ပလှံင်ဆဘော ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ပဴင် ပ္လေဘျုင် လံက်ဟာဝ်း ကူန်ရဝ်မာဂါင် (1)အီးကတူႈဘာတ် ၊ ဂါင်(3)ဂါင် လူလှဲဝ်ႏ
05 September 2025
ပလှံင်ဆဘော ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ပဴင် ပ္လေဘျုင် လံက်ဟာဝ်း ကူန်ရဝ်မာဂါင် (1)အီးကတူႈဘာတ် ၊ ဂါင်(3)ဂါင် လူလှဲဝ်ႏ
ဆဘော၊ ကျံရ်တီမ် ဆငည်း(4)
ဆဒါင်ကုင်တအာင်း
ကုင်တအာင်း၊ ပလှံင်ဆဘော ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ပဴင် ပ္လေဘျုင် ထာန်ဇံန်(250)(2)ပိုင်း လံက်ဟာဝ်း ကောန်အီမာည်း (1)အီးကတူႈဘာတ် ၊ ဂါင်(3)ဂါင် လူလှဲဝ်ႏ။
ကျံရ်တီမ် ဆငည်း(3) အခိင် ရဆံန်(1:38)မနေဲတ်ဒိူန် ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ဟာဝ်း ပ္လေဘျုင် ပလှံင်ဆဘော ရဝ်ဘော်ကျို ။ ဂေါႇပ္လေဘျုင် ပဴင်ဆီုက်ဘြာန်ဂဲ လံက်ဟာဝ်း တားမံင်ဆော် အဆာက်(45)ဆန်ုမ် ငျားဆိက်ပ္လေဘျုင်လံက် ကတူႈဖေးဘာတ်၊ ဂါင်(3)ဂါင် လူလှဲဝ်ႏ။
ဘည်ဟောည်ႇဒေဲႈ ကျံရ်တာရ် ဆငည်း(18)ဒိူန် ပလှံင်ဆဘော၊ ဇံင်လံပ်က်ုတ်ဆငည်း ကာည်း ဇံင်တောင်မျို့ဒီန် ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ပဴင်ပ္လေဘျုင် လံက်ဟာဝ်း ကူန်ရဝ်မာဂါင် (3)အီးယံမ်း၊ ဂါင်ဂေါည်(7)ဂါင် လူလှဲဝ်ႏဟာဝ်း။
ကနာည်နံင်လောတ်ဖေးယာင်ပ်ုရ် ဒရိုန်း၊ ပ္လေဒါင်းဆီုက်ဘြာန်ဇေဝ်ဂဲ ကူန်ရဝ်မာဂါင်ဂဲပါ့်ဒိုဒိုည်ႇ လိုအူန်းမိူဝ်ႈဆတိ လောင်အရေးဆီုက်နာန်း၊ လိုတောပ်ခေါပ်ပြာႇ ပ်ုန်ရိူရ်ႈနဲလေႈ ဘည်ရဒေင်ဒံန်ခြဲ ကနာည်နံင်ဒဝ်းလောတ် ယာင်ပ်ုရ်ဆီုက်ဘြာန်ဂဲအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists