ပလှံင်အေဲမ်ခြီရ်၊ လှံင်မိုဂူႈ ကာည်း လှံင်အိုမ်ငျံရ် ပဲန်ဟာဝ်းငံရ်က္လိုႇကဆူမ်း (3)လိူဝ်ႈ၊ ကပိုမ်ငေါႈခံန်ထာန်ချှူမ် ဂေါည် (196)ဆဲန်ဘျာ
05 February 2025
ခေဲင်ကျံရ်အူဒိူန် ပလှံင်အေဲမ်ခြီရ်၊ လှံင်မိုဂူႈ ကာည်း လှံင်အိုမ်ငျံရ် ပဲန်ဟာဝ်းငံရ်က္လိုႇကဆူမ်း (3)လိူဝ်ႈ၊ ကပိုမ်ငေါႈခံန်ထာန်ချှူမ် ဂေါည် (196)ဆဲန်ဘျာ
ဆန်ုမ်2025၊ ကျံရ်အာရ်၊ ဆငည်း (4)
ဆဒါင်ကုင်တအာင်း
ကုင်တအာင်း၊ ခေဲင်ကျံရ်အူဒိူန် ပလှံင်အေဲမ်ခြီရ်၊ လှံင်မိုဂူႈ ကာည်း လှံင်အိုမ်ငျံရ် ပဲန်ဟာဝ်းငံရ်က္လိုႇကဆူမ်း (3)လိူဝ်ႈ၊ ကပိုမ်ငေါႈခံန်ထာန်ချှူမ် ဂေါည် (196)ဆဲန်ဘျာ။
ဘံန်ဟောည်ႇဒေဲႈ ကျံရ်အူ ဆငည်း(9) အခိင်ရဆံန် (2:45)မနေဲတ်ဒိူန် အခိင်ကညာဂါင်အကီဟာဝ်း ကာန်ယံမ်းအီးဒိူန် ပဂါင်ဂဲ ႎံရ်ငံရ်ပဲန်ဆျှောတ် စီကဆူမ်းဟာဝ်းဂါင်ဘည်ဒီန်။
ခေဲင်ဂါင် အ်ုန်ကဆူမ်းဟာဝ်း ဂြိုခြီုင်ပ်ုန်ဟောမ်ပ်ုန်ဒါဂဲ၊ ႎှုင် (Oppo)အူပိုင်၊ ရကာဝ်း၊ ငှောကဲနီန် ကစုကပိုမ် ထာန်ချှူမ်ဟာဝ်း ငေါႈခံန်ရိူန်း အ်ုန်မိုႈ(50)ဆဲန်ဘျာလေႈထာန်ဒီန်။
ပလှံင်မိုဂူႈ ဇံင်မီင်တံတား ယာမ်မိုႈ ကျံရ်အူ ဆငည်း(22) အခိင် ရဆံန် (1:10)မနေဲတ်ဒိူန် ပဂါင်တားကူးမားဒီန် ငံရ်စီဇူႈဒေကတံက်ကဆူမ်း ဝှါင်းဒီတံင်ပေါမ် စီပဲန်ကဆူမ်းဟာဝ်း ဂါင်ပဂါင်။
ဂေါႇပဲန်ငံရ်က္လိုႇကဆူမ်းဟာဝ်းဘည်ဒီန် ကစုကပိုမ်ထာန်ချှူမ်ဟာဝ်း ငေါႈခံန်ရိူန်း အ်ုန်မိုႈ(125)ဆဲန်ဘျာလေႈ။
ပလှံင်အိုမ်ငျံရ် ရဝ်ခိုဖီတ် ကျံရ်အူ ဆငည်း(24) အခိင်ရမှိူဝ် (8)နြီဒိူန် တားအေဝူန်း အခိင်အ်ုန် ပတံက်အူန်း ငံရ်တေန်တဖြား စီပဲန်ငံရ်ကတံက်ကဆူမ်းဟာဝ်းဂါင်အ်ုန်ဘည်ဒီန်။
ခေဲင်ဂါင် ကစုကပိုမ် ထာန်ချှူမ်ဟာဝ်း ငေါႈခံန်ရိူန်း အ်ုန်မိုႈ(21)ဆဲန်လေႈ အ်ုန်တောပ် ရကာဝ်း၊ငှောကဲနီန်။ အခိင်ပဲန်ငံရ်က္လို,ကဆူမ်းဟာဝ်းဘည်ဒီန် တံပ်အွံရ်ပ်ုန်လောတ်ကပီုန်တအာင်း PSLF/TNLA ဖုင်ပျံတ်ယံတ်ငံရ်ဂဲ ဒါကားပျံတ်ဟာဝ်း ကာည်း ကူန်ရဝ်မာဂါင်ဂဲ ကဇောည်ဒေပျံတ်ယံတ်ဟာဝ်းငံရ်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists