ရေဲန်ပ္လေါည်ႎိူဝ်ႈထီ ကဇောည်ကောင်ဆံရ် ဇီုင်းပိင်ငျာကုင်တအာင်း TLEC လိူဝ်ႈ (20)နီန် ကညာအီးဘိူန်းဟာဝ်း ဆုဒါင်း(500)မိုႈ တာဆေင်ပါန်
07 February 2025
ရေဲန်ပ္လေါည်ႎိူဝ်ႈထီ ကဇောည်ကောင်ဆံရ် ဇီုင်းပိင်ငျာကုင်တအာင်း TLEC လိူဝ်ႈ (20)နီန် ကညာအီးဘိူန်းဟာဝ်း ဆုဒါင်း(500)မိုႈ တာဆေင်ပါန်
ဆန်ုမ်2025၊ ကျံရ်အာရ် ဆငည်း (6)
ဆဒါင်ကုင်တအာင်း
ကုင်တအာင်း ပ်ုန်ကယေင်ရေဲန်ဟာဝ်း ပ္လေါည်ႎိူဝ်ႈလံပ်ပိင်ငျာတအာင်းထီနီး မိုႈ ကနာည်ကဇောည်ဒဲႈ ကောင်ဆံရ်ဇီုင်းပိင်ငျာကုင်တအာင်း -TLEC ပ်ုန်ႎိူဝ်ႈဟာဝ်း လိူဝ်ႈ(20)နီန် ကညာအီးဘိူန်းဟာဝ်း ဆုဒါင်း (500)မိုႈ အ်ုန်အီဇီုဝ် တာဆေင်ပါန် ဂေါည် ဇံင်မျသပိတ် လှံင်အိုမ်ယ်ုရ် ။
ပ္လေါည်ႎိူဝ်ႈ ထီလိူဝ်ႈ(20)နီး ဖုင်ကဇောည်ဇီုင်းပိင်ငျာကုင်တအာင်း TLECဂဲ ဆော်အွံရ်ရေဲန်ဟာဝ်း ဒီဘြောင်ချှာင် တံပ်အွံရ်ပ်ုန်လောတ်ကပီုန်တအာင်း PSLF/TNLAအူဒီ ခည်မိုႈ ကျံရ်အာရ် ဆငည်း(1) အခိင်ခီညှာအ်ုန်ဒိူန်။
ပ္လေါည်ႎိူဝ်ႈထီ လိူဝ်ႈ(20)နီန် အက္ခရာ ဆုဒါင်း(500) မိုႈ (A-48347)၊ ဆဲ;ဒီန် ဆု(50)ကိူရ်ဆဲန် (1)ဆု၊ ဆု(30)ကိူရ်ဆဲန် (1)ဆု၊ ဆု(10)ကိူရ်ဆဲန် (2)ဆု၊ ဆု(5)ဆဲန် (2)ဆု ကာည်း ဆု(2)ဆဲန် (25)ဆု ကာည်း တောပ်ဘိုး တူတ်ဆု(2)ဆု ကစုကပိုမ် ချဒဲႈဟာဝ်းဆု(33)ဆုအောႏ။
ဘံန်ဟောည်ႇဒေဲႈ ကျံရ်အူ ပ္လေါည်ႎိူဝ်ႈထီ လိူဝ်ႈ (19)ဒိူန် ကညာအီးဘိူန်းဟာဝ်း ဆုဒါင်း(500)မိုႈ ယာမာစာန် အ်ုန်ဂေါည် ရဝ်ဇိုင်းဇ၊ ခမိုနားအော်၊ ပလှံင်ရူကော ပ်ုန်ဘိူန်းဟာဝ်း အက္ခရာအ်ုန်မိုႈ (B-03182)။
ခေဲင်ကျံရ်အူဒိူန် ထီကဇောည်ဇီုင်းပိင်ငျာကုင်တအာင်းနီန် ပ်ုန်ဘိူန်းဒေယံင်းမာ် အ်ုန်ဇောႈယောမ်ဟာဝ်း။ လံပ်ပိင်ငျာတအာင်းထီနီးမိုႈ ကနာည်နံင်ဟြီုက်ရိူန်းဒူး ကျောင်ပနောဘေဲႇ လံပ်ပိင်ငျာ ကပီုန်တအာင်း၊ တအာင်းထီနီး ဇူႈဒေႎိူဝ်ႈဟာဝ်း စူန်မိုႈ ဆန်ုမ်2023 ကျံရ်တောရ်ဒိူန်။
ပ်ုန်လိုရိူန်းဒူး ကနာည်ကျောင်ပနောဘေဲႇ ကာည်း ရာဆျှီန် ဆြာ/ဆြာမ (2500)အီးလေႈကဲနီန် ရိူန်းပ်ုန်ဘိူန်းဒေယံင်းထီနီး စီကဇောည်ဒဲႈ ရာဆျှီန် တာဆြာ/ယာဆြာကဲ၊ ဂေါႇဘည်ဒီန် ကဆီုဝ် ကူန်ရဝ်မာဂါင်ဂဲ အီဂေါည်ခေဲင်အရာပ်အရာတောန်ဒီ တောန်လှံင် ကနာည်နံင်ဘိူန်းကဇောည် လံပ်ပိင်ငျာကောန်ဒဲႇ အီဂေါည်ခေဲင်ကုင်တအာင်းအယ်ကဲနီန် မှာန်းအယ်တောန်အီး ကဇောည်အယ် ထိုးဒဲႈထီတအာင်းနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists