တဒေင်ဒါင်းမံင်လာမူစယ် ပဲန်ဟာဝ်း ကားကာည်းဆဲင်ကဒူႈ ကောန်အီပ်ုန်(2)အီးယံမ်း
13 January 2025
တဒေင်ဒါင်းမံင်လာမူစယ် ပဲန်ဟာဝ်း ကားကာည်းဆဲင်ကဒူႈ ကောန်အီပ်ုန်(2)အီးယံမ်း
ဆန်ုမ်2025၊ ကျံရ်အူ ဆငည်း(13)
ကုင်တအာင်း၊ အိူင်အိုမ်တမာဝ်း၊ ဒီဘြောင်ချှာင် ဆီုက်ဘြာန်ဂဲ တပြောမံင်လာမူစယ် ရအာည်ဂါင်(8)ထံပ်ဒီန် ပဲန်ဟာဝ်း ကားကာည်း ဆဲင်ကဲယ် ကဒူႈ ကောန်အီပ်ုန် (2)အီးယံမ်းဟာဝ်းအောႏ။
ဘည်မိုႈအ်ုန် ဆငည်း (11) ရဆံန်(2)နြီဒိူန် တဒေင်ဒါင်းမံင်လာမူစယ် ပဲန်ဟာဝ်း ကားကဒူႈ ကောန်အီပ်ုန် အီကောႈဆဲင်ကယ် (2)အီး ယံမ်းဟာဝ်းပွံတ်းအောႏ။
ကောန်အီပ်ုန် အီယံမ်းဟာဝ်းဂါရ်(2)အီး အခိင်ပဲန်ကားကဒူႈဘည်ဒီန် အူအီး စီကတူႈဖေးဆဝ်း တကိင် အ်ုန် ယံမ်းဟာဝ်းပွံတ်အခိင်ဒီန် ဆာ်မိုႈအူအီး အခိင်တိုန်းဟိုက်ရောတ် ပဂါင်ဆနံမ်မူစယ် စီယံမ်းဟာဝ်းအောႏ။
ကောန်အီပ်ုန်ဂါရ်ဒီန် အဆာက်ဂါရ် နံင်ဘိူန်းလိူည် (13)ဆန်ုမ်ထာန်နီန် ကာည်းမိုႈအီဂေါည် ခေဲင်လှံင်မူစယ်အောႏ။
ယာမ်မိုႈ ကျံရ်ကိူရ်အာရ် ဆငည်း(5)ဒိူန်မာ် ပလှံင်မူစယ် တပြောဂီတ်ဆီင်ဖျူပေါက်ဒီန် ကောန်အီမာည်း အီဒါခံဝ်မံဝ် အီကောႈဒေဲႈကားအူအီး စီငျားဒေဒူႈကောန်အီပ်ုန် အီဟာဝ်းဝီရ်တရီမ်းဒေင် အီပ်ုန်ဒီန် ကတူႈဟာဝ်းဖေးဆဝ်းဒါင်းအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ပဲန်ကားကဒူႈ
Comment Lists