ပလှံင်နောင်ချေဝ် ရဝ်ဆီဆိုင် ဆီုက်ဘြာန်ဂဲ ဒါ (Fighter) ရောတ်ဒေဲႈပဴင်ဟာဝ်း ပ္လေဘျုင် (2)ပိုင်
04 January 2025
ပလှံင်နောင်ချေဝ် ရဝ်ဆီဆိုင် ဆီုက်ဘြာန်ဂဲ ဒါ (Fighter) ရောတ်ဒေဲႈပဴင်ဟာဝ်း ပ္လေဘျုင် (2)ပိုင်
နောင်ချေဝ်၊ ကျံရ်အူ၊ ဆငည်း (4)
ဆဒါင်ကုင်တအာင်း
ကုင်တအာင်း၊ လှံင်နောင်ချေဝ်၊ ပရဝ်ဆီဆိုင် ဆီုက်ဘြာန်ဂဲ ဒါ (Fighter) ရောတ်ဒေဲႈပဴင်ဟာဝ်း ပ္လေဘျုင် (2)ပိုင်အောႏ။
ခည်မိုႈ ကျံရ်ကိူရ်အာရ် ၊ ဆငည်း(30)၊ ရမှိူဝ်(9)နြီဒိူန် ဆီုက်ဘြာန်ဂဲ ဒါ (Fighter) ရောတ်ဒေဲႈပဴင် ပ္လေဘျုင် တေဲင်ကျောင်စဝ် ရဝ်ဆီဆိုင် ကျောင်စဝ်လံက်လူလှဲဝ်ႏဟာဝ်းဂီုန်းအောႏ။
ယာမ်မိုႈ ကျံရ်အူ၊ ဆငည်း(1) အခိင်ခီညှာဇေဝ်း(1)ဒိူန် ဆီုက်ဘြာန်ဂဲ ဒါပ္လေဒါင်း ပဴင် ကဒါႇ ရဝ်ဆမ္မဆယ် (4)ပိုင်အောႏ။
ပ္လေဒါင်းကဲဒီန် ဇောႈပဒူႈဟာဝ်း တေဲင်ဂါင် တာတီန်လ ကာည်း ယာခီန်ပျိုင်းဂဲ (1)ပိုင်၊ တေဲင်ဂါင် ယာတီန်ခဲင် ကာည်း တာသောင်းလီန်းဂဲ (1)ပိုင်၊ မိုႈဘိုး ခနား ရဝ်ဆမ္မဆယ် ကာည်း ရဝ်ဂန့်ကော် ကဒါႇ ဒေင်ရထားချောင်ဆေင်(1)ပိုင် ကာည်း နှာရိူဝ်ႇဒါႇရဝ်(1)ပိုင်အောႏ။
ဟောည်ႇဒီန် ကျံရ်ကိူရ်အာရ် ဆငည်း(10)ဒိူန်မာ် ဂေါႇဆီုက်ဘြာန်ဂဲ ပဴင်ပ္လေဒါင်း ပ္လေဒါင်းဇောႈပဒူႈ ပရဝ်ဆမ္မဆယ် အမှာတ်(1) ဒီယုင်စာက်ဆောႇငါမ်း (1)ပိုင်၊ တပြောယုင်စာက်(2)ပိုင်၊ လံက်ဟာဝ်းတိုအီးရေဲန်ဇီုင်း ပယုင်စာက်ဆောႇငါမ်း အီမာည်း(2)အီး ကာည်း အီပ်ုန်(1)အီး ကတူႈဖေးဆဝ်းအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ပ္လေဲဝ်အခွါင်းအရေး
Comment Lists