ဆငည်းအ်ုန်ဒီး ပလှံင်နောင်ချေဲဝ် ကာည်း လှံင်အိုမ်ယ်ုရ် ဆီုက်ဘြာန်ဂဲ ဒါဂျဲက်ဖ်ုက်တာ ရောတ်ဒေဲႈပဴင် ပ္လေထာန်ဇံန် (300)တောပ်ဘိုး ပ္လေဘျုင် (8)ပိုင်း လံက်ဟာဝ်း တိုအီးရဝ် (1)အီး ကတူႈဖေးဆဝ်
21 October 2024
ဆငည်းအ်ုန်ဒီး ပလှံင်နောင်ချေဲဝ် ကာည်း လှံင်အိုမ်ယ်ုရ် ဆီုက်ဘြာန်ဂဲ ဒါဂျဲက်ဖ်ုက်တာ ရောတ်ဒေဲႈပဴင် ပ္လေထာန်ဇံန် (300)တောပ်ဘိုး ပ္လေဘျုင် (8)ပိုင်း လံက်ဟာဝ်း တိုအီးရဝ် (1)အီး ကတူႈဖေးဆဝ်
ကုင်တအာင်း ၊ ကျံရ်(10) ဆငည်း (21)
ကုင်တအာင်း ၊ အိူင်အိုမ်ယ်ုရ်၊ ပလှံင်နောင်ချေဲဝ် ကာည်း လှံင်အိုမ်ယ်ုရ် ဆီုက်ဘြာန်ဂဲ ဒါဂျဲက်ဖ်ုက်တာ ရောတ်ဒေဲႈပဴင် ပ္လေထာန်ဇံန် (300)တောပ်ဘိုး ပ္လေဘျုင် (8)ပိုင်း လံက်ဟာဝ်း အီးရဝ် (1)အီး ကတူႈဖေးဆဝ် တောပ်ဘိုး ဂါင် ကာည်း ကျောင်စဝ် လူလှဲဝ်ႈဟာဝ်းအောႏ။
ကျံရ်(10) ဆငည်း (21) အခိင် ခိညှာဇေဝ်း(1)နြီဒိူန်း ဆီုက်ဘြာန်ဂဲ ဒါထမီန် ဒေဲႈပဴင် ပ္လေထာန်ဇံန်(300) (2)ပိုင်း ကာည်း ပ္လေဘျုင်(6)ပိုင်း ခေဲင်လှံင်နောင်ချေဲဝ် ဇောႈပဒူႈဟာဝ်း ခေဲင်ဇံင်သပျေအောႏ။
ဂေါႇပ္လေဘျုင်စီဇောႈပဒူႈဘည်ဒီန် လံက်ဟာဝ်း ဂါင်တားဂိုကာ ကာည်း ဇံင်ပါဟဲတ် ဂါင်ဆဲင်မံင်လှေ လူလှဲဝ်ႈဟာဝ်း တောပ်ဘိုး တိုအီးရဝ် (1)အီး ကတူႈဖေးဆဝ်အောႏ။
ဆဲႈဒီန် အခိင် ခိညှာ (8:30)မီနေဲတ်ဒိူန်း လှံင်အိုမ်ယ်ုရ် ၊ ပရဝ်မာဝ်းဘ္လောႇ ဘည်အာဝ်းမိူဝ်ႈကတီုက်ကပဴင်မာ် ဆီုက်ဘြာန်ဂဲ ဒါဂျဲက်ဖ်ုက်တာ ရောတ်ဒေဲႈပဴင် ပ္လေဘျုင် စီဇောႈပဒူႈ ခေဲင်ကျောင်စဝ် ဓှါင်းကျောင်စဝ်မံင်ဒီ လူလှဲဝ်ႈဟာဝ်းအောႏ။
ခည်မိုႈ ကျံရ်(10) ဆငည်း (19)နီန် အခိင် ခိညှာဇေဝ်းဒိူန်း ဆီုက်ဘြာန်ဂဲ ဒါဂျဲက်ဖ်ုက်တာ (2)လိူဝ်ႈ ရောတ်ဒေဲႈပဴင် ပ္လေဘျုင် လံက်ဟာဝ်း တိုအီးရဝ် (4)အီးယံမ်း ၊ (3)အီးကတူႈဖေးဆဝ်အောႏ။ အခိင်ပ္လေါည်လေႈဝါပ္လါင်ပကျံရ်နိုက်ဒိူန်း ဆီုက်ဘြာန်ဂဲ ဒါထမီန်တီုက် ခေဲင်လှံင်နောင်ချေဲဝ် လံက်ဟာဝ်း တိုအီးရဝ် (4)အီး ကတူႈဖေးဆဝ်အောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ပ္လေဲဝ်အခွါင်းအရေး
Comment Lists