ပလှံင်မူစဲ ကောန်အီမာည်း(1)အီး ငျားဒေညဲ့မဴင် ကတူႈဖေးဆဲဝ်ဒါင်း
31 January 2025
ပလှံင်မူစဲ ကောန်အီမာည်း(1)အီး ငျားဒေညဲ့မဴင် ကတူႈဖေးဆဲဝ်ဒါင်း
လှံင်မူစဲ၊ ကျံရ်အူ၊ ဆငည်း(30)
ဆဒါင်ကုင်တအာင်း
ခေဲင်ကုင်တအာင်း၊ ဒီအိုမ်ဘြည်ကတာည်း တီုင်တံပ်ဒါင်း (1)၊ ပလှံင်မူစဲ တိုအီးရဝ်နံမ်ဟွိုင် ကောန်အီမာည်း(1)အီး ငျားဒေညဲ့မဴင် ကတူႈဖေးဆဲဝ်ဒါင်း။
ဘည်မိုႈဘည်ဘာည်းအ်ုန် ကျံရ်ဇံန်နႎရီ ဆငည်း(27)၊ အခိင်ခီညာ (7:45)မနေတ်ဒိူန် ကဝ်အီဇီုဝ်ဟေင်ဆော်ထေး အဆာက်(30)ဆန်ုမ်၊ အခိင်အ်ုန်ဟာဝ်းပလိုင်းငါမ်းမာည်း စီငျားဒေညဲ့မဴင် ပ်ုန်တီႇအူန်းဆီုက်ဘြာန်ဇေဝ် အီကီုတ်အာည်ႇနီန်။
ဂေါႇမဴင်ညဲ့အ်ုန်ပဒူႈ စီလံက်ဟာဝ်း ဇိူင်အ်ုန်ကဒါႇလဝဲ ကတ်ုတ်လေႈ၊ တောပ်ဘိုး တည်းအာရ်ကဒါႇ ကာည်း တိုပိုင်းအ်ုန်မာ် ကတူႈဖေးဆဲဝ်ဒါင်း။
ဘံန်ဟောည်ႇဒေဲႈ ကျံရ်ဇံန်နႎရီ၊ ဆငည်း(1)ဒိူန်မာ် ပလှံင်မူစဲ အ်ုန်အီဂေါည်ရဝ်ပါန်လိုင် ကဝ်အီဇီုဝ် တာအဆဲင် အခိင်အ်ုန်ကောတ်(ဂေတ်)ဟေ ခေဲင်လိုင်းဘြည်ဒိူန် စီငျားဒေညဲ့မဴင် ဇိူင်အူကဒါႇ ကတူႈချှူမ်ဟာဝ်းအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists