ဆီုက်ဘြာန်ဇေဝ်ဂဲ ဒါယာန်ပ်ုရ် ပဴင်ပ္လေဘျုင် တေဲင်ယုင်ဆနံမ် လှံင်မာဝ်းႎံင်း လံက်ဟာဝ်း တိုအီးကတူႈဆဲဝ်ဂီုန်း
31 January 2025
ဆီုက်ဘြာန်ဇေဝ်ဂဲ ဒါယာန်ပ်ုရ် ပဴင်ပ္လေဘျုင် တေဲင်ယုင်ဆနံမ် လှံင်မာဝ်းႎံင်း လံက်ဟာဝ်း တိုအီးကတူႈဆဲဝ်ဂီုန်း
လှံင်မာဝ်းႎံင်း၊ ကျံရ်အူ၊ ဆငည်း (27)
ဆဒါင်ကုင်တအာင်း
ဆီုက်ဘြာန်ဇေဝ်ဂဲ ဒါယာန်ပ်ုရ် (2)လိူဝ်; ရောတ်ဒေဲႈပဴင်ပ္လေဘျုင် (4)ပိုင်း တေဲင်ယုင်ဆနံမ် လှံင်မာဝ်းႎံင်း အိုမ်ဘြည်ကတာည်း တီုင်တံပ်ဒါင်း(2)၊ ခေဲင်ကုင်တအာင်း။
ကျံရ်အူ ဆငည်းအမှိူဝ် (25) အခိင်ရဆံန် (1:25)မိနေဲတ်ဒိူန် (1)လိူဝ်ႈ၊ (1:29)မိနေဲတ်ဒိူန် (1)လိူဝ်ႈ ဆီုက်ဘြာန်ဇေဝ်ဂဲ ဒါယာန်ပ်ုရ် (2)လိူဝ်ႈ ပဴင်ပ္လေဘျုင်(4)ပိုင်း ပ်ုန်ယုင်ဆနံမ် လှံင်မာဝ်းႎံင်း။
ဂေါႇပ္လေဘျုင်ပဴင်ဆီုက်ဘြာန်ဇေဝ်ဂဲ အီဆနံမ်ဒဲႈ တိုအီးဆဲဝ် ယာဆြာ CDM (1)အီး၊ တိုအီးဆဲဝ်(1)အီး ယံမ်းဟာဝ်း၊ တီရံပ်ဇီုင်းကပ္လိူင် ခေါခါႇဂဲ၊ တောပ်ဘိုး ယာဆြာ CDMဂဲ ကာည်း ကူန်ရဝ်မာဂါင်ဂဲ (20)အီး ကတူႈဖေးဆဲဝ်၊ ဆဲႈဒီန် ယုင်ဆနံမ် လှံင်မာဝ်းႎံင်းမာ် လူလှဲဝ်ႏဟာဝ်း။
ဂါင်ဆနံမ်လှံင်မာဝ်းႎံင်းနီန် မိုႈယုင်ဆနံမ် တိုအီးဆဲဝ် ကူ(150) ၊ ရေဲန်စူန်မိုႈ ဆန်ုမ်1967ဒိူန်၊ လှံင်မာဝ်းႎံင်းနီန်း ဘံန်ဘိူန်းထိင်ဟာဝ်း PSLF/TNLA ယုင်ဆနံမ်လှံင်မာဝ်းႎံင်းနီန် ရေဲန်ကဇောည်ဒဲႈ ဆနံမ်ဒဲႈဟာဝ်းခေါခါႇကဲနီန်။ ကဇေန်နီန်း ဂေါႇဆီုက်ဘြာန်ဇေဝ်ဂဲ ပဴင်ပ္လေဘျုင်ဘည်နီန် ယုင်ဆနံမ်မာ် လူလှဲဝ်ႏဟာဝ်းဒိုည်ႇ။
ဂေါႇဆီုက်ဘြာန်ဇေဝ်ဂဲ ပဴင်ပ္လေဘျုင်ဘည်နီန် ကူန်ရဝ်မာဂါင်ဂဲ အီငျားလံက်ဟာဝ်း ဂိုက်(ဆိင်)ပ္လေဘျုင်ကဲဒိူန် PSLF/TNLA ဖုင်ပလိက် ကာည်း ဖုင်ပရဟိတဂဲ ကဇောည်ဆနံမ်ဒဲႈဟာဝ်း။
ဘံန်ဟောည်ႇဒေဲႈ ကျံရ်အူ ဆငည်း(22)ဒိူန်မာ် ပလှံင်နောင်ခေဝ် ဂေါႇဆီုက်ဘြာန်ဇေဝ်ဂဲ ပ်ုန်ကယေင် တေဲင် ကူန်ရဝ်မာဂါင်ဂဲ ပဴင်ပ္လေဘျုင် ကူန်ရဝ်မာဂါင်ဂဲ(9)အီးယံမ်း၊ (3)အီး ကတူႈဟာဝ်းဖေးဆဲဝ်၊ ဂါင်ဂေါည်ကဲနီန်မာ် လံက်လူလှဲဝ်ႏဟာဝ်း။
အာဝ်မိူဝ်ႈမ ပဲန်ကတီုက်ကပဲင်မာ် ဆီုက်ဘြာန်ဇေဝ်ဂဲ ပ်ုန်ကယေင် တေဲင်ကူန်ရဝ်မာဂါင်ဂဲ ပဴင်ပ္လေဘျုင်ဘည်နီန်၊ ဘည်ကဆီုဝ်ကူန်ရဝ်မာဂါင်အယ်ဂဲ လိုဘယ်ဒဝ်ႎဲႈ ပ္လေဘျုင်ပဴင် ဆီုက်ဘြာန်ဇေဝ်ဂဲ၊ လိုအူန်မိူဝ်ႈဆဒိ ဘ်ုပ်ခြဲပွံတ်ဆေဆေႏ ကဆီုဝ်ယာန်ပ်ုရ် လံပ်ဆီုက်နာန်းနီး၊ ဘ်ုပ်တောပ် ဟာဝ်းဒေင် ဘည်လိုဒံန်ခြဲ ယာန်ပ်ုရ်နီန်အောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ပ္လေဲဝ်အခွါင်းအရေး
Comment Lists