ပရဝ်ပါင်လိုမ် ဖုင်ဘေဲႇတအာင်း-TLAဂဲ ရေဲန်ပ္လေါည်ပ္လိုတ်ႎါင်ပနော ပ္လံက်တံင်ဇူႈ ဘေဲႇတအာင်း
12 September 2025
ပရဝ်ပါင်လိုမ် ဖုင်ဘေဲႇတအာင်း-TLAဂဲ ရေဲန်ပ္လေါည်ပ္လိုတ်ႎါင်ပနော ပ္လံက်တံင်ဇူႈ ဘေဲႇတအာင်း
လှံင်မိူင်ငှေါ၊ ကျံရ်တီမ် ဆငည်း(12)
ဆဒါင်ကုင်တအာင်း
ခေဲင်ကုင်တအာင်း၊ လှံင်မိူင်ငှေါ၊ပရဝ်ပါင်လိုမ် ဖုင်ဘေဲႇတအာင်း-TLAဂဲ ဆာ်ႈအွံရ်ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ပ္လံက်တံင်ဇူႈ ဘေဲႇတအာင်း။
ပ္လေါည်ပ္လိုတ်ႎါင်ပနောနီန်း ဖုင်ဘေဲႇတအာင်း-TLAဂဲ ဆာ်ႈအွံရ်ရေဲန်ဟာဝ်း ခည်မိုႈ ကျံရ်တီမ် ဆငည်း(8) အခိင်ခီညှာဇေဝ်ဒိူန်။ ႎါင်ပနောနီန် ကောန်အီမာည်း(11)အီး ကာည်း ကောန်အီပ်ုန်(21)အီး ကစုကပိုမ်ဂေါည်(32)အီး ဟိုက်ဒေဲႈပနော။ အီဟိုက်ပနောဟောည်ႇဟာဝ်း ကောန်ႎါင်ပနောကဲနီန်း ဖုင်ဘေဲႇတအာင်း-TLAဂဲ အာပ်ဒဲႈဟာဝ်း ပ္လါႇဘေဲႇ လှိုပ်ဂုင် (Certificates)တဂဲ။
ပ္လေါည်ပ္လိုတ်ႎါင်ပနောဒီန် တာဆြာ/ယာဆြာ၊ ကောန်ကျောင် ကာည်း ကူန်ရဝ်မာဂါင်ဂဲ ဂေါည်(100)အီး ဟိုက်ရောတ်ဒေဲႈ။
ပ်ုန်ကယေင်ဒေႎိူဝ်ႈဟာဝ်း ႎါင်ပနောဘေဲႇတအာင်းနီန် မိုႈ မောဘေဲႇလူမ် တအာင်းအယ် မောကံပ်ဘ္လီုက်လှူပ် ခေဲင်ကုင်တအာင်း၊ကနာည်ကူန်ရဝ်မာဂဲ မိူဝ်ႈဒေဒီရ်ႈဘေဲဂီုန်းဂီုန်း မောကံပ်ဘယ်ထုက်ရိူရ်ႈလေႈပံပ်ဘေဲႇတအာင်း ၊ ခေဲင်ကုင်တအာင်း ကနာည်နံင်ဘယ်ဒေဝိူဝ်ႈဟာဝ်း ႎါင်ပနောကာည်း ကနာည်ကူန်ရဝ်မာဂါင်ဂဲ ဆမားကြောႈ၊ ဆမားဒါႈ၊ ဆမားကိက်ဘေဲႇတအာင်း။
ယာမ်မိုႈ ကျံရ်တောရ် ဆငည်း(30)ဒိူန် ပလှံင်မိုဂူႈ၊ ရဝ်ယေပူဒီန် ဖုင်ဘေဲႇတအာင်း-TLAဂဲ ရေဲန်ပ္လေါည်ပ္လိုတ်ႎါင်ပနော ဖီုက်လျှံင်ပဲန်ဆြာ/ဆြာမ ဘေဲႇတအာင်း (TOT) လိူဝ်ႈ(5)အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists