ပရဝ်ယေပူ ဖုင်ဘေဲႇတအာင်း-TLAဂဲ ရေဲန်ပ္လေါည်ပ္လိုတ်ႎါင်ပနော ဖီုက်လျှံင်ပဲန်ဆြာ ဘေဲႇတအာင်း (TOT) လိူဝ်ႈ(5)
07 September 2025
ပရဝ်ယေပူ ဖုင်ဘေဲႇတအာင်း-TLAဂဲ ရေဲန်ပ္လေါည်ပ္လိုတ်ႎါင်ပနော ဖီုက်လျှံင်ပဲန်ဆြာ ဘေဲႇတအာင်း (TOT) လိူဝ်ႈ(5)
လှံင်မိုဂူႈ၊ ကျံရ်တီမ် ဆငည်း(8)
ဆဒါင်ကုင်တအာင်း
ဖုင်ဘေဲႇတအာင်း-TLAဂဲ ရေဲန်ပ္လေါည်ပ္လိုတ်ႎါင်ပနော ဖီုက်လျှံင်ပဲန်ဆြာ ဘေဲႇတအာင်း (TOT) လိူဝ်ႈ(5) ပလှံင်မိုဂူႈ၊ ရဝ်ယေပူ ၊ ခေဲင်ကုင်တအာင်း။
ပ္လေါည်ပ္လိုတ်ႎါင်ပနောပဲန်ဆြာဒီန် ဖုင်ဘေဲႇတအာင်း-TLAဂဲ ဆော်အွံရ်ဒေရေဲန်ဟာဝ်း ယာမ်မိုႈ ကျံရ်ပူရ် ဆငည်း(30) အခိင် ခီညှားဇေဝ်ဒိူန်။
ႎါင်ပနောဒီန် ကောန်အီမာည်းဂေါည်(8)အီး ကာည်း ကောန်အီပ်ုန်ဂေါည်(24)အီး၊ ကစုကပိုမ် ဂေါည်(32)အီး။ အီဟိုက်ဟောည်ႇဟာဝ်း ႎါင်ပနော ပဲန်ဆြာ ဘေဲႇတအာင်း (TOT) လိူဝ်ႈ(5)နီန် ဖုင်ဘေဲႇတအာင်း-TLAဂဲ စီအာပ်ဒဲႈပ္လါႇဘေဲႇလှိုပ်ဂုင် (Certificates)တဂဲ။ ပ္လေါည်ပ္လိုတ်ႎါင်ပနောဒီန် တာဆြာ/ယာဆြာ၊ ကောန်ကျောင် ကာည်း ကူန်ရဝ်မာဂါင်ဂဲ ဂေါည်(100)အီး ဟိုက်ရောတ်ဒေဲႈ။
ပ်ုန်ကယေင်ဒေႎိူဝ်ႈဟာဝ်း ႎါင်ပနောဘေဲႇတအာင်းနီန် မိုႈ ကနာည်ဘေဲႇ တအာင်း မောကံပ်ကတာရ်ႈဒါင်းဇာရ်၊ ဘည်မိုႈ ႎံရ်ခြိုုဝ်းတအာင်း ပိုင်းကြောႈ မောကံပ်ကနှေရ် ၊ မောတောန်တီုင်ဌာန ဘိူန်းလီပ်ပနော ကဆီုဝ်ပိင်ငျာဘေဲႇတအာင်းနီး၊ မောကြောႈကူန်တာမာယာအယ် အာဝ်ဟြာည်ႇကမာ်ႈ ၊ နှာင်းအီးရံပ်ဇီုင်း ကပ္လိူင်တီုင်ဌာနဖုင်တအာင်း ကာည်း တိုအီးလူမ်ဂဲ ဘယ်ဒေဒါဘေဲႇတအာင်း ၊ မောကံပ်ဘယ် ဒေရိူရ်ႈလေႈ ပံပ်မဂ္ဂဇီန် ဘေဲႇတအာင်း ၊ ခေဲင်ကျောင်ပိင်ငျာခြိူဝ်းတအာင်း ကနာည်မောကံပ်ဘယ်ဒေပြိူဝ်ႈလေႈ တာဆြာ/ယာဆြာ အီးနှာင်းပနောဒဲႈဟာဝ်း ဖာဆာဘေဲႇတအာင်းနီန်းတောန်နဲအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists