ဆီုက်ဘြာန်ဇေဝ်ဂဲ ဒါယာန်ပ်ုရ် ပဴင်ပ္လေဘျုင် လှံင်မာဝ်းႎံင်း လံက်ဟာဝ်း တိုအီးရဝ်(1)အီးယံမ်း၊ (3)အီးကတူႈ ဖေးဆဲဝ်
31 January 2025
ဆီုက်ဘြာန်ဇေဝ်ဂဲ ဒါယာန်ပ်ုရ် ပဴင်ပ္လေဘျုင် လှံင်မာဝ်းႎံင်း လံက်ဟာဝ်း တိုအီးရဝ်(1)အီးယံမ်း၊ (3)အီးကတူႈ ဖေးဆဲဝ်
လှံင်မာဝ်းႎံင်း၊ ကျံရ်အူ၊ ဆငည်း (28)၊ ဆဒါင်ကုင်တအာင်း
ခေဲင်ကုင်တအာင်း အိုမ်ဘြည်ကတာည်း တီုင်တံပ်ဒါင်း(2)၊ ဆီုက်ဘြာန်ဇေဝ်ဂဲ ဒါယာန်ပ်ုရ် ရောတ်ဒေဲႈပဴင်ပ္လေဘျုင် စီလံက်ဟာဝ်း ကူန်ရဝ်မာဂါင် လှံင်မာဝ်းႎံင်း (1)အီးယံမ်း ၊ (3)အီး ကတူႈဖေးဆဲဝ်။
ဂေါႇဆီုက်ဘြာန်ဇေဝ်ဂဲ ဒါယာန်ပ်ုရ် ပဴင်ပ္လေဘျုင် ဒီက္လာႈရမှိူဝ် ကာည်း တေဲင်လူမ်အိူင်ဒီန် အခိင်ဟောည်ႇဆံန်(2:18)မနေတ်ဒိူန် စီလံက်လှဲဝ်ႏဟာဝ်း ဂါင်(5)ဂါင်လှိူဝ်း။
ဘံန်ဟောည်ႇဒီန် ကျံရ်ဇံန်နြီ ဆငည်း(25)၊ ဂေါႇရောတ်ဒေဲႈပဴင်ပ္လေဘျုင် ပယုင်ဆနံမ်ဒါင်း စီလဟာဝ်း ယာဆြာCDM(2)အီး၊ တိုအီးဆဲဝ်(1)အီးယံမ်းဟာဝ်း၊ တိုအီးရံပ်ဇီုင်းကပ္လိူင် ခေါခါႇဂဲ၊ တောပ်ဘိုး ယာဆြာCDM ကာည်း ကူန်ရဝ်မာဂါင်ဂဲ(20)အီး ကတူႈဖေးဆဲဝ်၊ ဆဲႈဒီန် ယုင်ဆနံမ် လှံင်မာဝ်းႎံင်းမာ်လှဲဝ်ႏဟာဝ်း။
ဆီုက်ဘြာန်ဇေဝ်ဂဲ အာဝ်မိူဝ်ႈမ ပဲန်ကတီုက်ကပဲင်မာ် ပ်ုန်ကယေင် တေဲင်ကူန်ရဝ်မာဂါင်ဂဲ ပဴင်ပ္လေဘျုင်ဘည်နီန်၊ ဘည်ကဆီုဝ်ကူန်ရဝ်မာဂါင်အယ်ဂဲ လိုဘယ်ဒဝ်ႎဲႈ ပ္လေဘျုင်ပဴင် ဆီုက်ဘြာန်ဇေဝ်ဂဲ၊ လိုအူန်မိူဝ်ႈဆဒိ ဘ်ုပ်ခြဲပွံတ်ဆေဆေႏ ကဆီုဝ်ယာန်ပ်ုရ် လံပ်ဆီုက်နာန်းနီး၊ ဘ်ုပ်တောပ် ဟာဝ်းဒေင် ဘည်လိုဒံန်ခြဲ ယာန်ပ်ုရ်နီန်။
#PSLF/TNLA
#တီုင်ပ္လေႈလေႈဆဒါင်
#ဆဒါင်ပ္လေဲဝ်အခွါင်းအရေး
Comment Lists