ဆီုက်ဘြာန်ဇေဝ်ဂဲ တိုက်က္လိုႇကဆူမ်းဟာဝ်း ဂါင်ဂေါည်ကူန်ရဝ်မာဂါင်ဂဲ (20)ဂါင် ပရဝ်အုမ္မတီး လှံင်နောင်ခေဝ်
31 January 2025
ဆီုက်ဘြာန်ဇေဝ်ဂဲ တိုက်က္လိုႇကဆူမ်းဟာဝ်း ဂါင်ဂေါည်ကူန်ရဝ်မာဂါင်ဂဲ (20)ဂါင် ပရဝ်အုမ္မတီး လှံင်နောင်ခေဝ်
နောင်ခေဝ်၊ ကျံရ်အူ၊ ဆငည်း(27)
ဆဒါင်ကုင်တအာင်း
ဆီုက်ဘြာန်ဇေဝ်ဂဲ တိုက်က္လိုႇကဆူမ်းဟာဝ်း ဂါင်ဂေါည်ကူန်ရဝ်မာဂါင်ဂဲ(20)ဂါင် ပရဝ်အုမ္မတီး လှံင်နောင်ခေဝ် အိုမ်ဘြည်ကတာည်း တီုင်တံပ်ဒါင်း(2)၊ ခေဲင်ကုင်တအာင်း။
ဘည်မိုႈဘည်ဘာည်းအ်ုန် ဘံန်ဟောည်ႇဒေဲႈ ကျံရ်ကိူရ်အာရ် ဆငည်း(29)ဒိူန် အူလိူဝ်ႈ၊ ကျံရ်အူ ဆငည်း (19)ဒိူန် အူလိူဝ်ႈ ကာည်း ကျံရ်အူ ဆငည်း(26) စူမ်အံပ်(5:30)နြီဒိူန် အူလိူဝ်ႈ ကစုကပိုမ် (3)လိူဝ်ႈ ဆီုက်ဘြာန်ဇေဝ်ဂဲ တိုက်ကဆူမ်းဟာဝ်း၊ ဂေါႇဆီုက်ဘြာန်ဇေဝ်ဂဲ တိုက်က္လိုႇကဆူမ်းဟာဝ်းဘည်နီန် ဂါင်ဂေါည်ကူန်ရဝ်မာဂါင်ဂဲ (20)ဂါင် ကဆူမ်းလူလှဲဝ်ႏဟာဝ်း။
ဘံန်ဟောည်ႇဒေဲႈ ကျံရ်အူ ဆငည်း(22)ဒိူန်မာ် ဂေါႇ ဆီုက်ဘြာန်ဇေဝ်ဂဲ ဒါယာန်ပ်ုရ် ပဲင်ပ္လေဘျုင် ပလူမ်ပလိက် ကာည်း ဆဲင်အိုမ်မျံမ်ပါရမီ လှံင်နောင်ခေဝ် ကူန်ရဝ်မာဂါင်ဂဲ (8)အီး ယံမ်း၊ (1)အီး ကတူႈဟာဝ်းဖေးဆဲဝ်။
အာဝ်မိူဝ်ႈမ ပဲန်ကတီုက်ကပဲင်မာ် ဆီုက်ဘြာန်ဇေဝ်ဂဲ ပ်ုန်ကယေင်တေဲင် ကူန်ရဝ်မာဂါင်ဂဲ ပဲင်ပ္လေဘျုင်ဘည်နီန်၊ ဘည်ကဆီုဝ်ကူန်ရဝ်မာဂါင်အယ်ဂဲ လိုဘယ်ဒဝ်ႎဲႈ ပ္လေဘျုင်ပဲင် ဆီုက်ဘြာန်ဇေဝ်ဂဲ၊ လိုအူန်းမိူဝ်ႈဆဒိ ဘ်ုပ်ခြဲပွံတ်ဆေဆေႏ ကဆီုဝ်ယာန်ပ်ုရ် လံပ်ဆီုက်နာန်းနီး၊ ဘ်ုပ်တောပ်ဟာဝ်းဒေင် ဘည်လိုဒံန်ခြဲ ယာန်ပ်ုရ်နီန်အောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ပ္လေဲဝ်အခွါင်းအရေး
Comment Lists