ပလှံင်အေဲမ်ကိုက် ဆီုက်ဘြာန်ဂဲ ဒါ ဂျဲက်ဖ်ုက်တာ ရောတ်ဒေဲႈပဴင် ပ္လေဘျုင် စီလံက်ဟာဝ်း တိုအီးရဝ် (3)အီးယံမ်း ခေဲင်ဒီန်အ်ုန်တောပ် ကောန်ဒဲႇ အူအီး၊ (13)အီးကတူႈဖေးဆဝ်
19 November 2024
ပလှံင်အေဲမ်ကိုက် ဆီုက်ဘြာန်ဂဲ ဒါ ဂျဲက်ဖ်ုက်တာ ရောတ်ဒေဲႈပဴင် ပ္လေဘျုင် စီလံက်ဟာဝ်း တိုအီးရဝ် (3)အီးယံမ်း ခေဲင်ဒီန်အ်ုန်တောပ် ကောန်ဒဲႇ အူအီး၊ (13)အီးကတူႈဖေးဆဝ်း
ဆန်ုမ်2024၊ ကျံရ်(11) ဆငည်း (19)
ကုင်တအာင်၊ အိူင်အိုမ်ခြိုင် ၊ ခေဲင်လှံင်အေဲမ်ကိုက် ပဇံင်(4)ဒီန် ဆီုက်ဘြာန်ဂဲ ဒါ ဂျဲက်ဖ်ုက်တာ ရောတ်ဒေဲႈပဴင် ပ္လေဘျုင် စီပဒူႈလံက်ဟာဝ်း တိုအီးရဝ် (3)အီးယံမ်း ခေဲင်ဒီန်အ်ုန်တောပ် ကောန်ဒဲႇ အူအီး၊ (13)အီးကတူႈဖေးဆဝ်း အောႏ။
ခည်မိုႈ ကျံရ်(11)ဆငည်း (17) အခိင်ရမှိူဝ်း(11:47)မီနေဲတ်ဒိူန်း ဂေါႇဆီုက်ဘြာန်ဂဲ ပဴင်ပ္လေဘျုင်ဘည်ဒီန် စီပဒူႈလံက်ဟာဝ်း ကောန်ဒဲႇ (1)အီး ကာည်း ကောန်အီပ်ုန် (2)အီးယံမ်းဟာဝ်းပွံတ်၊၊ ဆဲႈဒီန် ကောန်အီမာည်း (7)အီး၊ ကောန်အီပ်ုန် (6)အီး ညားဆိက်ပ္လေလံက် ကတူႈဟာဝ်းဖေးဆဝ်း တောပ်ဘိုး ဂါင်(8)ဂါင်မာ် လူလှဲဝ်;အောႏ။
ကျံရ်(11)ဆငည်း (17)ဒိူန်း ခေဲင်လှံင်ကုင်ငှေါ ဆီုက်ဘြာန်ဂဲ ဒါဂျဲက်ဖ်ုက်တာ ရောတ်ဒေဲႈပဴင် ပ္လေဘျုင်ထာန်ဇံန်(300) (2)ပိုင် စီလံက်ဟာဝ်း ကူန်ရဝ်မာဂါင် (5)အီး ကတူႈဖေးဆဝ်းအောႏ။
ယာမ်မိုႈ ကျံရ် (11) ဆငည်း(1)ဒိူန်း ဆီုက်ဘြာန်ဂဲ ဒါဂျဲက်ဖ်ုက်တာ (2)ကြောင် ရောတ်ဒေဲႈပဴင် ပ္လေဘျုင် (8)ပိုင်း ခေဲင်လှံင်အေဲမ်ကိုက် ပဇံင်(2)အောႏ။
ဆီုက်ဘြာန်ဂဲ ဒါထာမီန် ပဴင်ကယေင် ပ္လေဘျုင် တေဲင်ဒီဂေါည်ကူန်ရဝ်မာဂါင်ဂဲတောန်ဆငည်း ဂေါႇဘည်ဒီန် မိူဝ်ႈတိုအီးယံမ်း ကာည်း ဂါင်ဂေါည်ကူန်ရဝ်မာဂါင်မာ် ဆူမ်းလူလှဲဝ်ႏဟာဝ်းအောႏ။
ဘည်အနေကူန်ရဝ်မာဂါင်အယ်ဂဲ ကနာည်နံင်ဝဲႈဘည်တီုက်ဆီုက်ဘြာန်ဂဲ ဒါထာမီန် တောန်အီးလိုအူန်းဆတိ လောင်ဆီုက်နာန်း၊ အာဝ်ဘိူန်းဂေါည်ကစု ကာည်း လိုတောပ်ခေါပ်ပြာႇ ပ်ုန်ထုက်ပြံတ်လေႈပ္လါႇဘေဲႇ ဘည်ဒံန်ခြဲထာမီန်အောႏ။
#PSLF/TNLA
#တီုင်ပ္လေႈလေႈဆဒါင် #ဆဒါင်ပ္လေဲဝ်အခွါင်းအရေး
Comment Lists