05 February 2025

ခေဲင်ကုင်တအာင်း၊ ကျံရ်ဇံန်နႎရီဒိူန်၊ ဂေါႇဆီုက်ဘြာန်ဇေဝ်ဂဲ ဒါယာန်ပ်ုရ် ပ္လေႈတပ္လေဘျုင် လံက်ဟာဝ်းကူန်ရဝ်မာဂါင် ယံမ်း(13)အီးယံမ်း၊ (26)အီး ကတူႈဖေးဆဲဝ်

ကုင်တအာင်း၊ ကျံရ်(2)၊ ဆငည်း(4) 

ဆီုက်ဘြာန်ဇေဝ်ဂဲ အာဝ်မိူဝ်ႈပဲန်ပ္လေါည်ကတီုက်ကပဴင်မာ် ဒါယာန်ပ်ုရ် ပ္လေႈပ္လေဘျုင် လှံင်ဒီဘြောင်ချှာင် တံပ်အွံရ်ပ်ုန်လောတ်ကပီုန်တအာင်းPSLF/TNLAဂဲ၊ စီလံက်ဟာဝ်းကူန်ရဝ်မာဂါင်(13)အီးယံမ်း၊ (26)အီးကတူႈဖေးဆဲဝ်။

ကျံရ်ဇံန်နႎရီ၊ ဆငည်း(၈)အီဘိုန်ဒေဲႈနူ၊ အာဝ်မိူဝ်ႈပဲန်ပ္လေါည်ကတီုက်ကပဴင် ပမိုဂူႈကဒါႇလေႈဆာင်ငည်းမာ် ဂေါႇစကစဂဲ ဒါယာန်ပ်ုရ်ပ္လေႈပ္လေဘျုင်(20)ပိုင်း လံက်ဟာဝ်း ဂါင်ကူန်ရဝ်မာဂါင်(5)ဂါင်၊ ကျောင်စဝ်(1)ကျောင် ကာည်း ကားအူကြောင် လူလှဲဝ်ႈဟာဝ်း။

ဆငည်း(21) ရောတ် ဆငည်း(22) ကျံရ်ဇံန်နႎရီ အီဘိုန်ဒေဲႈဒိူန်၊ ဂေါႇဆီုက်ဘြာန်ဇေဝ်ဂဲ ဒါယာန်ပ်ုရ် ရောတ်ဒေဲႈပ္လေႈပ္လေဘျုင်(4)ပိုင်း ပလှံင်နောင်ခေဝ် စီလံက်ကောန်အီမာည်း(5)အီး၊ ကောန်အီပ်ုန်(4)အီးယံမ်းဟာဝ်း၊ ဆဲႈဒါႇကောန်အီပ်ုန်(3)အီးကတူႈဖေးဆဲဝ်ဒါင်းဘာည်းဒီန် လံက်လူလှဲဝ်ႏဘိုး ဂါင်(9)ဂါင် ကာည်း ကျောင်စဝ်(1)ကျောင်။

ပလှံင်မာဝ်းႎံင်းမာ် ကျံရ်ဇန်နႎရီ၊ ဆငည်း(25)ဒိူန် ဆီုက်ဘြာန်ဇေဝ်ဂဲ ဒါယာန်ပ်ုရ် ရောတ်ဒေဲႈပ္လေႈပ္လေဘျုင်(၄)ပိုင်း စီလံက်ဟာဝ်း ကောန်အီမာည်း(2)အီး၊ ကောန်အီပ်ုန်(2)အီးယံမ်း၊ ကောန်အီမာည်း(5)အီး၊ ကောန်အီပ်ုန်(18)အီးကတူႈဖေးဆဲဝ်၊ လလူလှဲဝ်ႏဟာဝ်းဘိုး ဂါင်(12)ဂါင်။

အာဝ်မိူဝ်ႈပ္လေါည်ကတီုက်ကပဴင် ခေဲင်ကုင်တအာင်းမာ် စကစဂဲ ကယေင်ပဴင်လိူည် ဒီဂေါည်ကူန်ရဝ်မာဂါင် ဂီုည်ဒါယာန်ပ်ုရ် ရောတ်ဒေပ္လေႈပ္လေဘျုင်။

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း