တီုင်ဘြောင်ချှာင်တီုင်ဒံန်ခြဲတြားဥပဒေဂဲ ရေဲန်ဟာဝ်းပ္လေါည်ပ္လိုတ် ဓါင်ပနောခူန် စဲတ်မေန်အမှု လိူဝ်ႈ(2)
28 December 2024
တီုင်ဘြောင်ချှာင်တီုင်ဒံန်ခြဲတြားဥပဒေဂဲ ရေဲန်ဟာဝ်းပ္လေါည်ပ္လိုတ် ဓါင်ပနောခူန် စဲတ်မေန်အမှု လိူဝ်ႈ(2)
ဆန်ုမ်2024၊ ကျံရ် (12) ဆငည်း (28)
ယာမ်မိုႈ ကျံရ်ကိူရ်အာရ် ဆငည်း (26)ဒိူန်း ဒီဘြောင်ချှာင် တံပ်အွံရ်ပ်ုန်လောတ်ကပီုန်တအာင်း PSLF/TNLA ကုင်တအာင်းအူဒီ တီုင်ဒံန်ခြဲတြားဥပဒေဂဲ ရေဲန်ဟာဝ်းပ္လေါည်ပ္လိုတ် ဓါင်ပနောခူန် စဲတ်မေန်အမှု လိူဝ်ႈ(2) အောႏ။
ပ္လေါည်ပ္လိုတ်ဓါင်ပနောဒီန် ဂဲဇူႈအခိင် ခီညှာ (9:30)မနေဲတ် ရောတ် (11)နြီ PSLF/TNLA ကာ်မ်မတီတီုင်ဒါင်းပလိက် ခူန်အွံရ်ဒါင်း တားကုင်ခြီရ် စီတံမ်းကြောႈက္လာင်းဒါႈ” ခေဲင်ကုင်အယ်တအာင်း ခူန်ဂဲအီစဲတ်မေန် အမှု အ်ုန်ဘြေ့ပွံတ်အခည်း ဂေါႇဘည်ဒီန် စီပေန်အမှု လှေင်ဟာဝ်း၊ အီဟြာည်ႇကမာ်ႈမာ်ဂီုန်း၊ ကနာည်နံင်ဘယ်ဒေဇောမ်အမှုကတီးကရီး ဂဲအီဟောည်ႇလေႈဓါင်ပနောခူန်ကဲနီန် နံင်တိုန်းဟာဝ်းဂဲ ကဒါႇတီုင်ဘ္လံက်ချှာင်တြား ဆာ်ဇောမ်အအမှုအူလှေ ဆေချာ/အာဝ်ဆေချာ လိုစဲတ်မေန်အမှု နံင်ဇောႈလ ကတီးကရီးအောႏ။
ဆဲႈဒီန် ပ်ုန်လိုအူန်း၊ ပ်ုန်လိုဝဲႈမာ် လိုနံပ် ဆာ်ပေန်ဒေဲႈအမှုယံမ်းကဲနီန်မာ် လိုလာည်းအူန်း စြာင်း လိုဝီရ်ငိူပ်မေန်စဲတ်ဆေးအူန်းအောႏ။
ခေဲင်ဓါင်ပနောဒီန် ဂဲပနောဟာဝ်း လောင်ဒဲႈတာမ်အီုင်ဂ္လံတ်၊ အမှုအီုင်ဂ္လံတ်ပ်ုန်လူည်ႇဥပဒေထုင်၊ ခေါြပာႇဘည်ပ်ုန်လိုဇောမ်ပလိက်၊ လောင်တာမ်ဆံက်ဆေဥပဒေ၊ ဘည်နံင်ဟြာင်းကနံဝ်းတိုး ကာည်း ပုင်စာမ်ဘည်နံင်ကိင်ဟံပ်၊ ပံပ်ဘေဲႇစဲတ်အမှု၊ ဘည်နံင်ထုက်ပြံတ်လေႈ ပ်ုန်ဆဖောတိုအီးဂီုန်း၊ ဘည်ဒံန်ခြဲလှံင်၊ လောင်ပိင်ငျာအမှုအီယံမ်း ဖာဆာတောန်နဲကဲနီန် တားဆြာအီဆမားဂဲ မိုႈအီပနောဒဲႈဟာဝ်းအောႏ။
ခေဲင်ဓါင်ပနောဒီန် ဂဲပနောလှေင်ဟာဝ်း ခေဲင် (2)ကျံရ် ကောန်ကျောင်ကဲအီဟိုက် ဂေါည် (30)အီး၊ ဂေါႇမိုႈမိူဝ်ႈဒေဲႈလောင်ပ်ုန်ဘာည်းတောန်မျို စီပဲန်လိူည် ကောန်ကျောင် အီဘယ်ဒေဟိုက်အံင်ဟာဝ်း ဂေါည်လိူည် (25)အီးအောႏ။
ဓါင်ပနောဒီန် PSLF/TNLA ခူန်အွံရ်ဒါင်း တားကုင်ခြီရ်၊ ခူန်အွံရ် တားရူစိင်၊ ခူန်အွံရ် တားလှာညိူဝ်း ၊ ခူန်၊ ဓါင်ခူန်အယ်ဂဲ ၊ ကူန်ရဝ်မာဂါင် ကာည်း ကောန်ကျောင် ကစုကပိုမ် ဂေါည်(100)အီးလေႈ ဟိုက်ရောတ်ဒေဲႈအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ခူန်စဲတ်မေန်အမှု
Comment Lists