင်း ပရဝ်ပါင်လိုမ်၊ လှံင်ကုင်ငှေါ
ကစုကပိုမ် ကောန်ႎါင်ပနောအီဟိုက်ဂေါည် (49)အီးအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists