25 February 2025

ပလှံင်မှိူမ်မီုတ်   ဆီုက်ဘြာန်ဇေဝ်ဂဲ ဒါယာန်ပ်ုရ်  ရောတ်ဒဲႈပဴင် ပ္လေဘျုင် စီလံက်ဟာဝ်း တိုအီးရဝ်(3)အီးယံမ်း၊ (7)အီးကတူ;ဖေးဆဲဝ် တောပ်ဘိုး ကောန်ဒဲ,

ကုင်တအာင်း၊ ကျံရ်(2) ဆငည်း (23)

     ဆီုက်ဘြာန်ဇေဝ်ဂဲ ဒါယာန်ပ်ုရ်  ရောတ်ဒဲႈပဴင် ပ္လေဘျုင် စီလံက်ဟာဝ်း တိုအီးရဝ်(3)အီးယံမ်း၊ (7)အီးကတူ;ဖေးဆဲဝ်  တောပ်ဘိုးကောန်ဒဲ, ပလှံင်မှိူမ်မီုတ် အိုမ်ဘြည်ကတာည်း တီုင်တံပ် (2) ခေဲင်ကုင်တအာင်း။

ဘည်မို;ဘည်ဘာည်းအ်ုန် ကျံရ်(2) ဆငည်း (20) အအခိင်စူန်အံပ် (8:20)မနေတ် ဆီုက်ဘြာန်ဇေဝ်ဂဲ  ရောတ်ဒေဲႈပဴင် ပ္လေဘျုင်ထာန်ဇံန်(500)(2)ပိုင်း ပလှံင်မှီူမ်မီုတ်။

ဂေါ,ဆီုက်ဘြာန်ပဴင်ပ္လေဘျုင်ဘည်ဒီန် စီလံက်ဟာဝ်း လိုည်း ထဲက်မျံတ်နိုး အဆာက် (8)ဆန်ုမ် ၊ လိုည်းမေဆိင်ထဲက် အဆာက် (23)ဆန်ုမ်  ကာည်း မာည်းဆာ်မီင်လူန်း အဆာက် (30)ဆန်ုမ်ယံမ်း၊ လိုည်းဆျှိုည်တာန့်ဝေး အဆာက် (21)ဆန်ုမ် ၊မာည်းပျေဆဲင် အဆာက် (23)ဆန်ုမ် ၊ ဟာတေန်တေန်ညှို အဆာက် (32)ဆန်ုမ် ၊တာယဲင်အံင် ၊ တာမိုးလူန်း ၊ မာည်တာင်လူန် ကာည်း ဟာနွဲည်  ကတူ;အဖေးဆဲဝ်ဒါင်း တောပ်ဘိုး ဂါင်ကူန်ရဝ်မာဂါင်ဂဲ (5)ဂါင် လူလှဲဝ် ဟာဝ်းအော။

ကျံရ် (2)ဆငည်း (22) အခိင်ရမိူဝ်ဇေဝ်း (12:15) နြီ ရောတ် (1:30)မနောတ်ဒီန် ဆီုက်ဘြာန်ဇေဝ်ဂဲ ဒါယာန်ပ်ုရ်  Y-12 ရောတ်ဒဲႈပဴင် ပ္လေဘျုင် (5)ပိုင်း ပရဝ်ဆျှိုည်မုဋ္ဌော ကာည်း ပရဝ်တာန်ဆျှေ (27)ပိုင်း၊ ဂေါ,ဆီုက်ဘြာန်ပဴင်ပ္လေဘျုင်ဒီန်မာ် စီလံက်ဟာဝ်း တိုအီးရဝ် (1)အီးယံမ်း ကာည်း ဂါင်ဂေါည်ကူန်ရဝ်မာဂဲ လှုလှဲဝ်ဟာဝ်းအော။

ဘံန်ဟောည်,ဒေဲ; ကျံရ် (2)ဆငည်း (21) ဂေါ,ဆီုက်ဘြာန်ဇေဝ်ဂဲ ဒါယာန်ပ်ုရ်  ရောတ်ဒဲႈပဴင် ပ္လေဘျုင် ပလှံင်နောင်ချေဝ် ရဝ်လောင်ဖါန်း  စီလံက်ဟာဝ်း တိုအီး (1)အီးယံမ်း၊ တိုအီးရဝ် (4)အီးတောပ်ဘိုးကောန်ဒဲ, ကာည်း ဂါင်ဂေါည်ကူန်ရဝ်မာဂဲ လှုလှဲဝ်ဟာဝ်း ။

အာဝ်မိူဝ်ႈမ ပဲန်ကတီုက်ကပဴင်မာ် ဆီုက်ဘြာန်ဇေဝ်ဂဲ ပ်ုန်ကယေင် တေဲင်ကူန်ရဝ်မာဂါင်ဂဲ ပဴင်ပ္လေဘျုင်ဘည်နီန်၊ ဂေါႇဘည်ဒီန် ဘည်ကဆီုဝ်ကူန်ရဝ်မာဂါင်အယ်ဂဲ လိုဘယ်ဒဝ်ႎဲႈ ပ္လေဘျုင်ပဴင် ဆီုက်ဘြာန်ဇေဝ်ဂဲ၊ လိုအူန်မိူဝ်ႈဆဒိ ဘ်ုပ်ခြဲပွံတ်ဆေဆေႏ ကဆီုဝ်ယာန်ပ်ုရ် လံပ်ဆီုက်နာန်းနီး၊ ဘ်ုပ်တောပ် ဟာဝ်းရဒေင် ဘည်လိုဒံန်ခြဲ ကဆီုဝ်ယာန်ပ်ုရ်နီန်အောႏ။

ဟည်ဟောည်,ကတူးကငျား   တောပ်ဆီုက်ဘြာန်ဇေဝ်ဂဲ  ကျံရ် (2)ဆငည်း (16)ရောတ် ဆငည်း(22) ဂေါ,ဆီုက်ဘြာန်ဇေဝ်ဂဲ ဒါပ္လေဘျုင် ကာည်း ယာန်ပ်ုရ် ရောတ်ဒေဲ;ပဴင်  ခေဲင်ကုင်တအာင်း   ကောန်အီမာည်း (2)အီး တောပ်ဘိုးကောန်ဒဲ, ကာည်း  ကောန်အီးပ်ုန် (4)အီးယံမ်း ၊ ဆဲ;ဒီန်   ကောန်အီမာည်း (7)အီးကညောမ်းဒဲ,(1)အီး ကာည်း ကောန်အီးပ်ုန် (7)အီး ကတူ;ဖေးဆဲဝ်ဒါင်း  တောပ်ဘိုးပယုင်ဆနံမ်ပလှံင်နောင်ချေဝ် ၊ ​ကျောင်စဝ် ကာည်း ဂါင်ဂေါည်ကူန်ရဝ်မာဂဲ (11)ဂါင် လှုလှဲဝ်ဟာဝ်းအော။

#PSLF/TNLA

#တီုင်ပ္လေ;လေ;ဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း