ဂေါႇဆီုက်ဘြာန်ဇေဝ်ဂဲ ဒါယာန်ပ်ုရ် ရောတ်ဒေဲႈပဴင်ဘိုး ပ္လေဘျုင် ပလှံင်နောင်ချေဝ် လံက်ဟာဝ်း တိုအီးရဝ် (8)အီး ယံမ်း
31 January 2025
ဂေါႇဆီုက်ဘြာန်ဇေဝ်ဂဲ ဒါယာန်ပ်ုရ် ရောတ်ဒေဲႈပဴင်ဘိုး ပ္လေဘျုင် ပလှံင်နောင်ချေဝ် လံက်ဟာဝ်း တိုအီးရဝ် (8)အီး ယံမ်း
နောင်ချေဝ်၊ ကျံရ်အူ၊ ဆငည်း (22)
ဆဒါင်ကုင်တအာင်း
ကျံရ်(1)ဆငည်း(22)အခိင် ရဆံန် (11:24)မိနေဲတ်ဒိူန်ဆီုက်ဘြာန်ဇေဝ်ဂဲ ဒါယာန်ပ်ုရ်(Jet Fighter) ရောတ်ဒေဲႈပဴင်ဟာဝ်းဘိုး ပ္လေဘျုင် (2)ပိုင်း ပလူမ်ပလိက် ကာည်း တပြောဆဲင်အိုမ်မျံမ်ငါမ်း ပါရမီ လှံင်နောင်ချေဝ် ဒီအိုမ်ဘြည်ကတာည်း တီုင်တံပ်ဒါင်း (2) ခေဲင်ကုင်တအာင်း။
ဂေါႇဆီုက်ဘြာန်ဇေဝ်ဂဲ ရောတ်ဒေဲႈပဴင်ပ္လေဘျုင်ဘည်ဒီန် စီလံက်ဟာဝ်းကူန်ရဝ်မာဂါင် ကောန်အီပ်ုန် (3)အီး ကာည်း ကောန်အီမာည်း (5)အီးယံမ်း ၊ (1)အီးကတူႈဖေးဆဝ်း တောပ်ဘိုး ဂါင်ဂေါည် (2)ဂါင် ကာည်း လူမ်ပလိက်မော လံက်လူလှဲဝ်ႏဟာဝ်း။
ဂေါႇဆီုက်ဘြာန်ဇေဝ်ဂဲ ပဴင်ဟာဝ်းပ္လေဘျုင်ဘည်ဒီန် ကူန်ရဝ်မာဂါင် အီငျားလံက်ဟာဝ်း ဂိုက်(ဆိင်)ပ္လေဘျုင်ဂဲဒီန် PSLF/TNLA ဖုင်ပျံတ်ယံတ်ငံရ်၊ ဖုင်ပလိက်ဂဲ ကာည်း ကူန်ရဝ်မာဂါင်ဂဲ ရောတ်ဒေဲႈ ကဇောည်ဆနံမ်ဒဲႈဟာဝ်း။
ကျံရ်အူ ဆငည်းအမှိူဝ်(21)ဒိူန်မာ် အာဝ်မိူဝ်ႈမ ပဲန်ကတီုက်ကပဴင်မာ် ဆီုက်ဘြာန်ဇေဝ်ဂဲ မိူဝ်ႈပ်ုန်ကယေင် တေဲင်ကူန်ရဝ်မာဂါင်ဂဲ ဒါယာန်ပ်ုရ်(Jet Fighter)ရောတ်ဒေဲႈ ပဲင်ဟာဝ်းပ္လေဘျုင်ပဴင် (2)ပိုင်းအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists