ပလှံင်ဆဘော ဂေါႇတိူဝ်ႈဒေကနိုက်မဴင် ခေဲင်ဂါင် စီပဲန်မဴင်ပဒူႈလံက်ဟာဝ်း (2)အီးယံမ်း၊ (1)အီး ကတူႈဘာတ်
25 February 2025
ပလှံင်ဆဘော ဂေါႇတိူဝ်ႈဒေကနိုက်မဴင် ခေဲင်ဂါင် စီပဲန်မဴင်ပဒူႈလံက်ဟာဝ်း (2)အီးယံမ်း၊ (1)အီး ကတူႈဘာတ်
ဆဘော၊ ကျံရ်အာရ်၊ ဆငည်း (24)
ဆဒါင်ကုင်တအာင်း
ကုင်တအာင်း၊ အိူင်မာဝ်းႎံင်း၊ လှံင်ဆဘော၊ ပရဝ်ကိုင်ဆိုင် ဂေါႇတိူဝ်ႈဒေကနိုက်မဴင် ခေဲင်ဂါင် စီပဲန်မဴင်စီပဒူႈ လံက်ဟာဝ်း (2)အီးယံမ်း၊ (1)အီးကတူႈဘာတ်။
ဘည်မိုႈဘည်ဘာည်းအ်ုန် ကျံရ်အာရ် ဆငည်း(21) အခိင်ခီညှာ(8)နြီဒိူန် ကဝ်အီဇီုဝ် မာည်းအလဲင် ကာည်း တာအလောည် ကဲပ်ဒေဲႈဒေကနိုက်မဴင်အူပိုင်း ခေဲင်ဂါင် စီပဲန်မဴင်ပဒူႈဟာဝ်းဘည်ဒီန်။
ဂေါႇမဴင်ပဒူႈဟာဝ်းဘည်ဒီန် ဘဝ်ရမာ(2)အီးယံမ်းဟာဝ်း၊ (1)အီး ကတူႈဘာတ်။ အီယံမ်းဟာဝ်း(2)အီးဂါရ်ဒီန်မိုႈ တာအလောည် အဆာက်(30)ဆန်ုမ် ကာည်း ယာအေးအုပ် အဆာက်(30)ဆန်ုမ်၊ ကဝ်အီမိုႈ ကောန်အီမာည်း မာည်းအဟေင် အဆာက်(14)ဆန်ုမ် စီငျားဂိုက်(ဆိင်)မဲင် လံက်ဟာဝ်း ကတူႈဘာတ်။
ဘံန်ပဲန်ပဒူႈဟာဝ်းဘည်ဒီန် တံပ်အွံရ်ပ်ုန်လောတ်ကပီုန်တအာင်း (PSLF/TNLA) အီရံပ်ဇီုင်းကပ္လိူင်ဂဲ ကာည်း ဖုင်ပရဟိတ လံပ်ကႎှံက်ဂဲ ရောတ်ဒေဲႈ ကဇောည်တိုန်းဟာဝ်း ကဝ်အီကတူႈဘာတ်ဒီန် ပယုင်ဆနံမ်။
ဘံန်ဟောည်ႇဒေဲႈ ကျံရ်အာရ် ဆငည်း(11)ဒိူန်မာ် တိုအီးပရဝ်နီန် (2)အီး ငျားဒေညဲ့မဴင် ပ်ုန်တီႇပ္လေႈအူန်း ဆီုက်ဘြာန်ဇေဝ်ဂဲ ကတူႈဖေးဘာတ်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists