08 September 2025

ပရဝ်(12)လှာ့် ကားတာင်ဒေဲႈ အိုမ်ပျြံင်စာက်လူလှဲဝ်ႏ အခိင်ဒါႈတီုတ်ႇကားလူလှဲဝ်ႏဒီန် ကားစီဂေႈကပ္လါႇ ပဲန်ငံရ်က္လိုႇဂါင်(2)ဂါင် 

အေဲမ်ခြီရ်၊ ကျံရ်တီမ် ဆငည်း(8)

ဆဒါင်ကုင်တအာင်း

ကုင်တအာင်း၊ အိူင်အေဲမ်ခြီုရ်၊ လှံင်အေဲမ်ခြီရ်၊ ပရဝ်(12)လှာ့် ကားတာင်ဒေဲအိုမ်ပျြံင်စာက်လူလှဲဝ်ႏ အခိင်ဒါႈတီုတ်ကားလူလှဲဝ်ႏဒီန် ကားစီဂေႈကပ္လါႇ ပဲန်ငံရ်က္လိုႇဟာဝ်း ဂါင်(2)ဂါင်ကာည်း ကား(1)ကြောင်။

ဘည်မိုႈဘည်ဘာည်းအ်ုန် ကျံရ်တီမ် ဆငည်း(4) အခိင်ရဆံန်(12:59)မိနေတ်ဒိူန် တာမော်ကွင်းနောင် ကားတာင်အိုမ်ပျြံင်စာက် ဇူႈကဒါႇနံမ်ဖတ်ကာ ဟာဝ်းကဒါႇ လှံင်အေဲမ်ခြီရ် အခိင်ရောတ်ပရဝ်(12)လှာ့် တေဲင်ဒေင်ဒါင်း ကားစီလူလှဲဝ်ႏ ကဝ်အီမိုႈ မာည်းညီတာန်းဆျှိုည် ဒါႈနံင်တီုတ်ႇဒဲႈ ကားတာမော်ကွင်းနောင် က္လေင်ကားကထူတ်ဝီရ်နှာဘံန်း စီကပ္လါႇဇောႈလီပ်ခေဲင် ဂါင်(2)ဂါင် ပဲန်ငံရ်က္လိုဟာဝ်းဘည်ဒီန်။

ဂေါႇကားတာင်အိုမ်ပျြံင်စာက်ဒီန် ကပ္လါႇ ဂါင်တာလီစာဆျှီန်ကာည်း တာအာစာဝ်ကဲ (2)ဂါင် ကာည်း ကား(1)ကြောင် ပဲန်ငံရ်က္လိုႇ ကစုကပိုမ်ကဆူမ်းရိူန်း(240)ဆဲန်ကာည်း ရိူန်းခယ်ယွမ်(128,000)ယွမ်။

ဂေါႇပဲန်ငံရ်က္လိုႇဘည်ဒီန် တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပျံတ်ယံတ်ငံရ်၊ ဖုင်ပလိက်လှံင်ကဲကာည်း ကူန်ရဝ်မာဂါင်ဂဲ ကစုကပိုမ် ဒါတောပ်ဘိုးကားပျာ်ႇဟာဝ်းငံရ် အခိင်(3:45)မိနေတ်ဒိူန် စီဘယ်ပျံတ်ယံတ်ဟာဝ်းငံရ်ဒီန်အောႏ။

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း