PSLF /TNLA ဂဲ ပ္လေႈဝီရ် တိုအီးပ်ုန်ကဲဟောည်ႇ ဝီရ်ဘြဲဆားဒဲႈအချံင် ကဲအီဒါခံင်မံဝ် (131)အီး
11 January 2025
PSLF /TNLA ဂဲ ပ္လေႈဝီရ် တိုအီးပ်ုန်ကဲဟောည်ႇ ဝီရ်ဘြဲဆားဒဲႈအချံင် ကဲအီဒါခံင်မံဝ် (131)အီး
ဆန်ုမ်2025၊ ကျံရ်အူ ဆငည်း(11)
ကုင်တအာင်း၊ အိူင်အိုမ်ယ်ုရ်၊ ပလှံင်မာဝ်းဓံင်း PSLF /TNLA ဂဲ ပ္လေႈဝီရ် တိုအီးပ်ုန်ကဲဟောည်ႇ ဝီရ်ဘြဲဆားဒဲႈအချံင် ကဲအီဒါခံင်မံဝ် (131)အီးအောႏ။
ယာမ်မိုႈ ကျံရ်အူ ဆငည်း (7)ဒိူန် ဂဲပ္လေႈဝီရ် တိုအီးအီဒါခံင်မံဝ်ကဲဒီန် PSLF/TNLA ဖုင်အီတီုက်ယာႈအရေးခံင်မံဝ်ဂဲ ဘိူန်းဒေတိုည်းဟာဝ်းဂဲ ကုင်တအာင်း ခေဲင်လှံင်။ ဆဲႈဒီန် ကူန်မာမံင်အီးဒိူန် မိုႈတိုးဂဲ ဒေဲႈအာပ်ဟာဝ်းကောန်ဂဲ ဒီဘြဲဆားအချံင်အောႏ။
ဖုင်အီတီုက်ယာႈအရေးခံင်မံဝ်ဂဲ ဘြဲဆားဒဲႈဟာဝ်းအချံင်ကဲ (6)ကျံရ်ကတီးကရီး ။ဘံန်ဟောည်ႇဒီန် နံင်ဝီရ်အာပ်ဟာဝ်းဂဲ ဒီကဆဲင်အီရံပ်ဇီုင်းပ္လိုင်ကာည်း တကူန်မာဂဲအောႏ။
ဂဲအီဒါခံင်မံဝ်ကဲဒီန် လိူဝ်ႈအူ နံင်ဒဲႈတာမ် ဟာဝ်းဘြဲဆားဒဲႈအချံင် (6)ကျံရ် ဆာ်ဂဲဝီရ်ဒါထဲင် ခံင်မံဝ် လိူဝ်ႈအာရ် နံင်တိုန်းဟာဝ်းဒီတံပ်ဆခါန် လှေင်(3)ဆန်ုမ်အောႏ။
ခည်မိုႈ ဆန်ုမ်2024 ကျံရ်ပူရ် ဆငည်း (11) ဒိူန် ပလှံင်အိုမ်ယ်ုရ် PSLF/TNLA ဖုင်တီုက်ယာႈအရေးခံင်မံဝ်ဂဲ တိုန်းဟာဝ်း တိုအီးအီဒါခံင်မံဝ်(50)အီး ဒီဂါင်ဘြဲဆားအချံင် (50)အီးအောႏ။
အာည်ႇညှံမ်ဇူႈ လံပ်တီုက်နာန်း 1027 ခေဲင်ကုင်တအာင်း တိုအီးအီဒါခံင်မံဝ် ဂီုန်းပွံတ်အခည်း ဘံန်ဟောည်ႇဘြောင်ချှာင် PSLF/TNLAဂဲ ရေဲန်ဟာဝ်းဇီုင်းကာန်လံပ်ဒံန်ခြဲတြားဥပဒေ ဘယ်ဒေတိူဝ်ႈလာည်းဟာဝ်းအရေး တေဲင်ဂဲအီကဇိူရ်ႈကယံင်းခံင်မံဝ် ကာည်း အီဒါခံင်မံဝ်အောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်အရေးခံင်မံဝ်
Comment Lists