ပလှံင်မိုဂူႈ ဂေါႇက္လိုက်ဂဲတ်ပဒူႈ ပဲန်ဟာဝ်းငံရ်ကဆူမ်း ဂါင်ဂေါည် ကောန်အီမာည်း(4)အီးကတူႈဖေးငံရ်ကဆူမ်း
10 September 2025
ပလှံင်မိုဂူႈ ဂေါႇက္လိုက်ဂဲတ်ပဒူႈ ပဲန်ဟာဝ်းငံရ်ကဆူမ်း ဂါင်ဂေါည် ကောန်အီမာည်း(4)အီးကတူႈဖေးငံရ်ကဆူမ်း
မိုဂူႈ၊ ကျံရ်တီမ်၊ ဆငည်း(10)
ဆဒါင်ကုင်တအာင်း
ကုင်တအာင်၊ ပလှံင်မိုဂူႈ ဂေါႇက္လိုက်ဂဲတ်ပဒူႈ ပဲန်ဟာဝ်းငံရ်ကဆူမ်း ဂါင်ဂေါည်အူဂါင် ကောန်အီမာည်း(4)အီးကတူႈဖေးငံရ်ကဆူမ်းအောႏ။
ဘည်မိုႈဘာည်းဘည်အ်ုန် ဘံန်ဟောည်ႇဒေဲႈ ကျံရ်တီမ်၊ ဆငည်း(8)၊ အခိင်(8:45)နြီ ပလှံင်မိုဂူႈ၊ ဇံင်ရှောလီဝူန် ဂါင်ဂေါည်အူဂါင်ဒီန် ကောန်အီမာည်း(4)အီး အခိင်တံင်ပေါမ် ဒါက္လိုက်ဂဲတ်ဒိူန် က္လိုက်ဂဲတ်စိပဒူႈ ပဲန်ဟာဝ်းငံရ်ကဆူမ်းဟာဝ်းဂါင်အူဂါင်အောႏ။
ဂါင်ကတူႈငံရ်ကဆူမ်းဒီန် ကောန်အီမာည်ဂဲဂေါည်ခေဲင်ဂါင် မာည်းအံင်စော်စော်၊ မာည်းမျိုးလဲင်ဝူန်း၊ မာည်းရှိုင်ထဲက်အံင် ကာည်း မာည်းစော်ယာန်နဲင် ကတူႈဘိူန်းဖေးငံရ်ကဆူမ်း ပတိုပိုင်း၊ ဂြိုခြီုင်ဂေါည်ခေဲင်ဂါင်မာ် ချုမ်ဟာဝ်းဒိုည်ႇခေဲင်ငံရ်ကဆူမ်းဒီန်။
အခိင်ငံရ်ကဆူမ်းဒီန် တံပ်အွံရ်ပ်ုန်လောတ်ကပီုန်တအာင်း PSLF/TNLA ဖုင်အီပျံတ်ငံရ်ဂဲ ဒါကားပျံတ်ငံရ် တောပ် ကူန်ရဝ်မာဂါင်ဂဲ ကဇောည်ဒေပျံတ်ဟာဝ်းငံရ် ရောတ်အခိင် (8:55)ထာန်နီး ဘယ်ဒေပျံတ်ဒိုည်ႇငံရ်အောႏ။
ဆဲႈဒီန် ဘံန်ဟောည်ႇဒေဲႈ ကျံရ်တီမ်၊ ဆငည်း(4)ဒိူန်မာ် ပလှံင်အေဲမ်ခြီရ်၊ ပရဝ်(12)လှာ့် ကားတာင်ဒေဲ;အိုမ်ပျြံင်စာက်လူလှဲဝ်ႏ အခိင်ဒါႈတီုတ်ကားလူလှဲဝ်ႏဒီန် ကားစီဂေႈကပ္လါႇ ပဲန်ငံရ်က္လိုႇဟာဝ်း ဂါင်(2)ဂါင်ကာည်း ကား(1)ကြောင်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists