ပလှံင်ဆဘော ခေဲင်(3)ဆငည်းနီန် ဂေါႇဆီုက်ဘြာန်ဂဲ ဒါ ထမီန် ကာည်း ရောက်ဒေဲႈပဴင် ပ္လေဘျုင် လံက်ဟာဝ်း တိုအီရဝ် (4)အီးယံမ်း၊ (11)အီးကတူႈဖေးဆဝ်
01 October 2024
ပလှံင်ဆဘော ခေဲင်(3)ဆငည်းနီန် ဂေါႇဆီုက်ဘြာန်ဂဲ ဒါ ထမီန် ကာည်း ရောက်ဒေဲႈပဴင် ပ္လေဘျုင် လံက်ဟာဝ်း တိုအီရဝ် (4)အီးယံမ်း၊ (11)အီးကတူႈဖေးဆဝ်
ကုင်တအာင်း ၊ ကျံရ်(10) ၊ ဆငည်း(1)
ကုင်တအာင်း ၊အိူင်အိုမ်ယ်ုရ်၊ပလှံင်ဆဘော ၊ ကျံရ်(9) ဆငည်း(29)ရောတ် ဆငည်း (30) ခေဲင်ဘြည် (3) ဆငည်းနီန် ဂေါႇဆီုက်ဘြာန်ဂဲ ဒါ ထမီန် ကာည်း ရောက်ဒေဲႈပဴင် ပ္လေဘျုင် လံက်ဟာဝ်း တိုအီရဝ် (4)အီးယံမ်း၊ (11)အီးကတူႈဖေးဆဝ်အောႏ။
ခည်မိုႈ ကျံရ်(8) ဆငည်း(28)ဒိူန်း ဂေါႇဆီုက်ဘြာန်ဂဲ ဒါထမီန် ကာည်း ပဴင်ပ္လေဘျုင် စီဇောႈပဒူႈ လံက်ဟာဝ်း ခေဲင်ဇံင် ဇာတ်ဆု (3)အီး၊ တပြောဇာတ်ဆု ဇံင် (3)ဒီန် (1)အီး ၊ ဇံင်တက္လာႈ ကာည်း တပြောဒီကဇူႈ ပ္လေခူလုင် (2)အီး ကစုကပိုမ် (6)အီးကတူႈဟာဝ်းဖေးဆဝ် တောပ်ဘိုး ဂါင် ကာည်း ဆဲင်ဆနံမ် (10)လေႈ လူလှဲဝ်ႈဟာဝ်းအောႏ။
ဆဲႈဒီန် ကျံရ်(9) ဆငည်း(29) အခိင်စူန်အံပ် (3)နြီဒိူန်း ဆီုက်ဘြာန် ဒါထမီန် Y-12 ရောတ်ဒေဲႈပဴင် ပ္လေဘျုင် ခေဲင်လှံင်ဆဘော စီဇောႈပဒူႈလံက်ဟာဝ်း ဂါင်ဆနံမ်ဆဘော ၊ ဆဲင်ဟောမ်ပေါမ်၊ ဆဲင်အိုမ်မျံမ်ဂိုး၊ တပြောဂါင်တားကိုအူး၊ တပြောကျောင်ပနောဘေဲႇ ၊ ကပုဆဘော ကာည်း တပြောမိုးလိုင်လေအောႏ။
ဂေါႇပ္လေဘျုင်ပဴင်ဆီုက်ဘြာန်ဂဲ ပလှံင်ဆဘော ကောန်အီမာည်း အီဂေါည်ဓမ္မာယုင် (1)အီးယံမ်း တပြောလှံင်ဟောင်းသဲကွင်း ကောန်အီမာည်း (1)အီး၊ အီလီပ်ဖုင်ကဇောည်ပရဟိတ ကောန်အီမာည်း (1)အီး ၊ တပြောယုင်ဆနံမ် ကောန်အီမာည်း (1)အီး ၊ ကောန်အီပ်ုန်(1)အီး ကာည်း ဒေင်ကကာႈ တပြောဆဲင်ပ္လူး ကောန်အီးပ်ုန် (1)အီး ကစုကပိုမ် (5)အီး ကတူႈဟာဝ်းဖေးဆဝ်။ ဟောည်ႇဒီန် ပလှံင်ဆဘော ရဝ်ခါလိန် ဂေါႇ ဆီုက်ဘြာန်ဂဲ ဒေဲႈပဴင်ပ္လေဘျုင် လံက်ဟာဝ်း ကောန်ဒဲႇ အဆာက်(7)ဆန်ုမ် (1)အီး၊ ကောန်အီမာည်း (1)အီး ကာည်း ကောန်အီးပ်ုန် (1)အီး ဂဲရမာရဟောမ်(3)အီးယံမ်းဟာဝ်းပွံတ်အောႏ။
ယာမ်မိုႈ အခိင်ရမှိူဝ်ဒိူန်းမာ် တီုင်တံပ်ဆီုက်ဘြာန်ဂဲ ဒါဂျဲက်ဖ်ုက်တာ ကာည်း Y-12 ရောတ်ဒေဲႈပဴင် ဂါင်ကူန်ရဝ်မာဂါင်ဂဲ လူလှဲဝ်ႈအောႏ။
ကတီုက်ကပဴင်ဒီန် ခေဲင်ကျံရ်(9)နီန် ဆီုက်ဘြာန်ဂဲ ဂေါႇမိုႈ ဂဲချှူမ်းဟာဝ်းဘ္လံမ်းဘည်ဒီန် ကဲဒါထမီန် ကာည်း ပ္လေဒါင်း ကယေင်ပဴင်ဟာဝ်းလိူည် ဒီဂေါည်ကူန်ရဝ်မာဂါင် ဂေါႇပ္လေဘျုင်ပဴင်ဆီုက်ဘြာန်ဂဲ ခေဲင်ကုင်တအာင်း လံက်ဟာဝ်း တိုအီးရဝ် (26)အီးယံမ်း ကာည်း (41)အီးကတူႈဖေးဆဝ် တောပ်ဘိုး ဂါင်(47)ဂါင် လူလှဲဝ်ႈ
ဟာဝ်းဒိုႇအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ပ္လေဲဝ်အခွါင်းအရေး
Comment Lists