ခေဲင်လှံင်ဆဘော ဆီုက်ဘြာန်ဂဲ ဒါဂျဲတ်ဖိုက်တာ (2)ကြောင် ရောတ်ဒေဲ;ပဴင် လံက်ဟာဝ်းကူန်ရဝ်မာဂါင် (4)အီးယံမ်း (3)အတူ;ဖေးဆဝ်
25 September 2024
ခေဲင်လှံင်ဆဘော ဆီုက်ဘြာန်ဂဲ ဒါဂျဲတ်ဖိုက်တာ (2)ကြောင် ရောတ်ဒေဲ;ပဴင် လံက်ဟာဝ်းကူန်ရဝ်မာဂါင် (4)အီးယံမ်း (3)အတူ;ဖေးဆဝ်း
ကုင်တအာင်း ၊ ကျံရ်(9)ဆငည်း(24)
ကုင်တအာင်း ၊ အိူင်အိုမ်ယ်ုရ်၊ ပလှံင်ဆဘော ၊ ဆီုက်ဘြာန်ဂဲ ဒါဂျဲတ်ဖိုက်တာ (2)ကြောင် ကာည်း ပ္လေဘျုင်(6)ပိုင် ရောတ်ဒေဲ;ပဴင် လံက်ဟာဝ်း ကူန်ရဝ်မာဂါင်(4)အီးယံမ်း (3)အီးအတူ;ဖေးဆဝ်းအောႏ။
ကျံရ်(9)၊ ဆငည်း(24) အခိင်စူန်အံပ်(3)နြီဒိူန် ဆီုက်ဘြာန်ဂဲ ဒါဂျဲတ်ဖိုက်တာ(2)ကြောင် ကာည်း ပ္လေဘျုင်(6)ပိုင် ရောတ်ဒေဲ;ပဴင်ဟာဝ်းအောႏ။ ဆဲႈဒီန် ဂေါ,ဆီုက်ဘြာန်ဂဲ ရောတ်ဒေဲ;ပဲင်ပ္လေဘျုင် စီဇာႈပဒူႈ ပရဝ်နားလာည် စီလံက်ဟာဝ်း မာည်းကျီတာ အဆာက်(18)ဆန်ုမ်အူအီး ၊ မာည်းဂူသာ အဆာက်(21)ဆန်ုမ်အူအီး ၊ ယာမာလေးအဆာက်(50)ဆန်ုမ် ကာည်း ယာအေးနွဲန် အဆာက်(77)ဆန်ုမ် ကဲဆူယာ(4)အီးယံမ်းဟာဝ်းအောႏ။
ဆဲႈဒီန် ကောန်ဒဲ့ အဆာက်(2)ဆန်ုမ် (1)အီး ကာည်း ကောန်အီမာည်း(3)အီး လံက်ဟာဝ်း ကိင်၊ ဇာ်န်း၊ ဘ္လဲဝ်း ကာည်း တည်း ကတူႈဖေးဆဝ်းဒါင်းအောႏ။
ဂေါ,ပ္လေဒါင်းပဴင်ဆီုက်ဘြာန်ဂဲ စီဇာႈ ကဒါ,ရဝ်နားလာည် လံက်ဂါင်(10)ဂါင်လေႈ လူလှဲဝ်ႈဟာဝ်း ပ္လေဘျုင်(1)ပိုင်အာဝ်ပဒူႈအောႏ။
မို;ဘိုး အခိင်စူန်မှိူဝ်(8:30)မနေဲတ်ဒိူန် ဆီုက်ဘြာန်ဂဲ ဒါထမီန်Y-12 ကာည်း ပ္လေဘျုင် (20)ပိုင် ရောတ်ဒေဲ;ပဲင်ဟာဝ်း ဒီဂေါည်ကူန်ရဝ်မာဂါင်ဂဲ ပ္လေဘျူင်ပဴင်ဆီုက်ဘြာန်ဂဲ စီဇာႈပဒူႈလံက်ဟာဝ်းဂါင်လူလှဲဝ်:ဟာဝ်းအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ပ္လေဲဝ်အခွါင်းအရေး
Comment Lists