ရေဲန်ဟောည်ႇဟာဝ်းပ္လေါည် တာင်ဒဲႈချှံန်ဒါင်း Seninor Cadet ႎါင်ပနောကောန်ကျောင်ခူန် လိူဝ်ႈ(3)
31 January 2025
ရေဲန်ဟောည်ႇဟာဝ်းပ္လေါည် တာင်ဒဲႈချှံန်ဒါင်း Seninor Cadet ႎါင်ပနောကောန်ကျောင်ခူန် လိူဝ်ႈ(3)
ကုင်တအာင်း၊ ကျံရ်အူ၊ ဆငည်း(28)
ဆဒါင်ကုင်တအာင်း
ဆန်ုမ်2025၊ ကျံရ်အူ၊ ဆငည်း(19)ဒိူန် ရေဲန်ဟောည်ႇဟာဝ်း ပ္လေါည်တာင်ဒဲႈချှံန်ဒါင်း Seninor Cadet တတံပ်နာန်းတအာင်း TNLA ႎါင်ပနောကောန်ကျောင်ခူန်လိူဝ်ႈ(3)ဂဲ ဒီအိုမ်ဘြည်ကတာည်းတအာင်းအူဒီ ခေဲင်ကုင်တအာင်း။
ပ္လေါည်တာင်ဒဲႈချှံန်နီန် တံပ်နာန်းတအာင်း TNLA တားတီုင်အွံရ်ဆီုက် ခူန်ချုတားဟိူဝ်ပ္လါင် ကာည်း တာမ်တားတီုင်အွံရ်ဆီုက် ခူန်အွံရ်ချု တားဂေါင်ဆဲင် ဟိုက်ရောတ်ဒေဲႈ တံမ်းကြောႈ။
က္လာင်းဟာဝ်းဒါႈ တံပ်နာန်းတအာင်း TNLA တားတီုင်ဆီုက် တားဟိူဝ်ပ္လါင် က္လာင်းဒါႈ လံပ်ဒံန်ခြဲလောတ်ဖေး ကူန်ရဝ်မာဂါင်ဂဲ ခေဲင်ကုင်တအာင်းနီး၊ ကနာည်နံင်ဘယ်ဒံန်ခြဲ အရာပ်အရာကုင်တအာင်း ကာည်း လိုရီန်ရဲတ် ကနာည်နံင်လောတ်ဒါႇပ်ုန်ထီပ်ပ်ုန်ညဲ့အီး။
ႎါင်ပနောကျောင်ခူန် လိူဝ်;(3)နီန်း ပနောဟာဝ်း လှေင်(5)ဆန်ုမ်လေႈ၊ ႎါည်ဟောည်ႇပနောဟာဝ်း ကျောင်ခူန်ဂဲ (3)ဆန်ုမ် စီတာင်ဖိုက်ဟိုက်ဒဲႈချှံန် Senior Cadet တဂဲဘည်နီန်။
ပ္လေါည်တာင်ဒဲႈချှံန်နီး တံပ်နာန်းတအာင်း TNLA တားတီုင်အွံရ်ဆီုက် ခူန်ချု တားဟိူဝ်ပ္လါင်၊ တာမ်တားတီုင်အွံရ်ဆီုက် ခူအွံရ်ချု တားဂေါင်ဆဲင်၊ အီချှာင်ဇီုင်းလူမ် ကျောင်ခူန် ခူန်အွံရ် တားအံင်မြှုံတ်၊ အီဖိုက်လျှံင်ႎါင်ပနောခူန်ဂဲ၊ ကောန်ကျောင်ခူန် ATA ဂဲ ကာည်း ကူန်ရဝ်မာဂါင်ဂဲ ကစုကပိုမ် (250)အီးလေႈ ဟိုက်ရောတ်ဒေဲႈအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists