လှံင်မိုဂူႈ ပရဝ်(7)မဲင် ဂါင်(1)ဂါင်ဒီန် ကတူႈအီလီပ်စိုန်
25 December 2024
လှံင်မိုဂူႈ ပရဝ်(7)မဲင် ဂါင်(1)ဂါင်ဒီန် ကတူႈအီလီပ်စိုန်
ဆန်ုမ်2024၊ ကျံရ် (11) ဆငည်း (25)
ကုင်တအာင်း၊ အိူင်အိုမ်ယ်ုရ်၊ လှံင်မိုဂူႈ ပရဝ်(7)မဲင်ဒီန်ဂါင်အူဂါင် ကတူႈအီလီပ်စိုန်ဟာဝ်းအောႏ။
ယာမ်မိုႈ ကျံရ်ကိူရ်အူ ဆငည်း (19)ဒိူန်း တိုအီး ပ်ုန်အာဝ်နံပ် (2)အီး ဂဲကိုင်ဆနာတ်ဘိုတ် အူအီးအူလံဝ်း ရဝ်(7)မဲင် ဂဲလီပ်စိုန် ခေဲင်ဂါင်အူဂါင် ကဲတိူဝ်ႈဟာဝ်း ဂြိုခြီုင်ရိူန်းခြီရ်ကညားဂါင်အောႏ။
ကောန်အီမာည်း(2)အီးဒီန် အူအီးစီဒါဂြို အီခနှေတဂြိုဆီုက် အူအီး စီဒါလိူည်ဂြိုအယာတ်။ ဆာ်မိုႈအီမာည်းအီဒါဂြိုဆီုက်ဒီန် PSLF/TNLA ဖုင်ဒံန်ခြဲတြားဥပဒေဂဲ ဆိင်ဒီစဲတ်ဆေးဟာဝ်း ဒါႈမိုႈ ဖုင်အဆေအောႏ။
ဂါင်အီကတူႈစိုန်ဒီန် အ်ုန်မိုႈဂါင် တာဂျဲတ်ဂဲတ်ဗလာဒူး ဂဲတိူဝ်ႈဟာဝ်း ခြီရ် (20)ကျံပ်၊ ဆိကနူးရိူန်း(5)ကွင်း၊ ဆဲင်(မို) (2)ပိုင်း၊ ပ္လေအီတောပို(1)လှေ၊ ပ္လေခြီရ် (1)လှေ၊ ဆိကနူးအီတောပ္လေဆဲင်အာရ်ပိုင်း (1)စူင်၊ ဆဲင် (1)ထုက်၊ ဝှိုင်အူပိုင်းကာည်း ဆဲင်ကယ် အူကြောင်အောႏ။
တံပ်အွံရ်ပ်ုန်လောတ်ကပီုန်တအာင်း PSLF/TNLA ဖုင်ဒံန်ခြဲတြားဥပဒေ လှံင်မိုဂူႈဂဲ နံင်စဲတ်ဆေးဟာဝ်း လောင်အီစိုန်အီဘြားကဲနီန် အဆေမိုႈအီလူည်ႇခေါပြာႇအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ကတူႈအီလီပ်စိုန်ဂါင်
Comment Lists