ဆီုက်ဘြာန်ဂဲ ဒါလာက်နာက်အီရဲင်ဘ္လောမ် ရောတ်ဒေဲႈပဴင် ပ္လေဘျုင် ထာန်ဇံန် (500) ခေဲင်လှံင်ဆဘော ကာည်း လှံင်နောင်ချေဲဝ် စီလံက်ဟာဝ်း ကူန်ရဝ်မာဂါင်အူအီးယံမ်း ဂါင်လူလှဲဝ်ႈဂီုန်း
12 October 2024
ဆီုက်ဘြာန်ဂဲ ဒါလာက်နာက်အီရဲင်ဘ္လောမ် ရောတ်ဒေဲႈပဴင် ပ္လေဘျုင် ထာန်ဇံန် (500) ခေဲင်လှံင်ဆဘော ကာည်း လှံင်နောင်ချေဲဝ် စီလံက်ဟာဝ်း ကူန်ရဝ်မာဂါင်အူအီးယံမ်း ဂါင်လူလှဲဝ်ႈဂီုန်း
ဆန်ုမ်2024၊ ကျံရ် (10) ဆငည်း (12)
ကုင်တအာင်း၊ အိူင်အိုမ်ယ်ုရ်၊ ဆီုက်ဘြာန်ဂဲ ဒါလာက်နာက်အီရဲင်ဘ္လောမ် ရောတ်ဒေဲႈပဴင် ပ္လေဘျုင် ထာန်ဇံန် (500) (3)ပိုင်း ခေဲင်လှံင်ဆဘော ဂဲဂေါည်ဒေ ကယေင်ပဴင်ဟာဝ်းလိူည် ဒီဂေါည်ကူန်ရဝ်မဂါင်ဘည်ဒီန် လံက်ဟာဝ်း ရဝ်ဂါင်လူလှဲဝ်ႈဂီုန်းအခည်းအောႏ။
ယာမ်မိုႈ ကျံရ်အူကိူရ် ဆင်ညး (10) အခိင်ကဒည်ဆငည်း (12)နြီဒိူန်း ဆီုက်ဘြာန်ဂဲ ရောတ်ဒေဲႈပဴင်ပ္လေဘျုင် ပလှံင်ဆဘော ဇံင်ဇာတ်ဆု ကာည်း တာမ်ကဘေဲမ်ဆဘော လံက်ဟာဝ်း ဂါင်ကဘေဲမ် ၊ ဂါင် (7)ဂါင်လေႈ လူလှဲဝ်ႈဟာဝ်းအောႏ။
ဒီပဲန်ကတီုက်ကပဴင် တပြောတံပ်ဆခါန် ခလရ-23ဒီန် ဆငည်း (11) အခိင် ခိညှာ(6:30)မနေဲတ် ရောတ် (7:30)မနေဲတ် ဆီုက်ဘြာန်ဂဲ ဒါY-12 ပဴင် ပ္လေဘျုင် (40)ပိုင်း ကာည်း အခိင် ရဆံန်(1:30) မနေဲတ် ရောတ် (2:30)မနေဲတ် ပဴင်ပ္လေဘျုင်(40)ပိုင်း မိုႈဘိုး ဆီုက်ဘြာန်အီဂေါည် နံမ်လာန်ဂဲမာ် ပဴင်ဟာဝ်း ပ္လေဒါင်း(10)ပိုင်းလေႈထာန်ဒီန်အောႏ။
ဆဲႈဒီန် ပလှံင်နောင်ချေဲဝ် ပရဝ်အီင်ဖို ကျံရ်အူကိူရ် ဆငည်း (9) အခိင် ခိညှာ(10)နြီဒိူန်း ဆီုက်ဘြာန်ဂဲ ဒါထမီန် ရောတ်ဒေဲႈပဴင် ပ္လေဘျုင် (4)ပိုင်း။ ဆငည်း (10) ခိညှာ (6:30)မနေဲတ်ဒိူန်းမာ် ဆီုက်ဘြာန်ဂဲအီဂေါည် ရဝ်ဘာန်ဘွေ့ကဲ ဂေါည်ဂေါည်ဒေ ပဴင်ဟာဝ်းပ္လေဒါင်းအောႏ။
ဂေါႇပ္လေဘျုင် ပဴင်ဆီုက်ဘြာန်ဂဲ လံက်ဟာဝ်းကူန်ရဝ်မာဂါင် အူအီးယံမ်း ၊ဂါင်ဂေါည်တိုအီးမာ် လူလှဲဝ်ဟာဝ်းဂီုန်း။ ဆီုက်ဘြာန်ဂဲ ကနာည်အဆာက်ဂါင်ဂေါည်ကူန်ရဝ်မာဂါင်နံင်လူလှဲဝ်ႈ တိုအီးအာဝ်ကဆဲင်လောင်ဆီုက်ကဲနီန်မာ် တောန်ဆငည်း ကဲဒါထမီန် ကာည်း ပ္လေဒါင်း ရောတ်ဒေဲႈပဴင်ဟာဝ်းဘည်ဒီန်အောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ပ္လေဲဝ်အခွါင်းအရေး
Comment Lists