ဖုင်ပလိက်လှံင်ဂဲ ဘိူန်းတိုည်းတိူဝ်ႈလာည်းအရေး တြားခါမ်အီလီပ်ဆောက်ဘြားဂါင် ပလှံင်အိုမ်ယ်ုရ်
05 September 2025
ဖုင်ပလိက်လှံင်ဂဲ ဘိူန်းတိုည်းတိူဝ်ႈလာည်းအရေး တြားခါမ်အီလီပ်ဆောက်ဘြားဂါင် ပလှံင်အိုမ်ယ်ုရ်
အိုမ်ယ်ုရ်၊ ကျံရ်တီမ် ဆငည်း(5)
ဆဒါင်ကုင်တအာင်း
ကုင်တအာင်း၊ လှံင်အိုမ်ယ်ုရ်၊ ပရဝ်မာန်မည် (တောင်မ) PSLF/TNLA ဖုင်ပလိက်လှံင်ဂဲ ဘိူန်းတိုည်းတိူဝ်ႈလာည်းအရေး တြားခါမ် အီလီပ်ဆောက်ဘြားဂါင် တိူဝ်ႈဟာဝ်းရိူန်း ကာည်း ခြီရ်။
လောင်ဆဒါင်ဘြားဒီန် အခိင်ဖုင်ပလိက်လှံင်ဂဲ ရေဲန်ဇီုင်းကာန်စေတ်ဆေးဒိူန် စီဘိူန်းတိုည်းဟာဝ်း တိုအီးဘြား ဇီုဝ် ယာဆာန်ခါမ်း အဆာက် (45)ဆန်ုမ်။ ဓါန်းဒီန် ပလိက်လှံင်ဂဲ ဘိူန်းတိုည်း ယာမ်မိုႈ ကျံရ်တာရ် ဆငည်း(27)။
ကောန်အီပ်ုန်ဒီန် ခည်မိုႈ ကျံရ််တာရ် ဆငည်း(14)ဒိူန် ယာမ်ကညားဂါင် ယာမျထိုည်း ဟာဝ်းရေဲန်ဇီုင်း အ်ုန်စီလီပ်ဒေဲႈပလိုႈရဘံန်ဂါင် လီပ်ဆောက်ဘြားခေဲင်ဂါင် တိူဝ်ႈဟာဝ်း ရိူန်း တာရ်ကိူရ်ဆဲန်ဘျာ၊ ရိူန်းခယ်(2)မှီုန်၊ကျိုင်းတည်း (6)လှေ၊ ဆိက်ကနူး(2)လှေ၊ ခြီရ်ဓံရ်ငေါႇ ကာည်း ရနဲမ်ကိင်(1)လှေကဲနီန်။
ဆာ်မိုႈအီပ်ုန်ဒီန် ဖုင်ပလိက်ကုင်တအာင်းဂဲ ဟောည်ႇတိုည်းအူန်းအ်ုန် နံင်တိူဝ်ႈလာာည်းဟာဝ်းအရေး တောပ်လိူည်ဘည်ဥပဒေ။ ဘံန်ဟောည်ႇဒေဲႈ ကျံရ်ပူရ်ဒိူန် လှံင်အိုမ်ယ်ုရ်၊ ပရဝ်ဆဲယ်တိုင်ဟိုင် PSLF/TNLA ဖုင်ပလိက်ကုင်တအာင်းဂဲ ဘိူန်းဒေတိုည်း တြားခါမ်အီလီပ်ဆောက်ဘြား ခေဲင်ဂါင် အူဂါင်။
#PSLF/TNLA
#တီုင်ပ္လေႈလေႈဆဒါင်
Comment Lists