ဆီုက်ဘြာန်ဇေဝ်ဂဲ ဒါယာန်ပ်ုရ် ရောတ်ဒေဲ;ပဴင် ပ္လေဘျုင်(2)ပိုင်း ပလှံင်မာဝ်းႎံင်
09 May 2025
ဆီုက်ဘြာန်ဇေဝ်ဂဲ ဒါယာန်ပ်ုရ် ရောတ်ဒေဲ;ပဴင် ပ္လေဘျုင်(2)ပိုင်း ပလှံင်မာဝ်းႎံင်း
ကုင်တအာင်း၊ ကျံရ်(5)၊ ဆငည်း(6)၊
ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ ဆီုက်ဘြာန်ဇေဝ်ဂဲ ဒါယာန်ပ်ုရ် ရောတ်ဒေဲ;ပဴင် ပ္လေဘျုင်(2)ပိုင်း ပလှံင်မာဝ်းႎံင်း။
အခိင် ရဆံန်(11:15)နြီ (1)လိူဝ်ႈ၊ (11:20)နြီမာ် (1)လိူဝ်ႈ ဆီုက်ဘြာန်ဇေဝ်ဂဲ ဒါပွံတ် ပ္လေဘျုင် ထာန်ဇံန်(250) (2)ပိုင်း ရောတ်ဒေဲႈပ္လေႈ၊ ဂေါႇပ္လေပဴင် ဆီုက်ဘြာန်ဇေဝ်ဂဲ လံက်ဟာဝ်း ဂါင်(2) လူလှဲဝ်ဟာဝ်းအောႏ။
ဘံန်ဟောည်ႇဒေဲႈ ကျံရ်(4)၊ အခိင်စူန်အံပ်(5:20)နြီဒိူန် လှံင်နောင်ချို၊ ပဇံင်(7)မာ် (1)ပိုင်း၊ ဆဲႈဒီန် အခိင်(5:30)မနေဲတ် ပရဝ်အိုည်ကိူရ် (1)ပိုင်း ဆီုက်ဘြာန်ဂဲ ရောတ်ဒေပ္လေႈဘျုင်အောႏ။
ဆီုက်ဘြာန်ဂဲ ဂေါည်ဂေါည် ရောတ်ဒေပ္လေႈပ္လေဘျုင် ဒီဘိူန်းဘြောင်ချှာင် တံပ်အွံရ်ပ်ုန်လောတ်ကပီုန်တအာင်း PSLF/TNLA တောန်လှံင်၊ တောန်ရဝ်၊ မိုႈလိူည်ပ်ုန်ကယေင်ဒါင်းဂဲမာ် လီလာပဴင် ဒီဂေါည်ကူန်ရဝ်မာဂါင်ဂဲ။
ဂေါႇဘည်ဒီန် ဘည်ကဆီုဝ်ကူန်ရဝ်မာဂါင်အယ်ဂဲ ကနာည်နံင်ဒဝ်လောတ်ဖေး ဘိူန်ဒါႇ ဆီုက်ဘြာန်ဇေဝ်ဂဲ ပဴင်ပ္လေဘျုင်နီန်း အယ်လိုအူန်းမိူဝ်ႈဆဒိ လံပ်ဆီုက်နာန်းနီန်း၊ အယ်လိုဘ်ုပ်ရေဲန်ဟာဝ်းတောပ် ရဒေင်ဘည်လိုဒံန်ခြဲ ယာန်ပ်ုရ်နီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists