PSLF/TNLAတီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ ဟောည်ႇရေဲန်ပ္လေါည်ပ္လိုတ်ႎါင်ပနော ဖီုက်လျှံင်ပဇာရ် ကောန်အီပ်ုန် လိူဝ်ႈ(2) ကာည်း ႎီရ်ႎိူဝ်ႈႎါင်ပနောလိူဝ်ႈ(3)
05 February 2025
PSLF/TNLAတီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ ဟောည်ႇရေဲန်ပ္လေါည်ပ္လိုတ်ႎါင်ပနော ဖီုက်လျှံင်ပဇာရ် ကောန်အီပ်ုန် လိူဝ်ႈ(2) ကာည်း ႎီရ်ႎိူဝ်ႈႎါင်ပနောလိူဝ်ႈ(3)
ကုင်တအာင်း၊ ကျံရ်(2)၊ ဆငည်း(4)
ဆဒါင်ကုင်တအာင်း
တံပ်အွံရ်ပ်ုန်လောက်ကပီုန်တအာင်းPSLF/TNLA ဒီအိုမ်ဘည်ကတာည်းအူဒီ ပ်ုန်အွံရ်ႎိူဝ်ႈ တီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနောဖီုက်လျှံင်ပဇာရ် ကောန်အီပ်ုန် လိူဝ်ႈ(2) ကာည်း ႎီရ်ႎိူဝ်ႈႎါင်ပနောလိူဝ်ႈ(3)။
ကျံရ်အူ ဆငည်း(27) ဇူးအခိင်ခီညာ(9)နြီ ရောတ် (12)နြီ တားတီုင်ဘြောင်ချှာင် ခူန်အွံရ်ချု တာဂူႈဇာရ် ၊ တီုင်ချှာင်ရိူန်းခြီရ် ယားဆျှိုည်နေအူး ၊ ခူန်အွံရ် ယားအီထိုည်း ကာည်း အီရံပ်ဇီုင်းကပ္လိုင်တီုင်ကောန်အီပ်ုန်ဟြေဲႈဒါင်းဟိုက်ဇာရ် ခူန်နာန်းဒါင်း ယေကာ ကဲ ဟိုက်တံမ်ကြောႈက္လာင်း ခေဲင်ပ္လေါည်ပ္လိုတ်ႎါင်ပနောဖီုက်လျှံင် ကောန်အီပ်ုန်လိူဝ်ႈ(2)။
ခူန်အွံရ်ချု တားဂူႈဇာရ် က္လာင်းကြောႈတံမ်ဒါႈ ကနာည်ဟြေဲႈဒါင်းဟိုက်ဇာရ်ကောန်အီပ်ုန်ဂဲ ၊ ကနာည်ကဂေါပ်ရေဲန်ဇီုင်းတောပ် ကူန်ရဝ်မာဂါင်ဂဲ အခိင်ရေဲန်ဇီုင်းနှာင်းဖြေင်ကဒိူဝ်ႈ ကာည်း ရေဲန်ဇီုင်းလိုဟံပ်ရဲင်ဘ္လောမ်ရီန်းရဲတ်ဟာဝ်း။
ခေဲင်ပ္လေါည်ပ္လိုတ်ႎါင်ပနောဖီုက်လျှံင် ကောန်အီပ်ုန်လိူဝ်ႈ(2)နီန် ကောန်ႎါင်ပနောဂေါည်(24)အီး၊ ပ္လေါည်ႎိူဝ်ႈႎါင်ပနောဖီုက်လျှံင် ကောန်အီပ်ုန်လိူဝ်ႈ(3)မာ် အီရောတ်လီပ်ပနောလာည်ရဲင်ဘ္လောမ်ဂေါည်(40)အီး။ ႎါင်ပနောဒီန် တောႇတာဆြာ/ ယာဆြာ အီနံပ်ဆမားဂဲ ပနောဒဲႈ Supject(17)၊ ပနောဟာဝ်းလှေင်(7)ကျံရ် အခွါင်းအရေးတိုအီး၊ Supject အရေးတီုင်ကုင်အီကဆီုဝ်ကဆဲင်တကောန်အီပ်ုန်၊ အခွါင်းအရေးကောန်အီပ်ုန် ကာည်း အခွါင်းအရေးကညောမ်( ကောန်ဒဲႇ) Supject ဂဲကဲဟံရ်။
ပ်ုန်ကယေင် ဘည်ႎိူဝ်ႈႎါင်ပနောနီန်မိုႈ (1) နံင်ကောန်အီပ်ုန်ကဲ ဘယ်အွံရ်ဇီုင်းကာန်တောန်နဲကာည်း လံပ်ကဏ္ဍတောန်ဒီ၊ (2) နံင်ဘယ်ဒါရဒေင် တောန်နဲ ပယောမ်ဒဲႈ အီလီလာဘာည်း တေဲင်ကောန်အီပ်ုန်ဂဲ၊ (3) နံင်ကောန်အီပ်ုန်ကဲ ဘယ်အွံရ်ဟာဝ်းဇီုင်းကာန် လိူဝ်းဒေါန်နီန်၊ (4) နံင်ဘိူန်းကဇောည် ကောန်အီပ်ုန်ဂဲ ဘယ်ဒေကပါ်ႇကပံန် ရိူန်းဒါယိူဝ်ႇ တဇီုင်းကာန်တဂါင်၊ (5) နံင်လံပ်အေရးတီုင်ကုင် ကောန်အီပ်ုန်အယ်တအာင်း ကတာႈဒါင်းဇာရ်ဟာဝ်း မောကဲ ကံပ်ဘယ်ဒေ ကဇောည်ဒေရေဲန်ဇီုင်းကာန် တီုင်ကောန်အီပ်ုန်ဟြေဲႈဒါင်းဟိုက်ဇာရ်ဟာဝ်းအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists