07 October 2024

ပလှံင်ဆဘော ဂေါႇဆီုက်ဘြာန်ဂဲပဴင်ပ္လေဒါင်း ကာည်း ဒါဂျဲက်ထမီန် ဒေဲႈပဴင် ပ္လေထာန်ဇံန်(500) ပ္လေဘျုင်(5)ပိုင်း၊ လံက်ဟာဝ်း ကူန်ရဝ်မာဂါင် အူအီးယံမ်း (8)အီးကတူႈဖေးဆဝ်း အ်ုန်တောပ် ကောန်ဒဲႇ(2)အီး

ကုင်တအာင်း၊ ကျံရ် (10) ဆငည်း (7)

ကုင်တအာင်း ၊ အိူင်အိုမ်ယ်ုရ်၊ ပလှံင်ဆဘော ၊ ဆီုက်ဘြာန် ဒါ ဂျဲက်ဖ်ုက်တာ ရောတ်ဒေဲႈပဴင် ပ္လေထာန်ဇံန်(500) ပ္လေဘျုင် (5)ပိုင်းလေႈ လံက်ဟာဝ်း ကူန်ရဝ်မာဂါင် (1)အီးယံမ်း၊  (8)အီး ကတူႈဖေးဆဝ် ခေဲင်ဒီန် အ်ုန်တောပ် ကောန်ဒဲႇ ဆန်ုမ် ထာန်(10)ဆန်ုမ်အောႏ။

ယာမ်မိုႈ  ကျံရ်(10)ဆငည်း (5) အခိင် ရမှိူဝ် (8:30)မနေဲတ် ရောတ် (10)နြီဒိူန်း ဆီုက်ဘြာန်အီချှူမ်းဆီုက်ဂဲ ဒါဂျဲက်ထမီန်  ကယေင်ပဴင်ဟာဝ်း ကူန်ရဝ်မာဂါင် ခေဲင်လှံင်ဆဘော တောန်ဆငည်း ကဲ ရောတ်ဒေဲ;ပဴင်ဟာဝ်းပ္လေဘျုင်။ ဂေါႇပ္လေဘျုင်ပဲင်ဆီုက်ဘြာန်ဂဲ  ဇောႈပဒူႈဟာဝ်း တဇံင်ဇာတ်ဆု  တပြောလူမ်ပလီက် (2)ပိုင် ၊ ဇံင် ဆဲင်ကဘဆာန်ပျ(1)ပိုင်း ၊ ဆဲင်ကမူန် အူပိုင်း ကာည်း ဇံင်တောင်မျို့ တပြောနား(ဂီုင်)(1)ပိုင်းအောႏ။

ဂေါႇပ္လေဘျုင်ပဴင် ဆီုက်ဘြာန်ဂဲ  ပလှံင်ဆဘော  ကိုနာည်တေင် အဆာက် (51)ဆန်ုမ်ဒီန် အခိင်အ်ုန်အီတ်ဒံတ် တဆဲင်ကဘဆာန်ပျ စီညားဆိက်ပ္လေလံက်ယံမ်းဟာဝ်း ကာည်း  အီဇောႈခေဲင်ကဘေဲမ် တလူမ်ပလိက် လှံင်ဆဘော ကိုရဲ ကာည်း ကိုဖိုးချို ဂါရ် (2)အီး လံက်ဟာဝ်း ဇိူင် ၊ ရမောင် ကာည်း တည်း ကတူႈဟာဝ်းဖေးဆဝ်း။ ဆာ်မိုႈ  ဆဲင်ကဘဆာန်ပျ ဆဲင်အာရ်ထာပ်ဒီန် ပေန်ငံရ်ကဆူမ်းဟာဝ်းအောႏ။

ဆဲႈဒီန်  အခိင် ခိညာ (9:50)မနေဲတ်ဒိူန်း   ဆီုက်ဘြာန် ဂဲအီဂေါည် ပရဝ်နံမ်လာန် ကဲဒါ ဟောင်ဝေဆာ ပဴင်ဟာဝ်း ပ္လေဒါင်း (2)လိူဝ်ႈ ပ္လေဒါင်းစီဇောႈပဒူႈ ခေဲင်ရဝ်လောည်ကျိုင်း ကာည်း တပြောဂီက်အေရှာဝါအောႏ။

ဂေါႇမိုႈ  ပ္လေဒါင်းပဴင်ဆီုက်ဘြာန်ဂဲ ဇောႈပဒူႈ ခေဲင်ရဝ်လောည်ကျိုင်း လံက်ဟာဝ်း ယာနန်းဆဲင်နူန် ကာည်း ကောန်ဒဲ, အဆာက်(10)ကျံရ် ကာည်း ကောန်ဒဲႇ အဆာက်(4)ဆန်ုမ် (2)အီး ကတူႈဖေးဆဝ် တောပ်ဘိုး ကောန်အီမာည်း(3)အီး  တာတီင်ဝူန်း ၊တာတေင်ထူန်း၊ တာဆိုမျီတ် လံက်ဟာဝ်း ကဒါ; ၊ ဇိူင်၊ တည်း၊ ပ္လေဖိူမ် ပ္လေငါည်း ကာည်း  ကြောင် ကတူႈဟာဝ်းဖေးဆဝ်အောႏ။

ဂါင်ကူန်ရဝ်မာဂါင် (20)ဂါင်လေႈ ကာည်း  ကား ၊ ဆဲင်ကယ် ၊ ဂြိုခြီုင်ပ်ုန်ဒါခေဲင်ဂါင် ပေန်ငံရ်ကဆူမ်းချှုမ်းဟာဝ်းဒိုႇအောႏ။

#PSLF/TNLA

#တီုင်ပ္လေႈလေႈဆဒါင် 

#ဆဒါင်ပ္လေဲဝ်အခွါင်းအရေး

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း