ပလှံင်မာဝ်းဓံင်း ပေန်ငံရ်ကဆူမ်းဟာဝ်းဂါင်အူဂါင် အီမာည်းနောႈအာဝ်ပေန် (1)အီး ကတူႈဖေးဆဝ်ဒါင်
27 September 2024
ပလှံင်မာဝ်းဓံင်း ပေန်ငံရ်ကဆူမ်းဟာဝ်းဂါင်အူဂါင် အီမာည်းနောႈအာဝ်ပေန် (1)အီး ကတူႈဖေးဆဝ်ဒါင်း
ကုင်တအာင်း၊ ကျံရ်တီမ် ဆငည်း (27)
ကုင်တအာင်း၊ အိူင်အိုမ်ယ်ုရ်၊ လှံင်မာဝ်းဓံင်း ဇံင် ရမှာည်(7)၊ ဇံင် (4) ပေန်ငံရ်ကဆူမ်းဟာဝ်း ဂါင်အူဂါင် အီမာည်းနောႈအာဝ်ပေန် (1)အီး ကတူႈဖေးဆဝ်ဒါင်းအောႏ။
ယာမ်မိုႈ ကျံရ်တီမ် ဆငည်း (26) အခိင် ခိညှာဇေဝ် (2:30)မနေဲတ်ဒိူန်း တားမျိုဆော် အဆာက် (45)ဆန်ုမ် နောႈအာဝ်ပေန်ဒီန် စီကစုတိုက်ပ္လါႇဘေဲႇခေဲင်ဂါင် ကတံက်ဟာဝ်းဂြိုခြီုင် အီဂေါည်ခေဲင်ဂါင် ပေန်ဟာဝ်းငံရ်ကဆူမ်းဘည်ဒီန်အောႏ။
အခိင်ပေန်ငံရ်ကဆူမ်းဘည်ဒီန် နံင်အာဝ်ကတံက်ဟာဝ်းဂါင်အီဂေါည် တပြောဒီန် PSLF/TNLA ဖုင်အီပျံတ်ယံတ်ငံရ် လှံင်မာဝ်းဓံင်းဂဲ ဒေဲႈကဇောည်ပျံတ်ယံတ်ဟာဝ်းငံရ်။ အခိင်ပေန်ငံရ်ကဆူမ်း တာမျိုဆော် ဂေါည်အ်ုန်ဘူနံပ်ဒေလေႈ ညားကတူႈဟာဝ်းဖေးဆဝ် ပါ့်တိုးပိုင်းအောႏ။
ဂေါႇငံရ်ကဆူမ်းဘည်နီန် ဆဲင်ကယ် (3)ကြောင် ကာည်း ဂြိုခြီုင်အီဂေါည်ခေဲင်ဂါင် ကစုကပိုမ် ငေါႈခံန်အ်ုန် ချှူမ်းဟာဝ်း ရိူန်း (150)ဆဲန်လေႈအောႏ။
လောင်ဘည်ကဆူမ်းငံရ်ဒီန် ဆိင်ဒီစဲတ်ဆေးအူန်း ဆာ်မိုႈ တားမျိုဆော် အီကတူႈဖေးဆဝ် စီတိုန်းဟိုက်အ်ုန်ဆနံမ်း ပလှံင်ဆနံမ်း ဆဘောအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ပ္လေဲဝ်အခွါင်းအရေး
Comment Lists