ပလှံင်အိုမ်ငျံရ် ဇံင်ဘော်တွင်း ငံရ်အီကီုတ်ခေဲင်ဆောင်ဓှည်းဒိူန် ဇူ;ပဲန်ငံရ်ကဆူမ်ဟာဝ်း ဂါင်(1)ဂါင်
03 December 2024
ပလှံင်အိုမ်ငျံရ် ဇံင်ဘော်တွင်း ငံရ်အီကီုတ်ခေဲင်ဆောင်ဓှည်းဒိူန် ဇူ;ပဲန်ငံရ်ကဆူမ်ဟာဝ်း ဂါင်(1)ဂါင်
ကုင်တအာင်း ၊ ကျံရ်(12) ဆငည်း (3)
ကုင်တအာင်း ၊ အိူင်မာန်အာ်မ် ကျံရ်(12)၊ဆငည်း(1) အခိင်ခီညှာဇဝ်း(2:30)မနေဲတ်ဒိူန် ပလှံင်အိုမ်ငျံရ် ဇံင်ဘော်တွင်း ငံရ်အီကီုတ်ခေဲင်ဆောင်ဓှည်းဒိူန် ဇူ;ပဲန်ငံရ်ကဆူမ်ဟာဝ်း ဂါင်(1)ဂါင်အောႏ။
ငံရ်ကဆူမ်းဟာဝ်းဂါင်ဒီန်မာ် ရဟောမ်ရမာဂဲဂေါည်(3)မာ ဂေါည်ကစုလိုည်ခေဲင်ဂါင်ဒီန် ငံရ်ဇူ;ဒေကဆူမ် ကဒါ,ဒီဂေါည် တားစွန်ယုံအောႏ။
အီဂေါည် ရဟောမ်ရမာ(3)မာဒီန် ဂေါ,ပဲန်ငံရ်ကဆူမ် ဂြိုခြီုင်အီဂေါည်ခေဲင်ဂါင်ဒီမာ်ချှူမ်ဟာဝ်း ကစုကပိုမ်ဂြိုပ်ုန်ချှူမ်ဟာဝ်း ခေဲင်ဂါင်ဒီန် ဂေါည်ငေါ;ခံန်ရိူန်း ဆဲန်(60)လေ;ထာန်နီန်အောႏ။
တံပ်အွံရ်ပ်ုန်လောတ်ကပီုန်တအာင်းPSLF/TNLA ဖုင်အီးပျံတ်ငံရ်ဂဲ ကာည်း တိုအီးကုမ္ပဏီအီးပျံတ်ငံရ်ဂဲ ကဇောည်ဒေပျံတ်ဟာဝ်းငံရ်ဒီန်အောႏ။
ယာမ်မို; ကျံရ်(5) ဆငည်း(18)ဒိူန် ပလှံင်အိုမ်ငျံရ် ရဝ်ဟိုက်တာင် စီပဲန်ငံရ်ကဆူမ်းဟာဝ်း ခေဲင်ဒီန် တောပ်ကောန်ဒဲ့(2)အီး တိုအီးရဝ် ကစုကပိုမ်(3)အီးယံမ်းဟာဝ်းပွံတ်အောႏ။
#PSLF/TNLA
#တီုင်ပ္လေႈလေႈဆဒါင် #ပဲန်ငံရ်ကဆူမ်ဟာဝ်းဂါင်
Comment Lists