ခေဲင်ကျံရ်ကိူရ်အူနီန် ဖုင်TLTAဂဲ ဘယ်ဒေဝိူဝ်ႈဟာဝ်း ဓါင်ပနောဘေဲႇလူမ်တအာင်း လှံင်(2)လှံင်ကုင်တအာင်း ၊
30 November 2024
ခေဲင်ကျံရ်ကိူရ်အူနီန် ဖုင်TLTAဂဲ ဘယ်ဒေဝိူဝ်ႈဟာဝ်း ဓါင်ပနောဘေဲႇလူမ်တအာင်း လှံင်(2)လှံင်ကုင်တအာင်း ၊
ဆန်ုမ်2024၊ ကျံရ်(11) ဆငည်း (30)
ကုင်တအာင်း၊ ခေဲင်ကျံရ်ကိူရ်အူနီန် ဖုင်(Ta'ang Literature Association-TLA) ဂဲ ဘယ်ဒေဝိူဝ်ႈဟာဝ်း ဓါင်ပနောဘေဲႇလူမ်တအာင်း လှံင်(2)လှံင်အောႏ။
ဓါင်ပနောဘေဲႇလူမ်တအာင်းဒီန် ဂဲဝိူဝ်ႈဟာဝ်း ခေဲင်လှံင်ရူကော ရဝ်မာန်စာက် ကာည်း လှံင်အေဲမ်ကိုက် ရဝ်နံမ်ဖဲတ်ကာ ဒီအာရ်ဒီနီန် ဂဲဝိူဝ်ႈလှေင်ဟာဝ်း အူကျံရ်လေႈအောႏ။ဘေဲႇလူမ်တအာင်းနီန် တားဆြာ/ယားဆြာ (4)အီး ပနောဒဲႈဘေဲႇနံင်ကံပ်ဇောႈလကတီးကရီး ခေဲင်ရဝ်ကဲဒီန် စဝ်ဆာင်ခါ (37)ပါး၊ ကောန်အီမာည်း (20)အီး၊ ကောန်အီပ်ုန် (51)အီး ကစုကပိုမ်ဂေါည် (108)အီး ဟိုက်ဟောည်ႇဟာဝ်း ဓါင်ပနောအောႏ။
ခေဲင်င်ရဝ် ကောန်တဘိုက် ကာည်းကောန်ကျောင်အီဟောည်ႇအံင် ဘေဲႇလူမ်တအာင်း ခေဲင်အူကျံရ်လေႈနီန် ဖုင်ဘေဲႇတအာင်းဂဲ အာပ်ဒဲႈဟာဝ်းပ္လါႇဘေဲႇ(Certificate) လှူပ်ဂုင်တဂဲအီအံင်ဘေဲႇတအာင်းအောႏ။
ပ်ုန်ကယေင်ဒေဝိူဝ်ႈဟာဝ်း ႎါင်ပနောဘေဲႇလူမ်တအာင်းနီးမိုႈ နံင်ဘေဲႇလူမ်အယ် ကတာရ်ႈဒါင်းဇာရ်၊ ဘည်မိုႈခြိူဝ်းႎံရ်ခြိူဝ်းတအာင်း ပိုင်းကြောႈ အီကနှေရ်၊ နံင်တောန်တီုင်ဌာန ဘိူန်းလီပ်ပနော လောင်ပိင်ငျာဘေဲႇတအာင်း၊ ကြောႈကူန်တာမာယာ နံင်အာဝ်ဟြာည်ႇကမာ်ႈ နံင်ဌာနဖုင်ကောန်အီပ်ုန်တအာင်း ကာည်း တိုအီးလူမ်ဂဲ ဘယ်ဒေဒါဘေဲႇလူမ်၊ နံင်ကံပ်ဘယ်ဒေရိူရ်ႈလေႈမဂ္ဂဆီန် ပံပ်ဘေဲႇ ဘေဲႇလူမ်တအာင်း၊ ခေဲင်ကျောင်ပိင်ငျာခြိူဝ်းတအာင်း ကနာည်နံင်ဘယ်ဒေပြိူဝ်ႈပျိူဝ်ႈလေႈ တားဆြာ/ယားဆြာ အီနံင်ပနောဖာဆာဘေဲႇလူမ်တအာင်းတောန်နဲ အောႏ။
ယာမ်မိုႈ ကျံရ်အူကိူရ်ဒိူန်း ဖုင်(TLA)ဂဲ ဘယ်ဒေဝိူဝ်ႈဟာဝ်း ႎါင်ပနောဘေဲႇလူမ်တအာင်းနီန် လှံင်အိုမ်ငျံရ်၊အိုမ်ငူည်း ကာည်း လှံင်မိူင်စီး ခေဲင်ရဝ်ကာည်း ဇံင်ဒီ(3)ဒီနီန် ကောန်ကျောင် ကပိုမ်ဂေါည် (109)အီး ဟောည်ႇဟာဝ်း ႎါင်ပနောအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists