ပလှံင်နောင်ခေဝ် ဂေါႇ ဆီုက်ဘြာန်ဇေဝ်ဂဲ ဒါယာန်ပ်ုရ် ပဴင်ပ္လေဘျုင် ကူန်ရဝ်မာဂါင်(1)အီး ကတူႈဖေးဆဲဝ်
07 February 2025
ပလှံင်နောင်ခေဝ် ဂေါႇ ဆီုက်ဘြာန်ဇေဝ်ဂဲ ဒါယာန်ပ်ုရ် ပဴင်ပ္လေဘျုင် ကူန်ရဝ်မာဂါင်(1)အီး ကတူႈဖေးဆဲဝ်
နောင်ခေဝ်၊ ကျံရ်အာရ်၊ ဆငည်း(6)
ဆဒါင်ကုင်တအာင်း
ကုင်တအာင်း၊ အိူင်မာဝ်းႎံင်း၊ ပလှံင်နောင်ခေဝ်၊ ဂေါႇဆီုက်ဘြာန်ဇေဝ်ဂဲ ဒါယာန်ပ်ုရ် ပဴင်ပ္လေဘျုင် ကူန်ရဝ်မာဂါင်ဂဲ (1)အီး ကတူႈဖေးဆဲဝ်။
ကျံရ်အာရ် ဆငည်း(6) အဒိူဝ်နီး အခိင်ခီညှာ(10:20)မိနေတ်ဒိူန် ဆီုက်ဘြာန်ဇေဝ်ဂဲ ရောတ်ဒေဲႈပဴင်ပ္လေဘျုင် (1)ပိုင်း ပတေဲင်ဖြားကိုင်း သပျေတောင်။
ဂေါႇဆီုက်ဘြာန်ဇေဝ်ဂဲ ပဴင်ပ္လေဘျုင်ဘည်ဒီန် ဂိုက်(ဆိင်)ပ္လေဘျုင် ငျားလံက်ဟာဝ်း အီကောႈကား တာင်ဒေဲႈငါမ်းမာည်း ဆာည်းလအူး အဆာက်(30)ဆန်ုမ် ကတူႈဖေးဆဲဝ်ဒါင်း၊ ကနာည်နံင်ဆနံမ်တိုအ်ုန် ကူန်ရဝ်မာဂါင်ဂဲ ဟောည်ႇကဇောည်တိုန်းဟာဝ်း ပယုင်ဆနံမ်။
ဘံန်ဟောည်ႇဒေဲႈ ကျံရ်အူ ဆငည်း(22) ဒိူန် အာဝ်မိူဝ်ႈမ ပဲန်ကတီုက်ကပဴင် ပလှံင်နောင်ခေဝ်မာ် ဆီုက်ဘြာန်ဇေဝ်ဂဲ ပ်ုန်ကယေင်တေဲင် ကူန်ရဝ်မာဂါင်ဂဲ ဒါ(Jet Fighter) ပဴင်ပ္လေဘျုင် ကောန်အီပ်ုန်(3)အီး ကာည်း ကောန်အီမာည်း(5)အီး ယံမ်းဟာဝ်း၊ (1)အီး ကတူးဖေးဆဲဝ်၊ လံက်လူလှဲဝ်ႏဟာဝ်းဘိုး ဂါင်(2)ဂါင် ကာည်း လူမ်ပလိက်။
အာဝ်မိူဝ်ႈမ ပဲန်ကတီုက်ကပဲင်မာ် ဆီုက်ဘြာန်ဇေဝ်ဂဲ ပ်ုန်ကယေင် တေဲင်ကူန်ရဝ်မာဂါင်ဂဲ ပဴင်ပ္လေဘျုင်ဘည်နီန်၊ ဘည်ကဆီုဝ်ကူန်ရဝ်မာဂါင်အယ်ဂဲ လိုဘယ်ဒဝ်ႎဲႈ ပ္လေဘျုင်ပဴင် ဆီုက်ဘြာန်ဇေဝ်ဂဲ၊ လိုအူန်မိူဝ်ႈဆဒိ ဘ်ုပ်ခြဲပွံတ်ဆေဆေႏ ကဆီုဝ်ယာန်ပ်ုရ် လံပ်ဆီုက်နာန်းနီး၊ ဘ်ုပ်တောပ် ဟာဝ်းရဒေင် ဘည်လိုဒံန်ခြဲ ယာန်ပ်ုရ်နီန်အောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ပ္လေဲဝ်အခွါင်းအရေး
Comment Lists