တံပ်အွံရ်ပ်ုန်လောတ်ကပီုန်တအာင်းPSLF/TNLA ဖုင်စေတ်မေန်းစာတ်ယာန်ဂဲ စေတ်မေန်းဟာဝ်းမိူဝ်ႈအာဝ်မိူဝ်ႈ ကနံဝ်းတိုစာက်ယာန်ကား ပလှံင်အေဲမ်ခြီရ်
26 September 2025
တံပ်အွံရ်ပ်ုန်လောတ်ကပီုန်တအာင်းPSLF/TNLA ဖုင်စေတ်မေန်းစာတ်ယာန်ဂဲ စေတ်မေန်းဟာဝ်းမိူဝ်ႈအာဝ်မိူဝ်ႈ ကနံဝ်းတိုစာက်ယာန်ကား ပလှံင်အေဲမ်ခြီရ်
အေဲမ်ခြီရ်၊ ကျံရ်တီမ်၊ ဆငည်း(26)
ဆဒါင်ကုင်တအာင်း
ကုင်တအာင်း၊ တံပ်အွံရ်ပ်ုန်လောတ်ကပီုန်တအာင်းPSLF/TNLA ဖုင်စေတ်မေန်းစာတ်ယာန်ဂဲ စေတ်မေန်းဟာဝ်း မိူဝ်ႈအာဝ်မိူဝ်ႈ ကနံဝ်းတိုစာက်ယာန်ကား ပလှံင်အေဲမ်ခြီရ်။
ယာမ်မိုႈ ကျံရ်တီမ် ဆငည်း(22)ဒိူန် ဖုင်စေတ်မေန်းစာတ်ယာန်ဂဲ ကာည်းဖုင်ပလိက်လှံင်ဂဲ ဆာ််ႈအွံရ်စေတ်မေန်းဟာဝ်း အီမိူဝ်ႈအာဝ်မိူဝ်ႈ ကနံဝ်းတိုစာက်ယာန်ကား တေဲင်ဒေင်ဒါင်း၊ ဒီလီပ်လေႈလှံင်ကာည်း တပြောဖြားအီဂေါည်ကဒည်ကုင် ဆာ်ညှံမ်ဟောည်ႇရေဲန် မှာန်းပဲရောတ်ဒေဲႈရေဲန်ဟာဝ်းဘည်ဒီန်။
ဒီဘိူန်းဘြောင်ချှာင်ကုင်တအာင်း ခေဲင်လှံင်မိုဂူႈ၊ အိုမ်ယ်ုရ်၊ အေဲမ်ခြီရ် အီဟောည်‚ရဲန်ဟာဝ် ကနံဝ်းတိုစာက်ယာန်ကား ဟည်ဂေါည်(2500)ထာန်နီး။ လှံင်အီကီုက့်အူန်းကဲဒိူန် နှာင်းဆီုပ်ရေဲန်ဒဲႈဟာဝ်းဘည်ဒီန်။
ကားဘတဂါင်၊ ကားဒါရေဲန်တဇီုင်း၊ ကားတဲင်တိုအီးလေႈဒေင်၊ လိူဝ်ႈအူဒီန် နံင်ရေဲန်ဟာဝ်းစာက်ယာန် လိုကနံဝ်းတို၊ လိုပ္လါႇဘေဲႇအရေးဒါင်း၊ လိုဇီုင်းကာန်ရေဲန်ချှံန်မာ်ချှံန်အ်ုန် ထာန်ပ္လံက်ပ္လေႈအူန်းအောႏ။
ဆာ်ရေဲန်စာက်ယာန်ကားဒီန် လိုဒဲႈကဲပ်ရူရ်ႈ အာရ်ဆဲန် ရောတ် ဖံန်ဆဲန် တောပ်ဘည်မိုႈဘာည်းဘည်ကား။ ဆန်ုမ်2025၊ ကျံရ်ဖံန်၊ ဆငည်း(25)၊ ရောတ် ကျံရ်ကိူရ်အာရ်၊ ဆငည်း(31) နံင်ရေဲန်ဟာဝ်းကနာည်တောရ်ပကျံရ်။
ဆာ်ကခ္လိုဝ်ႈဆငည်းပ်ုန်ဘ္လအူန်း ကဲအီညှံမ်ဟောည်ႇရေဲန်စာက်ယာန်ကားဂဲဒီန် နှာင်းလာည်းဟာဝ်းအရေးဒါင်းဒါင်းတဂဲအောႏ။
ပ်ုန်ကယေင်ရေဲန်ဒဲႈစာက်ယာန်ကားနီးမိုႈ ဂြိုခြီုင်ပ်ုန်ပဲင်ဆဲင်အယ်၊ ပ်ုန်ကဇိူရ်ႈကယံင်း၊ ပဲန်ကားကဒူႈ၊ကားကမာ်ႈဂဲနီး လော်င်ပျဆနာဂဲဒီန်တောန်နဲ ကနာည်နှာင်းဘိူန်း ဒါကားဟာဝ်းဝီရ်ကတီးကရီး ကညာကားဂဲမာ် လိုရေဲန်ဟာဝ်းစာတ်ယာန်ကနံဝ်းကားေတာန်အီးအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists