ပလှံင်ရူကော ကာည်း လှံင်မာဝ်းႎံင်း ဖုင်ဆပဲဆငါးဂဲ ဆာ်ႈအွံရ်ဝီရ်ဘြဲဆားဒဲႈ ကပုအီလူလှဲဝ်ႏ ရေဲန်ဆာင်းလာင်းဟာဝ်းရောင်အိုမ်
20 September 2025
ပလှံင်ရူကော ကာည်း လှံင်မာဝ်းႎံင်း ဖုင်ဆပဲဆငါးဂဲ ဆာ်ႈအွံရ်ဝီရ်ဘြဲဆားဒဲႈ ကပုအီလူလှဲဝ်ႏ ရေဲန်ဆာင်းလာင်းဟာဝ်းရောင်အိုမ်
ကုင်တအာင်း၊ ကျံရ်တီမ် ဆငည်း(20)
ဆဒါင်ကုင်တအာင်း
PSLF/TNLA ဖုင်ဆပဲဆငါးဂဲ ဆာ်ႈအွံရ်ဝီရ်ဘြဲဆားဒဲႈ ကပုအီလူလှဲဝ်ႏ ကာည်း ရေဲန်ဆာင်းလာင်းဟာဝ်း ရောင်အိုမ် ပလှံင်ရူကော ကာည်း လှံင်မာဝ်းႎံင်း ခေဲင်ကုင်တအာင်း။
ကနာည်ကူန်ရဝ်မာဂါင်ဂဲ ဘိူန်းဒါဟာဝ်းဝီရ်ငှိူည် ဇူႈကျံရ်တာရ်ဒိူန် ရောတ်ကျံရ်တီမ် ဆငည်း(17)ဒိူန် ဖုင်ဆပဲဆငါးဂဲ ဆာ်အွံရ်ဝီရ်ဘြဲဆားဒဲႈ ကပုအီလူလှဲဝ်ႏ ပလှံင်ရူကော ဇံင်မျိုးလယ်၊ ကပုပ်ုန်ဝီရ်ဘြဲဆားဒီန် ထာန်ဒိုင်းအ်ုန်ဂေါည် (26)ပေ ကာည်း ထာန်ကဝါႈအ်ုန်ဂေါည်(5)ပေ ကစုကပိုမ်ထာန်ဒိုႇဟာဝ်းရိူန်းမိုႈ (95)ဆဲန်လှိူဝ်း။
မိုႈဘိုး ပလှံင်မာဝ်းႎံင်းမာ် ဖုင်ဆပဲဆငါးဂဲ ဆာ်ႈအွံရ်ဝီရ်ဘြဲဆား ကပုအီလူလှဲဝ်ႏ၊ ဂေါႇအိုမ်လောင်လေႈ ရေဲန်ဆာင်းလာင်းဒီဘိရောင်အိုမ် ကာည်း ကိူဝ်ႈဟာဝ်းရောင် ဒီနှာင်းဘိူန်းလေႈအိုမ်ဘည်ဒီန်။
ဆဲႈဒါႇဒီန် ရေဲန်ဟာဝ်းဘိုး ဒီPlatform (ပလက်ဖောင်း)၊ ကြည်းဟာဝ်းဆနံမ် ပအိုမ်ခိုမ်းပျံတ်ယံတ်ငံရ် ဒီမိုႈက္လာႈဒါင်း၊ ပံက်ဟာဝ်းဆဲင်ဘုက် ဘည်လိုကောႈဆဲင်ကယ်ကာည်း ဘည်နှဲဒေင်လိုတောပ်၊ ရေဲန်ဟာဝ်းကနာည်လံပ်ဆပဲဆငါးဆာယာခေဲင်ကုင်လှံင်ကဲနီန်။
ပလှံင်အေဲမ်ခြီရ်မာ် ခည်မိုႈ ကျံရ်တီမ် ဆငည်း(13)ဒိူန် ဖုင်ဆပဲဆငါးဂဲ ဆာ်ႈအွံရ်ဝီရ်ဘြဲဆားဟာဝ်း ကပုအီလူလှဲဝ်ႏ ပဇံင်အံင်မေတ္တာ၊ လှံင်အေဲမ်ခြီရ်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists