ပလှံင်အေဲမ်ကိုက် အီမာည်းအူအီး ဂေါႇညားဒေညဲ့တီႇမဲင် ဆီုက်ဘြာန်ဂဲ ဇိူင်အ်ုန်အူကဒါႇ ကတ်ုတ်လေႈ
07 October 2024
ပလှံင်အေဲမ်ကိုက် အီမာည်းအူအီး ဂေါႇညားဒေညဲ့တီႇမဲင် ဆီုက်ဘြာန်ဂဲ ဇိူင်အ်ုန်အူကဒါႇ ကတ်ုတ်လေႈ
ကုင်တအာင်း၊ ကျံရ် (10) ဆငည်း(7)
ကုင်တအာင်း၊ အိူင်အိုမ်ခြိုင်၊ လှံင်အေဲမ်ကိုက် ပရဝ်လောည်ဆဲင် အီမာည်းအူအီး ဂေါႇညားဒေညဲ့တီႇမဲင် ပ်ုန်တီႇအူန်းဆီုက်ဘြာန်ဂဲ မဲင်စီပဒူႈ လံက်ဟာဝ်း ဇိူင်အ်ုန်အူကဒါႇ ကတ်ုတ်လေႈပွံတ်အောႏ။
ဘည်ဘာည်းအ်ုန်မိုႈ ကျံရ်(10) ဆငည်း (3) အခိင်ရဆံန် (2:50)မနေဲတ်ဒိူန်း မာည်းအာည်းစိင် အဆာက်(25)ဆန်ုမ်ဒီန် အခိင်အ်ုန်ဟာဝ်းတီပ်ဟြီုက်ကြာႇ စီညားဒေညဲ့တီႇမဲင် ပ်ုန်တီႇအူန်းဆီုက်ဘြာန်ဂဲ အူပိုင်း။ ဆာ်မိုႈ ဒီအ်ုန်ဒီး အာည်ႇနီန် မိုႈ ဒီဂေါည်ဆီုက်ဘြာန်ဂဲအောႏ။
ဂေါႇမဲင်ပဒူႈဘည်ဒီန် မာည်းအာည်းစိင် ကတူႈဟာဝ်းဖေးဆဝ် ဇိူင်အ်ုန်အူကဒါႇ ကတ်ုတ်လေႈ ဇိူင်ကဒါႇ လဝဲ၊ တည်း ကာည်း ပါ့်တိုးပိုင်း ညားဆိက်မဲင်လံက် ဘိူန်းဟာဝ်းဖေးဆဝ်ဒါင်း အောႏ။
PSLF/TNLA ဖုင်ဒံန်ခြဲတြားဥပဒေအီရံပ်ဇီုင်း ခေဲင်လှံင်အေဲမ်ကိုက်ဂဲ ဟာဝ်းစဲတ်ဆေးဒီပေန်မဲင်ပဒူႈ ဆာ်မိုႈ အီမာည်းအီကတူႈဖေးဆဝ်ဒီန် ကဲတိုန်းဟိုက်အ်ုန်ဆနံမ်း ပဂါင်ဆနံမ်လှံင်အေဲမ်ကိုက်အောႏ။
ယာမ်မိုႈ ကျံရ်တီမ် ဆငည်း (6)ဒိူန်း ပလှံင်အေဲမ်ကိုက် အီမာည်း အီဟာဝ်းယာႈဖျိူင်းအူအီး ညားဒေညဲ့တီႇမဲင် ပ်ုန်တီႇအူန်းဆီုက်ဘြာန်ဂဲ တပြောအမှတ်တရစောင်တဲင်ဒီန်အောႏ။
ဒီအ်ုန်ဒီး ဂေါႇမိုႈ မဲင်တီႇဆီုက်ဘြာန်ဂဲ ဆိင်ဒီကီုတ့်အူန်း တံပ်အွံရ်ပ်ုန်လောတ်ကပီုန်တအာင်း PSLF/TNLA အီရံပ်ဇီုင်းကပ္လိူင်ဂဲ ဒါႈအာဝ်ဘိူန်းလီပ်လေႈဘည်ဒီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists