ခေဲင်ကျံရ်ကိူရ်အူ တီုင်တံပ်ဆီုက်ဘြာန်ဂဲ ဒါ ထာမီန် ကာည်း ပ္လေဘျုင်ရောတ်ဒေဲ;ပဲင် ခေဲင်ကုင်တအာင်း လံက်ဟာဝ်း တိုအီးရဝ် (38)အီးယံမ်း (70)အီးကတူ;ဖေးဆဝ်း ဂါင်(130)ဂါင်လူလှဲဝ်;
03 December 2024
ခေဲင်ကျံရ်ကိူရ်အူ တီုင်တံပ်ဆီုက်ဘြာန်ဂဲ ဒါ ထာမီန် ကာည်း ပ္လေဘျုင်ရောတ်ဒေဲ;ပဲင် ခေဲင်ကုင်တအာင်း လံက်ဟာဝ်း တိုအီးရဝ် (38)အီးယံမ်း (70)အီးကတူ;ဖေးဆဝ်း ဂါင်(130)ဂါင်လူလှဲဝ်;
ကုင်တအာင်း ၊ ကျံရ်(12) ဆငည်း (3)
ကုင်တအာင်း၊ ခေဲင်ကျံရ်ကိူရ်အူ တီုင်တံပ်ဆီုက်ဘြာန်ဂဲ ဒါ ထာမီန် ကာည်း ပ္လေဘျုင်ရောတ်ဒေဲ;ပဲင် ခေဲင်ကုင်တအာင်း လံက်ဟာဝ်း တိုအီးရဝ် (38)အီးယံမ်း၊ (70)အီးကတူ;ဖေးဆဝ်း ဂါင်(130)ဂါင်လူလှဲဝ်;အောႏ။
ပလှံင်နောင်ချေဲဝ်မာ် တီုင်တံပ်ဆီုက်ဘြာန်ဂဲ ဒါ ဂျဲက်ဖ်ုက်တာ ကာည်း ပ္လေဘျုင် လီလာပဲင် စီလံက်ဟာဝ်း တိုအီးရဝ်(16)အီးယံမ်း စဝ်ဆာင်(2)ပါး ကာည်း တိုအီးရဝ် (25)အီးကတူ;ဖေးဆဝ်း၊ တောပ်ဘိုး ဂါင်(57)ဂါင် ကာည်း ကား(8)ကြောင် လူလှဲဝ်;ဟာဝ်းအောႏ။
ပလှံင်မိုဂူ; လံပ်လေ;ဆငည်း ကာည်း လံပ်ပိူည်ဆငည်း ဆီုက်ဘြာန်ဂဲ ဒါဂျဲက်ဖ်ုက်တာ ကာည်း ပ္လေဘျုင် ရောတ်ဒေဲ;ပဲင် လံက်ဟာဝ်း တိုအီးရဝ် (9)အီးယံမ်း ကောန်ဒဲ့ (1)အီး ကာည်း တိုအီးရဝ်(13)အီး ကတူ;ဖေးဆဝ်း ဂါင်(10)ဂါင်လူလှဲဝ်;ဟာဝ်းအောႏ။
ယာမ်မို; ပလှံင်မိူင်းငှေါ ဇံင်မံန်လို ဆီုက်ဘြာန်ဂဲ ဒါထာန်ဇံန် (300)ပိုင် ရောတ်ဒေဲ;ပဲင် စီလံက်ဟာဝ်း တိုအီးရဝ်(5)အီးကတူ;ဖေးဆဝ်း ဂါင်ကူန်ရဝ်မာဂါင်(22)ဂါင် လူလှဲဝ်;ဟာဝ်းအောႏ။
ဆဲ;ဒီန် ပလှံင်အေဲမ်ကိုက် ဇံင်(4) တီုင်တံပ်ဆီုက်ဘြာန်ဂဲ ဒါဂျဲက်ဖ်ုက်တာ ကာည်း ပ္လေဘျုင် ရောတ်ဒေဲ;ပဲင် လံက်ဟာဝ်း (3)အီးယံမ်း ကာည်း ကောန်ဒဲ့(7)အီးကတူဖေးဆဝ်း တောပ်ဘိုး ဂါင်(16)ဂါင် လူလှဲဝ်;ဟာဝ်းအောႏ။
မို;ဘို ကျံရ်ကိူရ်အူ ဆငည်း(30)ဒိူန် အခိင်စူမ်အံပ်(6:35)မီနဲတ် ပလှံင်မာဝ်းဝံင်း အန်ကျင်းတာင် ဆီုက်ဘြာန်ဂဲ ဒါထာမီန် ကာည်း ထာန်ဇံန် (500)ပိုင် ရောတ်ဒေဲ;ပဲင် စီလံက်ဟာဝ်း တိုအီးရဝ်(10)အီးယံမ်း၊ (20)အီးကတူ;ဖေးဆဝ်း ဂါင်(25)ဂါင်လူလှဲဝ်;ဟာဝ်းအောႏ။
ဆီုက်ဘြာန်းဂဲ ဒါထမီန် ကယေင်ပဲင်လိူည် ဒီဂေါည်ကူန်ရဝ်မာဂါင်ဂဲတောန်ဆငည်း ဂေါ,ဆီုက်ဘြာန်ဂဲ လီလာပဲင်ပ္လေဒါင်းဘည်ဒီန် လံက်ဟာဝ်း တိုအီးရဝ်မာ်ယံမ်းဂီုန်း တောပ်ဘိုး ကား ဂါင်ဆနံမ် လူလှဲဝ်;ဟာဝ်းအောႏ။
#PSLF/TNLA
#တီုင်ပ္လေႈလေႈဆဒါင် #ဆဒါင်ပ္လေဲဝ်အခွါင်းအရေး
Comment Lists