PSLF/TNLA ဖုင်တီုင်အိုမ်ဘြည်ကတာည်းဂဲ ရေဲန်ဟာဝ်းပါင်ကမိုန် လောင်မူဝါဒကတာည်း ကာည်း ဇီုင်းကာန်ပ်ုန်နံင်ရေဲန်ဟာဝ်းရအာည်ႇ
29 November 2024
PSLF/TNLA ဖုင်တီုင်အိုမ်ဘြည်ကတာည်းဂဲ ရေဲန်ဟာဝ်းပါင်ကမိုန် လောင်မူဝါဒကတာည်း ကာည်း ဇီုင်းကာန်ပ်ုန်နံင်ရေဲန်ဟာဝ်းရအာည်ႇ
ဆန်ုမ်2024၊ ကျံရ်(11) ဆငည်း (29)
ဒီအိုမ်ဘြည်တအာင်းအူဒီ တံပ်အွံရ်ပ်ုန်လောတ်ကပီုန်တအာင်း PSLF/TNLA ဖုင်အိုမ်ဘြည်ကတာည်းဂဲ ရေဲန်ဟာဝ်းပါင်ကမိုန် လောင်မူဝါဒကတာည်း ကာည်း ဇီုင်းကာန်ပ်ုန်နံင်ရေဲန်ဟာဝ်းရအာည်ႇ ကဲရေဲန်လှေင် (2)ဆငည်းကတီးကရီးအောႏ။
ခေဲင်ပါင်ကမိုန်ဒီန် PSLF/TNLA တားဒါင်းအယ်ဂဲ တားချှာင်ဇီုင်းကာန်တောန်နဲ ခူန်ချု တားဘုင်စော် ဂေါပ်တားချှာင်ဇီုင်းကာန်တောန်နဲ(1) ခူန်အွံရ်ချု တားအိုမ်တမာဝ်း၊ တားတီုင်ဒါင်းဘြောင်ချှာင် ခူန်အွံရ်ချု တားဂူႈဇာရ်၊ ဂေါပ်တားချှာင်ဇီုင်းကာန်တောန်နဲ (2) ခူန်အွံရ်ဒါင်း တားပါင်လ ကာည်း ဖုင်တိုအီးအယာတ်၊ ဖုင်လူမ်အီရံပ်စြာင်းကတာည်း အီလီပ် CDM၊ ဖုင်လူမ်အိုမ်ဘြည်ကတာည်းဂဲ ကစုကပိုမ် ဂေါည်(50)အီး ဟိုက်ရောတ်ဒေဲႈအောႏ။
ခေဲင်ပါင်ကမိုန်နီန် အီမိုႈ တားတီုင်အိုမ်ဘြည်ကတာည်း ခူန်နာန်းဒါင်း အေဲမ်ချိုက့် ကာည်း ခူန်နာန်း ဆိုရ်ဘြည်ဂဲ ဒီရ်ႈဟာဝ်း ပ္လါႇဘေဲႇ လောင်ပျဆာနာကတာည်း၊ လောင်မူဝါဒကတာည်း ကာည်း ဇီုင်းကာန်ပ်ုန်နံင်ရေဲန်ဟာဝ်းရအာည်ႇအောႏ။
ခေဲင်ပါင်ကမိုန်ဒီန် PSLF/TNLA တားချှာင်ဇီုင်းကာန်တောန်နဲ ခူန်ချု တားဘုင်စော် စီက္လာင်းဟာဝ်းကြောႈတံမ်းဒါႈ” ကတာည်းပ်ုန်ဆဲင်ကူန်တာမာယာ၊ ကတာည်းနှား(ဂီုင်)၊ ဆာပေန်ဒေဲႈ ပျဆာနာ လောင်အိုမ်ဘြည်ကတာည်း အီဂေါည်ခေဲင်ကုင်တအာင်းအယ် လိုဆာင်လာင်းတောပ်ဘည်ဥပဒေ နံင်ခနှေး ကာည်း လိုကျိုးကျားရေဲန်ဟာဝ်း ဇီုင်းကာန်အိုမ်ဘြည်ကတာည်းပ်ုန်ထိင်ခြဲအောႏ။
ဆဲႈဒီန် ပ္လါႇဘေဲႇပ်ုန်ဟြာင်းဟာဝ်း ဖုင်တီုင်အိုမ်ဘြည်ကတာည်းဂဲ လောင်မူဝါဒ ကာည်း ဇီုင်းကာန်ဟာဝ်းရအာည်ႇကဲနီန် အီမိုႈ လူမ်တောန်တီုင်ဌာန၊ ဖုင် CSO ကာည်း အိုမ်ဘြည်ကတာည်းကုင်မျံမ်မာ တိုအီး CDM ဂဲဖုင်ကဲနီန် ဝီရ်ကမိုန်ဟာဝ်း ပ်ုန်လို ကာည်း ကဲတာင်ပျဟာဝ်းပ်ုန်ကမိုန် ကဲဝီရ်ကဘ္လာင်းဆာင်လာင်းဟာဝ်း ခေဲင်ပါင်ကမိုန်အောႏ။
ကဲကမိုန်ဟာဝ်း ကတာည်းလူမ်တောန်ဌာန ပ်ုန်ဘိူန်းဒေဆီမ်း ခေဲင်လံပ်တီုက်နာန်း 1027၊ ကတာည်းပ်ုန်ဆီမ်းအူန်း တားဒါင်းဆီုက်ဘြာန်ဂဲ၊ စူမ်ဖုင်ကာည်း ကတာည်းပ်ုန်ဆဲင်ကုမ္မဏီ၊ ကတာည်းကစာပ်ကုင်ကာည်း ကတာည်းအီကမှာတ်ကစိင်၊ ကတာည်းပ်ုန်ခါတ် ကာည်း ဘည်ပျဆာနာအီတာင်ပဲန်ဒေဲႈ လောင်ကတာည်းအီကဇိူရ်ႈကယံင်းကဲနီန်အောႏ။
ခေဲင်ဘြည်(2)ဆငည်းနီန် ပါင်ကမိုန်ပ်ုန်ရေဲန်ဟာဝ်း လူမ်တီုင်အိုမ်ဘြည်ကတာည်းဂဲ ဇီုင်းကာန်ဟာဝ်းရအာည်ႇ ဂဲဘယ်ဒေဘ္လံက်ဆဘောဟာဝ်း အချာက်(4) ချာက်ကာည်း ဘယ်ဒေဘ္လံက်ချ ပ်ုန်နံင်ဘြဲဆား လောင်မူဝါဒကတာည်း(11)ချာက် အောႏ။
#PSLF/TNLA
#တီုင်ပ္လေႈလေႈဆဒါင် #ဆဒါင်အရာပ်အရာ
Comment Lists