ပလှံင်မာဝ်းဓံင်း ဂေါ,ဆီုက်ဘြာန်ဂဲ ဒါဂျဲက်ဖ်ုက်တာ ကာည်း ပ္လေဘျုင် ရောတ်ဒေဲ;ပဲင် စီလံက်ဟာဝ်း တိုအီးရဝ်(10)အီးယံမ်း၊ (20)အီးကတူ;ဖေးဆဝ်း
02 December 2024
ပလှံင်မာဝ်းဓံင်း ဂေါ,ဆီုက်ဘြာန်ဂဲ ဒါဂျဲက်ဖ်ုက်တာ ကာည်း ပ္လေဘျုင် ရောတ်ဒေဲ;ပဲင် စီလံက်ဟာဝ်း တိုအီးရဝ်(10)အီးယံမ်း၊ (20)အီးကတူ;ဖေးဆဝ်း
ကုင်တအာင်း ၊ ကျံရ်(12) ဆငည်း (2)
ကုင်တအာင်း ၊ အိူင်အိုမ်ယ်ုရ်၊ ပလှံင်မာဝ်းဓံင်း ဂေါ,ဆီုက်ဘြာန်ဂဲ ဒါဂျဲက်ဖ်ုက်တာ ကာည်း ပ္လေဘျုင် ရောတ်ဒေဲ;ပဲင် စီလံက်ဟာဝ်း တိုအီးရဝ်(10)အီးယံမ်း (20)အီးကတူ;ဖေးဆဝ်း လံက်ဟာဝ်းဘိုးဂါင်(25)ဂါင် လူလှဲဝ်;ဟာဝ်းအောႏ။
ကျံရ်(11)၊ ဆငည်း(30) အခိင် စူန်အံပ်(6:30)မနေတ်ဒိူန် ဂေါ,ပ္လေဒါင်းပဲင်ဆီုက်ဘြာန်ဂဲ (2)ပိုင် ကာည်း ထာန်ဇံန်(500)(1)ပိုင် စီဇော;ပဒူ; ခေဲင်လှံင်မာဝ်းဓံင်း ဇံင်အင်ကျင်းတာင် လံက်ဟာဝ်း တိုအီးရဝ်(10)အီးယံမ်း (20)အီးကတူ;ဖေးဆဝ်း ဂဲအီးကတူ;ဖေးဆဝ်းဒီန်မာ် တိုန်းဟိုက်ပယုင်ဆနံမ်၊ ဆာမို;တိုယံမ်းတိုအီးရဝ်ဂဲမာ် တီပ်ဟြီုက်ဟာဝ်းအူန်အောႏ။
တံပ်အွံရ်ပ်ုန်လောတ်ကပီုန်တအာင်းPSLF/TNLAဂဲ ဘည်ရိူရ်;လေ;ပ္လါ,ဘေဲ, ချှံန်တံန်းကမိုန် ကနာည်နံင်ပယောမ်တီုတ်နာန်းဘည်ဒီန်မာ် ဆီုက်ဘြာန်ဂဲ ဂေါည်ဂေါည်ကယေင်ပဲင်လိုည် ဒီဂေါည်ကူန်ရဝ်မာဂါင်ဂဲ တောန်ဆငည်း ဒါပ္လေဘျုင် ကာည်း ပ္လေထာန်ဇံန်(500)ပိုင် ရောတ်ဒေဲ;ပဲင်ဟာဝ်းပလှံင်မာဝ်းဓံင်းအောႏ။
ခေဲင်ကျံရ်(11)နီန် ပလှံင်နောင်ချေဲဝ်မာ် တီုင်တံပ်ဆီုက်ဘြာန်ဂဲ ဒါထမီန် ကယေင်ပဲင်လိူည် ဒီဂေါည်ကူန်ရဝ်မာဂါင်ဂဲ ဂေါ,ဆီုက်ဘြာန်ဂဲ လီလာပဲင်ပ္လေဒါင်းဘည်ဒီန် လံက်ဟာဝ်း တိုအီးရဝ်(18)အီးယံမ်း၊ (34)အီးကတူ;ဖေးဆဝ်း တောပ်ဘိုး ဂါင်မာ် လူလှဲဝ်;ဟာဝ်းဂီုန်းအောႏ။
#PSLF/TNLA
#တီုင်ပ္လေႈလေႈဆဒါင် #ဆဒါင်ပ္လေဲဝ်အခွါင်းအရေး
Comment Lists