ခေဲင်အူကျံရ်နီန် PSLF/TNLA တီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ လေႈဒေင်လံပ်တခါရ် ဟာဝ်းဒဲႈဓါင်ပနောလောင်ပိင်ငျာ ခေဲင်ရဝ် (9)ရဝ်
04 December 2024
ခေဲင်အူကျံရ်နီန် PSLF/TNLA တီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ လေႈဒေင်လံပ်တခါရ် ဟာဝ်းဒဲႈဓါင်ပနောလောင်ပိင်ငျာ ခေဲင်ရဝ် (9)ရဝ်
ကုင်တအာင်း ၊ ကျံရ်(11) ဆငည်း (4)
ခေဲင်ကျံရ်အူကိူရ်နီန် တံပ်အွံရ်ပ်ုန်လောတ်ကပီုန်တအာင်း PSLF/TNLA တီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ လေႈဒေင်လံပ်တခေါရ် ဟာဝ်းဒဲႈဓါင်ပနော လောင်ပိင်ငျာ တကူန်ရဝ်မာဂါင် ခေဲင်ရဝ်(9)ရဝ်အောႏ။
အီရံပ်ဇီုင်းပ္လိူင်ဂဲ လေႈဒေင်လံပ်တခေါရ် ဒဲႈဟာဝ်းပိင်ငျာ တကူန်ရဝ်မာဂါင် ခေဲင်လှံင်အိုမ်ယ်ုရ်၊ လှံင်အိုမ်ငျံရ် ၊ လှံင်ရူကော ကာည်း လှံင်မိူင်ငှေါ ခေဲင်လှံင်(4)လှံင် ရဝ်(9)ရဝ် ဒဲႈဟာဝ်းဓါင်ပနော လောင်ပိင်ငျာကောန်အီပ်ုန်၊ လောင်ပိင်ငျာလူည်တိုပိုင်းကောန်အီပ်ုန်၊ ဘည်ကောန်အီပ်ုန်ပျော်တခိူည်းတောပ်ဘဝ်ရဟောမ်ရမာ၊ ခေါခါႇလောင်ပိင်ငျာကောန်အီပ်ုန် ၊ ကောန်အီပ်ုန် ကာည်း အရေးခံင်မဝ်း ၊ ဘည်ကောန်အီပ်ုန် အဆာက်ညှံမ်နိုက် တိူဝ်ႈရဟောမ်ရမာ ဒဲႈဟာဝ်းပိင်ငျာလောင်ကဲဒီန်အောႏ။
ဆာ်မို; အီရံပ်ဇီုင်းပ္လိူင်ဂဲ လေႈဒေင်လံပ်တခေါရ် ဒဲႈဟာဝ်းပိင်ငျာ ပလှံင်အိုမ်ယ်ုရ် ရဝ်(5)ရဝ် ၊ လှံင်အိုမ်ငျံရ် ခေဲင်ရဝ် (2)ရဝ် ကာည်း ပလှံင်မိူင်ငှေါ ရဝ်(2)ရဝ်နီန် ကူန်ရဝ်မာဂါင်ဂေါည် (389)အီးဟိုက်ရောတ်ဒေဲ;အောႏ။
ဘည်အနေ PSLF/TNLAတီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ ရေဲန်ဟာဝ်းဇီုင်းကာန် ခေဲင်ကုင်တအာင်း ကနာည်ဇီုင်းကာန်အီလီလာနာဘားတေဲင်ကောန်ပ်ုန် နံင်ယောမ်ဒေဲႈ၊ နံင်ဖီုက်လျှံင်ပိင်ငျာကောန်အီပ်ုန်၊ ဇီုင်းကာန်ဆာ်ဟိုနောႈဖိူမ်၊ ပျဆနာခေဲင်ဂါင် ကာည်း ဇီုင်းကာန်ဘည်လီပ်ရိူရ်းနံင်ကပါ်ႇကပံန်ဟာဝ်းအောႏ။
ဟောည်,မို; ကျံရ်(11) ပလှံင်အိုမ်ယ်ုရ်၊ လှံင်အိုမ်ငျံရ် လှံင်ရူကော ကာည်း ပလှံင်မိူင်ငှေါ ခေဲင်လှံင် (4)လှံင် ရဝ် (30)ရဝ် လေႈဒေင်လံပ်တခေါရ် ဒဲႈဟာဝ်းပိင်ငျာအောႏ။
#PSLF/TNLA
#တီုင်ပ္လေႈလေႈဆဒါင် #ဆဒါင်အရာပ်အရာ
Comment Lists