ပရဝ်ပါင်ဟာင်ဒါင်း ဖုင်ဘေဲႇတအာင်း-TLAဂဲ ရေဲန်ပ္လေါည်ပ္လိုတ်ႎါင်ပနော ပ္လံက်တံင်ဇူႈ ဘေဲႇတအာင်း
16 September 2025
ပရဝ်ပါင်ဟာင်ဒါင်း ဖုင်ဘေဲႇတအာင်း-TLAဂဲ ရေဲန်ပ္လေါည်ပ္လိုတ်ႎါင်ပနော ပ္လံက်တံင်ဇူႈ ဘေဲႇတအာင်း
လှံင်အေဲမ်ငူည်၊ ကျံရ်တီမ် ဆငည်း(16)
ဆဒါင်ကုင်တအာင်း
ခေဲင်ကုင်တအာင်း၊ ပရဝ်ပါင်ဟာင်ဒါင်း ဖုင်ဘေဲႇတအာင်း-TLAဂဲ ရေဲန်ဟောည်ဟာဝ်း ပ္လေါည်ပ္လိုတ်ႎါင်ပနော ပ္လံက်တံင်ဇူႈ ဘေဲႇတအာင်း။
ပ္လေါည်ပ္လိုတ်ႎါင်ပနောနီန် ဖုင်ဘေဲႇတအာင်း-TLAဂဲ ဆာ်ႈအွံရ်ရေဲန်ဟာဝ်း ခည်မိုႈ ကျံရ်တီမ် ဆငည်း(15) အခိင်ခီညှာဇေဝ်ဒိူန်။
ႎါင်ပနောနီန် သာမဏေ(4)ပါး၊ ကောန်အီမာည်း(16)အီး ကာည်း ကောန်အီပ်ုန်(6)အီး ကစုကပိုမ်ဂေါည်(26)အီး ဟိုက်ဒေဲႈပနော။ အီဟိုက်ပနောဟောည်ႇဟာဝ်း ကောန်ႎါင်ပနောကဲနီန်း ဖုင်ဘေဲႇတအာင်း-TLAဂဲ အာပ်ဒဲႈဟာဝ်း ပ္လါႇဘေဲႇ လှိုပ်ဂုင် (Certificates)တဂဲ။ ပ္လေါည်ပ္လိုတ်ႎါင်ပနောဒီန် တာဆြာ/ယာဆြာ၊ ကောန်ကျောင် ကာည်း ကူန်ရဝ်မာဂါင်ဂဲ ဂေါည်(100)အီးလေႈဟိုက်ရောတ်ဒေဲႈ။
ပ်ုန်ကယေင်ဒေႎိူဝ်ႈဟာဝ်း ႎါင်ပနောဘေဲႇတအာင်းနီန် မိုႈ နှာင်းဘေဲႇတအာင်းအယ် မောကံပ်ဘ္လီုက်လှူပ် ခေဲင်ကုင်တအာင်း၊ ကနာည်ကူန်ရဝ်မာဂဲ မိူဝ်ႈဒေဒီရ်ႈဘေဲဂီုန်းဂီုန်း မောကံပ်ဘယ်ထုက်ရိူရ်ႈလေႈပံပ်ဘေဲႇတအာင်း ၊ ခေဲင်ကုင်တအာင်း ကနာည်နံင်ဘယ်ဒေဝိူဝ်ႈဟာဝ်း ႎါင်ပနောကာည်း နှာင်းကူန်ရဝ်မာဂါင်ဂဲ ဆမားကြောႈ၊ ဆမားဒါႈ၊ ဆမားကိက်ဘေဲႇတအာင်း။
ယာမ်မိုႈ ကျံရ်တီမ် ဆငည်း(11)ဒိူန် ပလှံင်မိူင်ငှေါ၊ ရဝ်ပါင်လိုင်ဒီန် ဖုင်ဘေဲႇတအာင်း-TLAဂဲ ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ပ္လံက်တံင်ဇူႈ ဘေဲႇတအာင်း ကောန်ႎါင်ပနောဂဲဂေါည်(42)အီးအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists