ပလှံင်ကိုက်ခည်း စဝ်ဆာင်ခါတအာင်းဂဲ ကာည်း အီအွံရ်တီုင်ဒါင်း PSLF/TNLA ဂဲ ရေဲန်ပါင်ကမိုန် ကနာည်ပ်ုန်ဇာရ် ဇီုင်းကာန်သာသနာ ကုင်တအာင်း
18 January 2025
ပလှံင်ကိုက်ခည်း စဝ်ဆာင်ခါတအာင်းဂဲ ကာည်း အီအွံရ်တီုင်ဒါင်း PSLF/TNLA ဂဲ ရေဲန်ပါင်ကမိုန် ကနာည်ပ်ုန်ဇာရ် ဇီုင်းကာန်သာသနာ ကုင်တအာင်း
ကိုက်ခည်း၊ ကျံရ်အူ၊ ဆငည်း (18)
ဆဒါင်ကုင်တအာင်း
ကုင်တအာင်း၊ အိူင်ကိုက်ခည်း၊ လှံင်ကိုက်ခည်း၊ စဝ်ဆာင်ခါတအာင်းဂဲ ကာည်း အီအွံရ်တီုင်ဒါင်း PSLF/TNLAဂဲ ရေဲန်ပါင်ကမိုန် ကနာည်ပ်ုန်ဇာရ်ဇီုင်းကာန် ကုင်တအာင်း ခည်မိုႈ ကျံရ်အူ ဆငည်း(16)ဒိူန်။
ပါင်ကမိုန်ဒီန် ကဲဇူႈခီညှာ(9)နြီ ရောတ်စာ်မ်း ရဆံန် (12)နြီ၊ စဝ်ဆာင်ခါတအာင်းဂဲ ဆောအွံရ်ရေဲန်ဟာဝ်း ပကျောင်ဆျှိုည်ကမ္ဘာ ရဝ်ဟိုစဲန်၊ လှံင်ကိုက်ခည်း။
PSLF/TNLA ခူန်ချု တားဘုင်ကျော် ဟြာင်းကဘ္လာင်းဆာင်လာင်းဟာဝ်းဒါႈ ကနာည်သာသနာနီန် နံင်ဟိုက်ဇာရ်ဟာဝ်း နှာင်းကဇောည်ဒဲႈဟာဝ်းဒါဒေင်အူကဒါႇ ကာည်း နှာင်းဗုဒ္ဓသာသနာတော် ကုင်တအာင်းနီန် နံင်ဟိုက်ဇာရ်ဟာဝ်း ဖုင်စဝ်ဆာင်ခါ တအာင်းဂဲမာ် လိုရေဲန်ဟာဝ်းဇီုင်းကာန် မှည်အာည်ႇနီန်။
ခေဲင်ပါင်ကမိုန်ဒီန် ဟြာင်းကဘ္လာင်းဆာင်လာင်းဟာဝ်းဘိုး ဇီုင်းကာန်ဖာဆာခြိူဝ်းမျိုး ပ်ုန်ရေဲန်ဒေဲႈ ခေဲင်အူဆန်ုမ်၊ ဟြာင်းဇီုင်းကာန်သာသနာကဲနီန် ကာည်း ဇီုင်းကာန်ဟာဝ်းနှာအာည်ႇ၊ ခေဲင်ဆန်ုမ်နီန် ဘ္လပ္လေႈဟာဝ်းဘိုး ကနာည်ဘြဝါဒစရိယစဝ်ဆြာဂဲ နံင်တိူဝ်ႈဒါ ပိဋကတ်တြားအိုည်ဘုံကဲနီန် ကပ္လါႇဟာဝ်း နံင်ပဲန်ကဒါႇတအာင်း။
ဇီုင်းကာန်ဟာဝ်းနှာအာည်ႇကဲဒီန် အ်ုန်တောပ် ဘည်လိုခ္လါည်းလံပ်ပိင်ငျာသာသနာကဲနီန် ကာည်း ကနာည်နံင်ဘယ်ဒေႎိူဝ်ႈ ဗုဒ္ဓတက္ကသိုလ်၊ ကနာည်စဝ်ဆာင်ခါတအာင်းဂဲ လိုပ်ုန်ဇာရ် လိုဖီုက်လျှံင်ဟာဝ်း ဘည်လော်င်ပိင်ငျာကဲနီန် နံင်ခီတ်ကာပ် ကာည်း ကနာည်စဝ်ဆာင်ခါ တအာင်းအယ်ဂဲ နံင်ဘယ်ဒေပဇာရ်ဟာဝ်း ဖာဆာခြိူဝ်းမျိုးကဲနီန်။
ခေဲင်ပါင်ကမိုန်နီန် ခေဲင်လှံင်တောန်ဒီ စဝ်ဆာင်ခါ(65)ပါး၊ အီအွံရ်တီုင်ဒါင်း တံပ်အွံရ်ပ်ုန်လောတ်ကပီုန်တအာင်း PSLF/TNLA တားချှာင်ဇီုင်းကာန်တောန်နဲ ခူန်ချု တားဘုင်စော်၊ ဂေါပ်တားချှာင်ဇီုင်းကာန်တောန်နဲ(2) ခူန်အွံရ်ဒါင်း တားပါင်လ၊ စဝ်ဆာင်ခါတီုင်ဌာနဂဲ ကစုကပိုမ်(20)အီး ဟိုက်ရောတ်ဒေဲႈ။
#PSLF/TNLA
#တီုင်ပ္လေႈလေႈဆဒါင်
#ဆဒါင်အရာပ်အရာ
Comment Lists