ဒေင်ဟာဝ်းမူစယ်ကာည်း မိူင်ယူး ပ်ုန်ဘိအူန်းခေဲင်ဘြည်အူဆန်ုမ်လေႈနီန် ဆီုက်ဘြာန်ဂဲမှာန်းရိူန်း ဒါႈဟည်ဘိူန်းဒေဟာဝ်းဝီရ်
11 January 2025
ဒေင်ဟာဝ်းမူစယ်ကာည်း မိူင်ယူး ပ်ုန်ဘိအူန်းခေဲင်ဘြည်အူဆန်ုမ်လေႈနီန် ဆီုက်ဘြာန်ဂဲမှာန်းရိူန်း ဒါႈဟည်ဘိူန်းဒေဟာဝ်းဝီရ်
ဆန်ုမ်2025၊ ကျံရ်အူ ဆငည်း(11)
ဒေင်ဟာဝ်း မူစယ်ကာည်း မိူင်ယူး ပ်ုန်ဘိအူန်းခေဲင်ဘြည်အူဆန်ုမ်လေႈနီန် ဆီုက်ဘြာန်ကာည်း ခြူမ်းဆီုက်ဘြာန်ဆီုက်ရဝ်ဂဲ ခည်မိုႈ ကျံရ်ကိူရ်အာရ် ကျံရ်ဒိုႇဒိူန် ဂဲမှာန်းရိူန်း ဒါႈဟည်ဘိူန်းဒေဟာဝ်းဝီရ်အောႏ။
ဒေင်ဒီန် ကားဘခေဲင်ဂါင် အူကြောင် ဘည်ဟာဝ်းဝီရ် ကတူႈဒေဒဲႈရိူန်း (2)ဆဲန်။ ဖုင်တီုင်တံပ်ဂဲဒီန် ဂဲကဲပ်ဘ္လံမ်တေဲင်ကူန်ရဝ်မာဂါင် ထာန်ပ်ုန်ဘ္လံက်အူန်းကတေဲင်။ ဆာ်ဆဲင်ကယ်အူကြောင် ဟာဝ်းအူလိူဝ်ႈ ကတူႈဒေဒဲႈရိူန်း(5)ဟြေဲင်အောႏ။
ဒေင်ဒီန် အာဝ်မိုႈ ဆီုက်ဘြာန်ဂဲ ဒဲအီဟာဝ်းဝီရ် လီပ်တြား ဂဲမိူဝ်ႈလိူည်ဆငည်းခွါင်းဒဲႈ ဆာ်အယ်ဘယ်ဒေဒဲႈ ထာန်မှာန်းဂဲတရိူန်း စီဘိူန်းခလောႈဟာဝ်း။ ကားတာင်ကူမ်၊ ကားတာင် အိုမ်ပြျံင်စာက်ကာည်း ဒီဆဲကဲနီန်မာ် ဂဲအာဝ်ဘိူန်းမခလောႈဟာဝ်းအောႏ။
အာည်ႇညှံမ်ဇူႈ ဘဝ့်ကီုတ်ဒါင်း (3)ဂဲ တလံပ်တီုက်နာန်း (1027)နီန် ရောတ်ကဇေန်နီန် ဂဲဘိအူန်းဒေင်ဒီန် အခိင်နံင်ဒိုႇ(15)မနေဲတ်မာ် ကတူႈဒေကဝဲန်ဟာဝ်း ဒေင်မူစယ်- အေဲမ်ခြီရ် - နံမ်ဖဲတ်ကာ- မိူင်ယူး လှေင်ဟာဝ်း (4)နြီထာန်နီးအောႏ။
ဒေင်(105) လှာ်က် ဒီတိုန်းလာည်း Con ဒီန် ယာမ်မိုႈ ဆန်ုမ် 2023 ကျံရ် (12) ဆငည်း (14) ဒိူန် ဘံဝ်ကီုတ်ဒါင်း(3)စူမ်း TNLA ၊AA ကာည်း MNDAA ဂဲ ဘယ်ဒေဆီမ်းဟာဝ်းဒိုႇ။ ဘံန်ဟောည်ႇဒီန် ဒေင်မူစယ်ကာည်း (105)လှာ်က် ဆီုက်ဘြာန်ဂဲ ဝီရ်ဘိဟာဝ်းဒေင်ဒီန်အောႏ။
ဆီုက်ဘြာန်ဂဲ အီချှူမ်းဟာဝ်း လှံင်အီဂေါည် ကုင်ဆျှံမ်ကဒါႇ လံပ်ပိူည်ဒိုႇဒိုည်ႇ ပ်ုန်ဘြောင်ချှာင်အူန်းဂဲ ကုင်ခယ် -ကစာပ်မူစယ်နီန် ဂဲဘိအူန်း နံင်ကူမ်ဘူဘိူန်းလီပ်လေႈ၊ ကားအီဘိူန်းဒေခလောႈဟာဝ်းကဲဒီန်မာ် ကတူႈဒေဒဲႈရိူန်း ဘ္လံမ်း စီနံင်ဘိူန်း ခလောႈဟာဝ်းအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်အရာပ်အရာ
Comment Lists