တံပ်နာန်းတအာင်း PSLF/TNLAဂဲ ရေဲန်ဒဲႈအလှူ ကနာည်ကောန်ဆီုက်ကောန်နာန်း အီလူဟာဝ်း တိုပိုင်းယံင်နှာမ်းအဆာက် ခေဲင်ကတီုက်ကပဴင် လံပ်တီုက်နာန်း 1027 နိုက်အူဆန်ုမ်
29 October 2024
တံပ်နာန်းတအာင်း PSLF/TNLAဂဲ ရေဲန်ဒဲႈအလှူ ကနာည်ကောန်ဆီုက်ကောန်နာန်း အီလူဟာဝ်း တိုပိုင်းယံင်နှာမ်းအဆာက် ခေဲင်ကတီုက်ကပဴင် လံပ်တီုက်နာန်း 1027 နိုက်အူဆန်ုမ်
ကုင်တအာင်း ၊ ကျံရ်(10) ဆငည်း (28)
ကုင်တအာင်း၊ ဒီဘိူန်းဘြောင်ချှာင်အူဒီ ကျံရ် (10) ဆငည်း (27)ဒိူန်း တံပ်အွံရ်ပ်ုန်လောတ်ကပီုန်တအာင်း PSLF/TNLAဂဲ ရေဲန်ဒဲႈအလှူ ကနာည်ကောန်ဆီုက်ကောန်နာန်း အီလူဟာဝ်း တိုပိုင်းယံင်နှာမ်းအဆာက် ခေဲင်ကတီုက်ကပဴင် လံပ်တီုက်နာန်း 1027 နိုက်အူဆန်ုမ်လလအောႏ။
ကနာည်နံင်တီုက်ယာႈပ်ုန်လှဲဝ် အာဏာဆျှီန်ဆီုက်ဘြာန်ဂဲ အီနာဘာည်းတေဲင် ကောန်တီုင်ကုင်အီဂေါည်ခေဲင်ကုင်မျံမ်မာ၊ ကနာည်နံင်ဘိူန်း ဖဲက်ဒရယ်ဒီမိုကရေဆီ စီတီုက်ဓှီုန်းဟာဝ်း အာဏာဆီုက်ဘြာန် ပဲန်လူဟာဝ်းတိုးပိုင်းယံင်နှာမ်အဆာက်အောႏ။
ဂဲအီမိုႈ ဘံဝ်ကီုတ့်ဒါင်း (3)စူမ်း PSLA/TNLA၊ MNTJP/MNDAA ကာည်း ULA/AA ဂဲမိုႈအီဆောအွံရ်ဒေဝိူဝ်ႈဟာဝ်း လံပ်တီုက်နာန်း 1027နီန် ယာမ်ဆန်ုမ် 2024 ကျံရ် (10) (27) ရောတ် ဆန်ုမ် 2024 ကျံရ်(10) (27)နီး ဟည်နိုက်ဟာဝ်း အူန်ုမ်လလယာ့်အောႏ။ ခေဲင်လံပ်တီုက်နာန်း 1027နီန် ဖုင်ကောန်တီုင်ကုင်အီဘားလာက်နာက်ဂဲမာ် လီပ်ကဖြောမ်တောပ် ဘံဝ်ကီုတ့်ဒါင်း (3)စူမ်းဂဲ ခေဲင်လံပ်တီုက်နာန်းနီန်အောႏ။
ဒီဘြောင်ချှာင်ဆီုက်ဘြာန်ဂဲ လှံင်အေဲမ်ခြီရ်၊ လှံင်အေဲမ်ကိုက်၊ လှံင်အိုမ်ငျံရ်၊ လှံင်ရူကော ၊လှံင်အိုမ်ယ်ုရ် ၊ လှံင်မိူင်လိုင် ကာည်း လှံင်မိူင်ငှေါကဲနီန် တံပ်နာန်းတအာင်းTNLA ဂဲ ဘိူန်းပွံတ်ဒေဆီမ်းဟာဝ်း လှံင်ကဲဒီန် ခေဲင်လံပ်တီုက်နာန်း 1027 ဒေါန်(1)ဒိူန်းအောႏ။
လှံင်အီဒါ့်ကီုတ့်အူန်း လှံင်မာဝ်းဓံင်း ၊ လှံင်ဆဘော၊ လှံင်နောင်ချေဲဝ်၊ လှံင်မိုဂူႈကာည်း လှံင်မိူင်မီတ်ကဲနီန် ဘိူန်းဒေဆီမ်းဟာဝ်း လံပ်တီုက်နာန်း 1027 ခေဲင်ဒေါန်(2)နီန် ကဇေန်နီး ကီုတ့်ဘိုး တံပ်ဆခါန်တော်င်ခံမ်း ဆိင်ဒီပဲန်ဟာဝ်းကတီုက်ကပဴင်အောႏ။
လံပ်တီုက်နာန်းခေဲင်အူဆန်ုမ်နီန် ဂဲအာဝ်ငိူပ်အကျိုးကနာည်ဂဲ လီပ်တီုက်ဓှီုန်းအာဏာဆီုက်ဘြာန်ဂဲ ကောန်ဆီုက်ကောန်နာန်း ဂဲအီလှူဟာဝ်း အဆာက်၊ ယံင်နှာမ်း၊ အိုမ်ရမူ; တိုပိုင်း ကာည်း ဖုင်ကောန်တီုင်ကုင်ဂဲပါ့်ဒိုႇဒိုည်ႇ ယဲPSLF/TNLA ကာည်း ကူန်ရဝ်မာဂါင်ဂဲ အာဝ်းဘိအာဝ်ပျောႈ တိူဝ်ႈအူန်းကနှေဲႈဆမဲင်တေဲင်ဂဲဆေဆေအောႏ။
#PSLF/TNLA
#တီုင်ပ္လေ;လေ;ဆဒါင်
Comment Lists